سياسيةمدارات

فيديو.. بوشي: الشعب السوداني أصبح يكرهنا ويحتقرنا، ووزراء حمدوك لو كتمت بركبو طياراتهم، ونحس بتأنيب ضمير بعد إسقاط البشير


تحدث الناشط محمد حسن بوشي الذي ينتمي لحزب البعث والذي كانه له نشاط اعلامي كبير حتى نجحت الثورة السودانية المجيدة، عن تطورات الاوضاع في السودان، وعبر مقطع فيديو قصير تم تداوله على منصات التواصل صب بوشي جام غضبه على حكومة حمدوك.

وقال بوشي بحسب الفيديو المرفق الذي شاهدته كوش نيوز(الشعب السوداني بقى يكرهنا ويحتقرنا، وبقينا ما قادرين نمشي في الشارع، مافي زول بعرفوكم يا وزراء الثورة، انتو ما طلتعو زيتنا، الناس تقول لنا ضيعتونا، نحن الكنا بننبح ليهم الكيزان كعبيين أطلعو، وبقينا حاسين بتأنيب الضمير، والشعب السوداني طلع عشان نحن الكنا بنكورك، نحن الناشطين السياسيين ديل، يا سودانيين عمر البشير كعب أطلعو ضده، والله لو سقطوه الدنيا حتبقى وردية، والديمقراطية سمحة، السودانيين يعرفوننا نحن، أسي لمن كتمت، وين وعودكم لينا، ما بعرفو وزراءكم ديل ولو كتمت الوزراء ديل بيركبو طياراتهم، والكان شغال في منظمة دولية بيمشي، ونحن ميتين أبو أهل إيمانا بيطلعـ كان من الزول الحيمسك، وح يعمل إنقلاب ح يذلنا، ولا كان شعبنا ذاته حنكون سقطنا في نظره)

الخرطوم (كوش نيوز)


‫7 تعليقات

  1. حتتبلوا بل شديد.. واخشى ان تفعل فيكم الجماهير الشعبية الغاضبة ما تم فعله في القذافي

  2. #جيبو_حي.
    أمدرمان/بحري/الحاج يوسف/نيالا/مدني وماشي
    #كت_مت
    #الثورة_انطلقت
    #ديسمبر_للجياع
    لا لإذلال السودانيين
    #آسفين_يا_أمي

  3. والله كلكم بقيتوا بتاعين مصالح والواحد ما عارفكم شايتين على وين، اتقوا الله في بلدكم وشعبكم ما ممكن كلكم تبقوا وزراء وارحمونا من موضوع ناشط دي وخلاص اهدوا شوية وخلوا البلد تمشي شوية وربنا يرفع البلاء الحل بيها، انا كمواطن أرى أن ابليس افضل من الكيزان، ومافي ثورة تاني الشعب واعي لكل الدسائس والمؤامرات التي تحاق ضد البلد، فارحمونا وارحموا أنفسكم هدانا وهداكم الله

  4. بدأ القفز يتسارع من المركب الغارق.
    الذلة والمهانة التي يعيشها الشعب السوداني الان في عهد حكومة القحط والفقر والدمار، لم يشهدها السودان من قبل على مر التاريخ..
    على اذيال قحط ونشطاءها الإستعداد لمحاكمات الجماهير التي لا تخون.
    ستسود فيكم ثقافة عدالة الحشود التي ادخلتموها قاموس السياسة السودانية، وأبقوا قدرها.

  5. أنصح اي زول لسه مخدوع بقحت ان يتحسس رقبته، أو يتبرأ من هذه الحكومة قبل فوات الأوان.
    حكومة قحط انكشفت واتعرت تماما امام الشعب ولم يعد بامكانهم مواصلة التضليل لأنو المواطن كفر بيهم تماما ولم يعد بامكانه تصديق اي كلمة تصدر منهم.

  6. معقول يا بوشي ؟

    معقول ؟ وقبل ما تعرف أي شيء كنت تحرض على خروج البنات من ولاية محارمهن ، وأكيد بت ناس ما بتسمع كلامك

    اعترفتوا ؟ قلتوا الروب ؟

    لماذا ؟ ناشط التمكين الذي صرح بأنهم ” سيصرخون ” ؟

    من بدأ الصراخ ؟

    لم تقرؤوا معطيات الشارع جيدا

    ركبتم موجة كره الإنقاذ ، والموجة جابتكم الشيمة

    لم يرتض بكم الشارع حكاما لتغيروا عقيدته ، وتتركوا قضاياه التي خرج من أجلها

    تفرغتم للاإنتقام والتمكين ، على ضوء مقولة كل كوز ندوسو ، وما حتلحقوا ، وتلقوا روحكم تحت الأرجل منداسين

  7. يعنى يا نشطاء اللايفات يا ادوكم وزارات يا تبقوا ثورة مضادة، حكاية الابتزاز باللاسنة دى بقت ما بتخارج، كلكم نوعية واحدة غرتكم الشهرة الفالصو، الانصرافي، أبو رهف ود الضي و من لف لفهم.