سياسية
إلغاء اعتماد الجواز والجنسية في معاملات البيع والشراء وتسجيل الأراضي
وجهت السلطة القضائية، المسجل العام للأراضي وجميع مكاتب التسجيلات بوقف التعامل بجواز السفر والجنسية كوثيقة في المعاملات الخاصة ببيع وشراء وتسجيل الأراضي واعتمدت البطاقة الشخصية (القومية)، وثيقة رسمية لإتمام المعاملات، ونبهت القضائية مسجل الأراضي في تعميم ممهور بتوقيع قاضي المحكمة عثمان الصديق أحمد، حصلت عليه (اليوم التالي) أمس (الجمعة) إلى أن وثيقة الجواز مستخرجة لأغراض السفر وليست وثيقة لإثبات الشخصية، ولفتت إلى أن التوجيهات الصادرة من وزارة الداخلية تعتبر البطاقة الشخصية أو البطاقة القومية هي الوثيقة المجازة والمتعارف عليها لإثبات الشخصية وليس الجواز، ووجهت جميع مكاتب تسجيلات الأراضي بعدم التعامل بجواز السفر كوثيقة في التعاملات الواردة لهم.
اليوم التالي
جنس بلادة … ما شفت بلد المسؤلين فيها بيحبو يعقدو حياة الناس زي بلدنا دي … يعني الجواز اثبات شخصية في أي محل في العالم واثبات شخصية للشخص حتى خارج السودان تجي مؤسسة من داخل البلد تقول مابتقبلو… سجم ورماد
ناس البطاقة الشخصية عايزين قروش — طيب لو زول عايش برا السودان وما عنده بطاقة شخصية وعايز يوكل اقاربه يعمل شنو
يا عالم هوووووووي يا شواذ الشواذ، الجواز موضح فيه الرقم الوطني ، لكيف لا يقبل . بس ركوب راس وعدم فهم
يا ناس بلدنا حيرتونا … كيف الجواز يكون ما إثبات شخصية وهو المعترف به في جميع دول العالم بأنه إثبات لشخصية المسافر .. علماً بأن الجواز السوداني بالذات فيه الرقم الروطني الذي يمثل دليل وإثبات واضح على شخصية حامل الجواز … يا أخواننا إن الجواز يحمل كافة المعلومات المهمة للشخص + الرقم الوطني. وزي ما قالت الأخت سارة أعلاه بأن ناس البطاقة عايزين قروش !!!
كلام سليم من مقام وزارة الداخلية حيث أن الإثبات في كل دول العالم هو البطاقة الشخصية ، أما السادة المعلقين على أن جواز السفر هو وثيقة إثبات شخصية فهذا كلام خاطئ ، فيعتبر جواز السفر وثيقة للسفر فقط ، بدليل أن الدول الأخرى المقيمين فيها السودانيين يستخرجون لهم بطاقة كالإقامة مثلاً في السعودية
ي البتقول كلام سليم امشي الجوازات وقول عايز بطاقة اما الشبكة طاشة أو مافي بطاقات بس انتو شغاليين حاكو حاكو والعالم كلو الاثبات فيهو ببطاقة قومية كلامك صحيح بس اصدار البطاقة بكون في اقل من ساعة ؟؟؟؟؟
دا كلام شنو ي ناس طيب انا ماعندي بطاقة قومية وعندي جواز وراجع السودان اطلع بطاقة من وين ؟ بس قولو عايزين قروش وعايزين الناس تمشي تطلعها طلعت روحكم ان شاء الله