(100) ألف جنيه جائزة مالية لمن يدلي بمعلومات عن فتيات التحقن بداعش
أعلنت اسر الفتيات الأربع اللائي التحقن بتنظيم الدولة الإسلامية (داعش) عن جائزة مالية قدرها 100 ألف جنيه سوداني لمن يدلي بأي معلومات كافية تدل على أماكن تواجد بناتهن، ونشرت الأسر إعلاناً موحداً في صحيفة السوداني، وأبدت أملها في أن يساهم في العثور على أي معلومات مؤكدة بعد انقطاع الاتصال بهن، واختلفت التوأم منار وأبرار عبد السلام العيدروس الطاهر و آية اليثي الحاج يوسف وثريا صلاح الدين حامد السيد منذ التاسع والعشرين من شهر أغسطس الماضي، وتواترت الأنباء عن التحاقهن بتنظيم داعش اثر اختفاء جوازاتهن وانقطاع الاتصال بهن، وقال والد التوأم (منار وأبرار) عبد السلام العيدروس في حديثه انه ذهب لدولة الأمارات العربية المتحدة تحديداً إلى الشارقة للعثور على أي معلومات تفيد بسفر بنتيه ورفيقتيهما الى تركيا، مشيراً إلى أن السلطات هناك تعاونت معه وأكدت عدم دخول فتيات بالأسماء المذكورة إلى مطار الشارقة.
صحيفة السوداني
هذه المرة الرحلة الخرطوم – جده – تركيا
أنا عندي معلومات مؤكدة
قبل أسبوع كانوا معاكم في البيت وانتو ما شغالين بيهن .إذا ربنا كتب لكم اللقاء سيعدن إن شاء الله . أهم حاجة تراجعوا منهج التربية عندكم حفاظاً على الأخريات . ونصيحة للوالدين بمراجعة مصادر الرزق عندهم
خلوا معاكم شوية قريشاتكم دي واعرفو ربوا بناتكم . . انتو فهمكم للحياة فهم متخلف اي حاجة جالطنها في داعش . . البنات ديل في السودان دا بس حلحلوا مشاكلكم في بيوتكم اولا تاني يمكن يرجعن بيوتهن
البنات ديل كلهم ماشين بعرسو اي بنت في السودان ما لقت عريس حتمشي داعش لانو أبوها وامها عايزين يعرسو ليها بمزاجهم عشان كدا نصيحه لا اي زول عندو بنات جاك اي زول زو خلق ودين ما تردد عرس ليه طوالي البنات عايزات عرس
ممكن الواحد يربي اولاده احسن تربية وما يقصر معاهم وبرضوا يطلع فيهم واحد مسلط سيدنا نوح عليه السلام كان نبي وابنه طلع كافر عشان كدة مافي داعي للشماتة في هذه الاسر لانه مرات في عوامل خارجية مؤثرة اللهم احفظ ابناءنا وبناتنا جميعا من الفتن ما ظهر منها وما بطن