بالصور: الثلوج تتساقط بولاية الجزيرة.. الحلاويون بالسودان يصلون صلاة الاستسقاء ودعواتهم تجعل السماء تصب ثلوج

انت قايل الجليد بس فى لندن
كل شئ وارد عند ربنا وخلينا من لندن بتاعتك دى

يا شباب الحاصل شنو ..ايه القنوط اﻻصاب الناس.. طول مافي رب رحيم بعباده وطول مافي صلاه استسقاء وطول ماالخير موجود في امه محمد وطول مافي يسرين بعد العسر ..مهما فعل الحكام من ظلم للعباد فهناك رب العباد القيوم الذي ﻻينوم..قولوا يالله

دجانقو يعني شنو الرد ده خلينا من لندن بتاعتك دي ؟ غايتو في ناس في السودان حقدهم وحسدهم يخوف صراحة الله يحمينا من عيونكم دي سبحان الله عينكم والقبر

و فيها شنو يعني لندن

إذا أجدبت الأرض وأمحلت ( ماحلت ) , وجاعت البهائم , يسن للناس أن يصلوا صلاة الاستسقاء ( وهي التضرع إلى الله وطلب السقيا منه وإنزال الغيث) ويستحب أن يخرج الناس إليها بثيابهم العادية مع الأطفال وكبار السن ومعهم بهائمهم مظهرين حاجتهم وفقرهم إلى الله مكثرين من الاستغفار والتوبة إلى الله والرجوع إليه ويصلي بهم الإمام ركعتين وخطبة بعدهما , مع ترك اللجاج والفلهمة والفلقصة والفنطزة (والفلفسة ) كمثل قول بعضهم ( ظاهرة طبيعية ) وقد قال الله في كتابه : ( وهو الذي ينزل الغيث من بعد ما قنطوا وينشر رحمته وهو الولي الحميد ) ( ونزلنا من السماء مباركاً فأنبتنا به جنات وحب الحصيد , والنخل باسقات لها طلع نضيد , رزقا للعباد وأحيينا به بلدة ميتا , كذلك الخروج ) وقد يرحم الله الناس بدعوة فرد واحد صالح أو بدعوة طفل أو شيخ كبير أو شخص لا يؤبه له ( رب أشعث أغبر ذي طمرين لو أقسم على الله لأبـــرّه ) أما هذا البـــَرد الذي نزل فيدل على أن الماء نزل من طبقات جوية قريبة من الأرض أي نزل قبل أن يذوب . قال الله تعالى : ( .. وينزل من السماء من جبال فيها من بـــَرد فيصيب به من يشاء ويصرفه عن من يشاء يكاد سنا برقه يذهب بالأبصار ..) والمنطقة التي ذكرتم أنه أديت فيها صلاة الاستسقاء ينطقها أهلها بياء واحدة ( الحلاوين ) وقرى الحلاوين تقع غرب وشمال غرب الحصاحيصا وأشهر قراها ( قنّب وأبوفروع ومناقزة وحلة الشيخ البصير والحليلة وشكيرة وود البصير (وفيها التقر الذي اغتيل فيه شهيداً ( إن شاء الله ) ع/القادر ود حبوبة ) وصافية وكتفية ودلقة والتميد ومصطفى قرشي وابسير والولي وطيبة الشيخ القرشي ( ود الزين ) وأخريات ضاعت مني أسماؤها لأني فقط عشت جزءا من صغري فيها , والحلاوين فرع من قبيلة رفاعة ( حليلهم , ولله درهم )

الموجود في الصوره برد (بفتح الراء) و ليس ثلج فالبرد لا يحتاج درجات حراره منخفضه للهطول عكس الثلج و الدليل مقوله الرسول الاعجازيه (اللهم اغسل خطاياي بماء الثلج و البرد ونقي قلبي من خطاياي كما نقيت الثوب الابيض من الدنس)

طيب الحلاوين الطيبين ومشايخ الحلاوين بالله عليكم ما تدعوا لينا ربنا يطير ناس الحكومة دي إلى أي مكان ولو يمشوا يعملوا ليهم دولة براهم المهم بالله عليكم يفكونا من شرهم بس ماعايزين منكم أي شيء …. بس دعواتكم ربنا يحلنا منهم …..

شنو يا جماعة ده حاجة عادية جدا ثلج نازل من السماء مع الامطار, ده يسمى برد (بفتح حرفا باء و الراء) و تكثر في المناطق الجبلية.