تورط شخصيات ومكاتب استخدام في قضية السودانيات بالسعودية
كشفت سفارة السودان في المملكة السعودية عن تورط أشخاص ومكاتب استخدام في استقدام سودانيات للسعودية تحت مسمى “عمالة منزلية وفي الأثناء قررت وزارة العمل بالخرطوم تشكيل لجنة لمتابعة قضية العاملات بالمملكة مع الجهات ذات الصلة . وقالت السفارة في بيان لها ” استكملنا المعلومات الأساسية حول مكاتب الاستخدام والأشخاص المتورطين من ذوي النفوس الضعيفة في التغرير بالمواطنات الشريفات. وستقوم السفارة باتخاذ الاجراءات الكفيلة في منع مثل هذه الظواهر التي لا تشبه قيم المجتمع السوداني وأكدت السفارة بحسب (سودان تربيون) أنها عبرت منذ العام 2011 عن سياسة السودان الواضحة حول رفض السودان عمل المرأة السودانية في مهنة عاملة منزلية ”
وكشفت وزاره العمل عن تشكيل لجنة لمتابعة قضية العاملات السودانيات مع الجهات ذات الصلة واضاف وزير العمل ولاصلاح الاداري احمد بابكر نهار ان الوزاره ليست لها صلة بعمل اي سودانية بمهنة عاملة خارج السودان والوزارة تمنع سفر اي سودانية للعمل بالقانون خارج السودان .وفي السياق اكد جهاز تنظيم شؤؤن السودانيين العاملين بالخارج التزامه وبالتنسيق مع إدارة الجوازات بالقرار القاضي بمنع إستصدار جواز بمهنه (عاملة منزلية) وابلغت نائب المدير العام للجهاز نجوي هلالي (أخر لحظة) ان الجهاز لا يمتلك اية وثيقة او اوراق ثبوتية تخص الفتيات العاملات بالمملكة واوضحت أن الاجراءات المتبعة بالجهاز تبدأ بطلب فيزا مرفق معها عدم ممانعة من وزارة العمل من السفر خارج البلاد.
صحيفة آخر لحظة
لقد باعوا كل شئ،،،، والان بدوا في بيع اعراضنا،،،،،
تبآ لكم،،،،
تبريكم ع الفاضي وعايزين تعملوا لانفسكم امجاد لتغطية مساوئكم السابقة……..بلي يخمكم
الواحدة تسافر من غير محرم ليه
صحيح قد ﻻ يكون لوزارة العمل علم بالخدمات ﻷن بعض المكاتب تتعامل مع جهات داخل جهاز المغتربين وعمل تأشيرة الخروج دون خطاب عدم الممانعة من مكتب العمل ….. إنه الفساد .. إنها حكومة أصحاب النفوس الضعيفة
رئسنا القال جعلى ده وينو البخلى عرضو يمشى يسافر او يشتغل فى بيوت الناس خدا ما ت اين الجعوليه واين الرجولة هل هى مجرد شعارات( يافارس الحديد ان حمى) نرجو منك القصاص والقصاص من هاؤلا ء الذين غرروا بهاؤلاء الفتيات وارسلوهن الى هذه الوظائف التى لاتليق بسودانيتنا ولا بسمعتنا يجب القصاص منهم جميعا من كان بالداخل او بالخارج لانهم ناس خاينين للامانه وما عندهم شرف ولاذمة وكل همهم جنى المال فقط .
صحيح قد ﻻ يكون لوزارة العمل علم بالخادمات ﻷن بعض المكاتب تتعامل مع جهات داخل جهاز المغتربين وعمل تأشيرة الخروج دون خطاب عدم الممانعة من مكتب العمل ….. إنه الفساد .. إنها حكومة أصحاب النفوس الضعيفة
انتو اغبياء هن طلعن بتاشيرات عاملات مشغل خياطة أو كوافيرة او غيرها ولما تصل هناك بنلقى الشغل غير كدة
المشكلة انو ناس السودان ديل مفتكرين انو السعوديين ديل كلهم أصحاب رسول الله (ص)
الشئ الذي يحير العقل أين صوت أسر هؤلاء الفتيات ؟ ولماذا الصمت ؟؟!!
اموضوع ده بيخص السودانين وسمعتهم ما بخص اسر هاؤلاء البنات وبعدين شكلهن ما عندهن وليان وإلا ما كان خلوهن طلعن براهن لكى يواجهن هذا المجهول الذى كثيرا ما حذر الناس منه ومما تلاقيه البنت من معاملة من البعض غير كريمة و بعدين مهنة خدامة منزلية والله لا تليق بالسودانية الحرة الكريمة حتى ولو داخل بلدها فما بالك بان تكون بالخارج وبدولة عربية بها كثير من السودانين الذين اول ما يهمهم شرفهم وسمعتهم وكرامة عرضهم
ﻟﻴﺲ ﺍﻟﺨﺎﺩﻣﺎﺕ ﻓﻘﻄ
ﻧﺮﻳﺪ ﻗﺮﺍﺭ ﻳﺸﻤﻞ ﺣﺘﻲ ﺍﻟﺮﻋﺎﺓ ﻭﺍﻟﻤﺰﺍﺭﻋﻴﻦ
ﻭﺷﻤﺎﺳﺔ ﺑﺎﺏ ﺷﺮﻳﻒ ﺍﻟﺸﺎﻳﻠﻴﻦ ﺍﻟﺠﻠﺎﻟﻴﺐ
ﻭﺍﻟﻤﺴﺎﻭﻳﻚ
والله صدقت ياعثمان . ان السعب السوداني مفتكر السعوديين ديل اصحاب رسول الله وقد لايكون عارفين بان السعوديين هم من رمى الرسول بالحصى والحجارة وهم من حاربوه من اجل اخماد الدعوة .
انا موجود في السعودية منذ العام 2005م واحلف بالله بان السعوديين هم اسواء ناس في العرب ونحن شايفين الانتو ماشايفنو
نعم إنها حكومة أصحاب النفوس الضعيفة
الله اكبر والعزة للسودان مش دي شعارات حكومة السجم والرماد
السودان خلاص يالسره قام انداس
طبل الذل ضرب بالسره ابكي خلاص
إذا لم يكن هنالك قرار منع سابقا، كيف يحاكمون اصحاب الوكالات او الاشخاص”المتورطين”؟
معنى ذلك كانت غير ممنوعة! لكن بعد قرار المنع حاكموا من يخالف، فكيف الآن تتم المحاسبة بأثر رجعي؟
ياOsman تعليق طويل وما اختصرت فيه إلا الصلاة على الرسول صلى الله عليه وآله وسلم، تكتب(ص) طيب اكتب”س”!