أسرة الطالب “الأمريكى” السوداني الاصل “صانع الساعة” تطلب تعويضا 15 مليون دولار
قال محامون عن الفتى المسلم البالغ من العمر 14 عاما وكان قد ألقى القبض عليه بعد أن أحضر ساعة صنعها فى منزله إلى مدرسته فى تكساس، إنه تعرض للإساءة علنا ويستحق الحصول على تعويض بقيمة 15 مليون دولار. المؤسسة القانونية التى تمثل أحمد محمد أرسلت خطابات يوم الاثنين تطلب عشرة ملايين دولار من مدينة إرفينغ، وتطلب خمسة ملايين دولار أخرى من مدرسة مقاطعة إرفينغ الخاصة.
وتهدد الخطابات أيضا برفع دعاوى قضائية والسعى للحصول على اعتذارات مكتوبة. كان أحمد (السوداني الأصل) قد أخذ الساعة التى صنعها معه إلى المدرسة فى سبتمبر ، وظن أحد العاملين فى المدرسة أنها قنبلة. ألقى القبض على أحمد لكن لم توجه إليه أى اتهامات. كما فصل أيضا من المدرسة،
قبلت العائلة عرضا بدفع مصاريف تعليم أحمد فى قطر، ثم انتقلت فى ذلك الوقت إلى الدولة الخليجية، ولم نتلق ردا على الرسائل التى أرسلناها لمدعى مدينة إرفينغ والمقاطعة اليوم الاثنين.
تكساس (أ ب)
عمك ياخ
يعنى تانى تعويضات احمد حتغطى على تياب ندى القلعه فى النيلين
ديلــــــــــــــــــــــــي تلغراف: ملحد بريطاني يتهجم على فتى الساعة السوداني !!!!
نشرت صحيفة “ديلي تلغراف” تقريرا لمراسلها نك ألين، قال فيه إن البروفيسور الملحد ريتشارد دوكنز اتهم الفتى المسلم، الذي اعتقلته الشرطة بعد أن اتهمته مدرسته بأنه صمم قنبلة، عندما أراد أن يعرض عليها الساعة التي صممها وجمعها تنفيذا لواجب منزلي، بالمخادعة ليزور البيت الأبيض..
***************************
بــــــــــــــــــــــــــــــــــدووووون تعليــــــــــــــــــــــــــــــــــــــــــــــــق
( ليس بعد الكفر ذنب )
والله صدقت واريحنا من اخبار كيم كيردشان ام قعر التانيه دي
كمان
أرجو أن ننظر للموضوع من ناحية أخري ، و هي أنه من حق أي شخص مقاضاة الحكومة في حال أنها أخطأت في حقه.
و الله انت مفروض تدفع ليهم 15 مليون بقيت مشهور من عدم ما كان فى حد عارفك و لا عارف ساعتك دى . بالصورة حتضيع ابوك حايم بيك من بلد لبلد و من رئيس لرئيس . يا ابنى اقعد فى الارض و دور على مستقبلك
ابو الحسد زاتو, اكيد انك من معلقي الراكوبة. نتمني للابن احمد التوفيق في قضيته. اكيد صورة الطفل احمد وهو مقيد بالكلبشات لم تحرك فيك شيئا .
ياخي دا المستقبل زاتو؟ 15 مليون دولار ………….انت حاسد بس
ساعة شنو يا ابو ساعة تعال انا بعطيك 100 ساعة احسن تشوف قرايتك وواضح انك ما نا فع فيها بدليل انك متنقل من بلد لبلد.
الحسد صار السمة الاساسية للسوداني, نتمني للابن احمد ان يكسب دعواه .
حاسد ……ودي حال السودانين عشان كدا ما يتقدم البلد دا………………..انت حاسد
هو مجمع الساعة لأنه قام بعملية تجميع فقط لإجزاء الساعة من أجهزة أخري وليس مخترعها ل أي قام بتصنيع أجزائها لأنه هنالك فرق كبير بين التجميع والإختراع “الصناعة”، …… ودي الكايس ليها أبوه او الدايرها أبوه …. عشان بدفعوا ليك ” النشوف” …
هو مجمع الساعة لأنه قام بعملية تجميع فقط لإجزاء الساعة من أجهزة أخري وليس مخترعها ل أي قام بتصنيع أجزائها لأنه هنالك فرق كبير بين التجميع والإختراع “الصناعة”، …… ودي الكايس ليها أبوه او الدايرها أبوه …. عشان بدفعوا ليك ” النشوف” …
من الأول قلنا ليكم الأب بيتاجر بإبنه مافي زول صدقنا
15 مليون عديل كدة معناتو البشير حيرطب مقابل التنازل عن الرئاسة لابواحمد
ابوك دا بلعبا صاح ياحمود
الحمدلله الحق ظهر, وابو احمد بان علي حقيقتو,, عاوز يجني اكبر كميه من المال بحق وبغير حق.
لصوصيه وفقدان للذات ليس الا. القصه كده وضحت وابو احمد عاوز يبقي مليونير في خبطه واحده عشان يعون ايام الشقا والتشرد المهني العاناه طول فتره وجوده في امريكا. امشكله انو كا شغال بي مشتقبل ولده ولا دراستو.
ولدوا حاليا في احسن مدرسه في العالم مدرسه الموهبين في قطر ….. طالب بتعويض والله ينصرك ….. مش احسن من البسرقوا فينا ………….. ولو ابوه جاء السودان واترشح للرئاسه انا اول واحد بدعموا
I هو ابن السودان يعنى ابن الجميع ربنا يوفقو ا وبرد الظلم عنه
سبحان الله .. بالله هو في ناس مليان حقد قدر كدا .. دا طالب ويتميز بعقلية ابتكارية وكونها تصل لدقة الساعة فهذا مستقبل مبشر لعالم الكتروني او رياضيات .. وبعدين للبيقول اقعد شوف قرايتك هو القراية يا سجمان .. حمدان زرع البصل ومحجوب حلب البقرة . ولافاكر انها .. ركبنا الثور ورحلنا لقرية ولم نجد العشب .. ولا كمان يمكن فاكرها طه القرشي في المدرسة ..
والتاني كمان البيقول ليه ضيعت مستقبل ابوك هخههههههههههه عجبت لفهم عميق هو مستقبل ابوه الان بدأ باشراقة وتنافس الدول على رعايته .. يظهر انكم غشيمين