أبدى الفريق طه عثمان الحسين المدير السابق لمكاتب رئيس الجمهورية المشير البشير ومستشار وزير الخارجية السعودي اعتزامه الترشح لرئاسة نادي المريخ إذا قبلت الطعون المقدمة ضد آدم سوداكال مرشح الرئاسة الحالي وتم فتح باب الترشيح لرئاسة النادي مجدداً.
وحسبما قرأ محرر موقع النيلين من صحيفة اليوم التالي فإن الفريق طه قد صرح للمقربين منه بأنه يتشرف برئاسة المريخ ويتابع ما يجري في ساحة النادي.
وتشير المتابعات إلي أن الفريق قد أجرى اتصالات مع بعض أقطاب المريخ ووجد ترحاباً كبيراً مما ساعده على تبني فكرة خوض الانتخابات المقبلة باعتباره من محبي نادي المريخ.
وعن وجوده بالخارج قال الفريق طه في حديثه الذي رصده محرر موقع النيلين من الصحيفة السياسية: عملي في المملكة العربية السعودية لن يحرمني من التقدم لرئاسة نادي المريخ.
ولم يسمي طه معاونيه في مجلس الإدارة حال فوزه, لكنه ألمح إلي قبوله بإي مريخي يأنس في نفسه الكفاءة ويرغب في خدمة كيان المريخ مشيراً إلي أنه جاهز لتلبية النداء الأحمر, سيما وأنه يتمتع بعلاقة مميزة مع الرئيس المريخي السابق جمال الوالي.
ياسين الشيخ _ الخرطوم
النيلين
طه كشكوك يا ده حيرنا….
طه كشكول يا ده حيرنا….
والله انا ما عارف جنسيتو شنو اول حاجة ثانيا السؤال المحيرني صلاح ادريس كان ماسك الهلال ومره يقولو سوداني ومره يقولو سعودي وحسي طه دا ما مفهوم هو جنسيتو شنو . هل في السودان كلها ما في رجل سوداني نزيه يمسك رئاسة المريخ يعنى السودان كلو بقى حراميه
المريخ قلعة السدنه من نميري ل طه
اذا سوداكال فاز بالتزكيه الغريب شنو طه يترشح للمنصب بقدرما نهبت وسرقت وفسدت بقدرما علا قدرك وارتفعت مكانتك وذادت اسهمك، شعارنا اسرق انهب انت فى امان الكاميرا لن ترصد الا المغفل تحلى بالاخلاص والامانه والوطنيه لتقبع بالسجون.
طه يخدم سوداكال من حيث لا يدري
ا
نادي مريخ شنو, تعال اترشح لرئاسة الجمهورية لدورة 2020, و نحن معك
ياهو شبهك المريخ شبهينا واتلاقينا
حاجة غريبة !! كل الحرامية عايزين يبقوا رؤساء للأندية
ما في مانع طه يجي يترشح لرئاسة الجمهورية و نادي المريخ و كله … حكومة الكيزان طبعا اصبحت اممية و كبراء النظام في قيادة الحكومة عبارة عن تشكيلة من الانجليز و الامريكان و الكنديين و الارتريين و التشاديين و الالمان و السعوديين و بعض السودانيين …
ليه من العيار الثقيل ؟ وليه يعني لو اترشح واحد زي هذا الشخص لرئاسة ولو السودان الغريب شنوا يعني في الأمر … ما كلهم قذارة في قذارة وقرف في قرف ….. ناس عمر البشير ونافع ومجموعتهم نافعين كانوا عشان ….. يكون دة من العيار الثقيل !!!!!!؟؟؟؟؟
نحن السودانييين أصبحنا كما المصرييين ما عندنا غير الكلام والجعجعة فقط ……
طه ؟؟؟!!!!! ياخ ده حيرنا .. خلوهو يترشح لرئاسة السودان أحسن لأنو فيهو مواصفات الرئيس الناجح .. عشان تاني السودان ده ما تتلمو فيهو .. ببيعو