بعد تعرض ابنها لخدوش .. نانسي عجاج تطمئن جمهورها بأن ابنها بخير
تفاعل عدد كبير من جمهور ومحبي الفنانة نانسي عجاج مع ابنها الذي تعرّض للضرب وإصابته ببعض الخدوش أثناء تواجده في المدرسة التي ظهرت في فيديو يتهجّم من خلاله أحد أولياء الأمور على طلابها، حيث انهالت الأسئلة للاطمئنان على صحة نجلها الذي كان ضمن طلاب المدرسة المُعتدى عليهم.
من جانبها، سارعت الفنانة نانسي عجاج بكتابة بوست على صفحتها الرسمية بـ”الفيس” لتطمئن كل من سأل عن صحة نجلها قائلةً: (ما حبيت أكتب عن موضوع مدارس على أمل إنو مافي زول يقلق أو الموضوع يكبر في السوشيال ميديا..
لكن يبدو أنّ القلق حصل “أوريدي”.. عموماً معظمكم شاف الفيديوهات.. والمؤكد أنّه تم اعتقال ما ظهر في الفيديوهات من أفراد الأسرة الغريبة دي وإنو “أركماني” بخير وفي البيت “أمس اطمأنينا عليه وعملنا جيك أب في المستشفى” وما جاتو حاجة بس مشخبت كلو، لكنه لا يرضى الحقارة ح أقول شنو مثلاً أنا ذاتي ما برضاها.. شُكراً لكل من كتب وسأل أو تواصل والقصة لها ما بعدها).
الخرطوم: محاسن
صحيفة السوداني
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
اركمانى وخليك سودانى واضربى كل من عادانى وربنا يستر
والله المستعان
طبعا سلامة الولد واتعاطف انسانيا مع نانسي فى الموضوع ده..لكن فنيا نانسي دى اكتر فنانة سودانية “اوفرريتد ” على حسب طريقتها فى الكلام واحقاقا للحق هى عندها احساس وذوق بيساعدوها فى اﻷداء لكن إمكانيات صوتية حقيقة مافى اخدت اكبر من حجمها ﻷسباب سودانية خاصة.
أركماني
تربية ألماني
شبعان أغاني
و ما بيعاني
زي جميل السوداني
هيي ييكا
نانسي 100% لا جعارة لا كوراكة لا صخابة دي فنانة مثقفين ما لي أي زول.. بعدين ولدها صنديد مو رعديد ولا مدلع من شكلو سوداني جد وكلنا معاك يا أسد ارمي قدام.
اركمانى
ان شاء الله تحقق لى امك الامانى
وان شاء الله المكجن امك.. مايعانى
بالسلامة انشاء الله! ولدك ده ما شقى ومجنون؟؟؟خلاص يسلم مليح الزى حبيبى هوووووووى!
ألــف ســـلامـــة – متمنيــا له مستقبل زاهـــر – مـن وين الجعلية أخـدهـا -ولي أمــه مزيــد مـن التقــدم – فنانــة راقيـــة وتعرف تختــار
أركمانــي هـذا أول ملك ســوداني في منطقة الجعليين البجــراويــة وأول مـن شــيد الاهرامات -معلومة علها تنفع الناس- هــذا إن دل علي شــيء إنما يــدل علي عظمــة وثقــافة الانيقــــة نانســي -الســودانيــة الاصيلــة -والوطنيــة العريقــة -أحي فيك كـل جميــل وأصيـــل مـن أرض الغربــــة
التعليقات كلها حلوة شديد
الأمين الطيب الجعلى..اعطى حتى الشيطان حقه كما يقول الخواجات..انت ملقب نفسك بالجعلى فخرا بقبيلتك مافى كلام..لكن أركمانى كان ملك نوبي ما كان فى شئ اسمه سودان لسه..لو كان جعلى كان أكيد قلت فخرا انه جعلى مش؟!
ولد حر ما قبل الحقارة بتاعة العائلة المتهورة دي
صوت ضعيف راجف لكن السودان بلد العجائب
كارب يا صلي