ياسر يوسف : جماهير الولاية الشمالية ستشاهد كأس العالم مجاناً
وجه والي الولاية الشمالية ياسر يوسف المجلس الأعلى للشباب والرياضة بالولاية بتوفير أندية مشاهدة كأس العالم بكل المواقع والمناطق على حساب حكومة الولاية وجدد ياسر يوسف إبراهيم دعم ورعاية حكومته للعمل الشبابي والرياضي بالولاية جاء ذلك من خلال الزيارة التي قام بها برفقة عدد من أعضاء الحكومة لنادي الأهلي مروي ممثل الولاية في منافسات الدوري الممتاز مؤكداً تبني الحكومة للفريق في مشواره في دوري النخبة وحتى يمثل الفريق في المنافسات الأفريقية.
وقال ان اهتمام حكومة الولاية بالرياضة نابع من الدور الكبير الذي ظلت تلعبه في العمل الاقتصادي والتنموي والسياحي وتغير المجتمع مضيفاً ان الرياضيين سيكون لهم دور كبير في تحقيق الشعار الذي رفعته حكومت ولاية جاذبه لكل الناس.
من جانبه أشاد معتمد محلية مروي العميد مبارك محمد شمت بدعم ووقفة حكومة الولاية الشمالية مع مسيرة نادي أهلي مروي حتى أصبح من فرق المقدمة في الدوري الممتاز بحسب صحيفة قوون، مشيراً إلى أن الفترة القادمة ستشهد مزيداً من الدعم والرعاية لهذا الفريق، إلى ذلك استعرض الأستاذ زاهر السر الكجم رئيس نادي أهلي مروي مسيرة النادي مؤكداً انه يحتل الآن المركز الخامس ضمن منظومة الدوري الممتاز مشيراً إلى ان النادي يستعد الآن لمرحلة التسجيلات التكميلية.
الخرطوم (النيلين)
الزول دا شايت على وين
الشمالية ما دايرة كاس عالم.. دايرة صحة تعليم كهرباء
وبالمناسبة الزول دة لسه في الخرطوم ولا رجع بطيارة مؤجرة تاني ما أظنه يجرب العربات؟؟
أنصحه بأن يتجاوز حبه للإعلام وأن يعمل بصمت مثل ما يفعل هارون وبقية الولاة
فلا يعقل أن ينشر كل حركة يقوم بها داخل ولايته!
إستأجروا ( عربة ) إسعاف بثلاثة ملايين جنيه من دنقلا ( وصولاً ) للخرطوم لعمل صورة ( مقطعيّة ) لرأس إبنهم الصغير ..
تكلفة الصورة ( كانت ) ستمائة وعشرون ألف جنيه وطلعت ( الصورة ) نضيفة ..
..
..
السلام عليكم أخونا صابر،
رمضان كريم عليك والعيد مبارك.
هل ممكن تدينا رابط للكلام دا؟ ولّ دا كلام متداول بين الناس.
على كل حال الناس ديل ما جديد عليهم الفساد، ما عارف هل هم ما بيؤمنوا بالله أصلا؟ ولّ بيؤمنوا بيه على طريقة صاحب الجنة الذي يعتقد أنه محسن في الدنيا وسينال احسان مثله في الآخرة؟ دا طبعا بافتراض إنو في آخرة.
ربنا يشفي صدورنا منهم.
بالمناسبة، في أكتر من زول بكتب باسم عبد الله، أنا الواحد اللي بعتقد إنك زول سوداني فاهم وما مصري ولا متمصرن، لكن السودانيين كتير منهم ما اتعودوا يفهموا كلام غير مباشر زي كلامك، وبعتقد إنو الناس اللي قعد يشتموك لا يكادون يفقهون حديثا.
خلاص نمش الشمالية نشاهد الكاس
بختكم ياناس الشمالية واليكم كورنجي
والله السودان كله يستاهل مشاهدة كاس العالم مجاااانا
يلا ياشباب نطالب وزارة الشباب والرياضة والحكومة السودانية لاتاحة مشاهدة كاس العالم في كل السودان مجااانا
نتمني من الشباب تبني هذا الاقتراح والعمل لاكماله سرررريعا
أها وبعد كاس العالم ينتهي البرنامج شنو؟؟
ممكن مراجيح؟؟!!
والله مجرذ تفكير الوالي الشاب في مجانية مشاهدة كأس العالم شعور طيب وأخير من ناس الوالي اللمبي الواحد فيهم لو مرادو ناس ولايتو ما يشاهدوا كأس العالم حتى بقروشو
غايتو يا ناس الحكومة حاليا ما عندنا ليكم غير الدعوات:
اللهم اشقق عليهم وخذهم أخذ عزيز مقتدر، اللهم اطعمهم من طينة الخبال واجعلهم رفقاء فرعون في نار جهنم.
آمين.
يا جماعة احرصوا على الدعاء، عسى أن يستجيب الله لواحد منّا ويهلكهم.