سياسيةمدارات

قيادي بقحت: الانقلاب القادم سيذهب بنا للمشانق وناشط: قريبا ستشرفون كوبر مع البشير وعصابته ونرتاح منكم والكيزان


توقع الناشط محمد حسن بوشي في حال حدوث تغيير جديد في السودان عبر إنقلاب فإن النظام الجديد سيذيقهم الذل، وقال أن الشعب السوداني كره الحرية والتغيير وأصبح يحتقرها، وأضاف بوشي نحن سقطنا في نظر الشعب السوداني، ونحس بتأنيب ضمير بعد إسقاط البشير.

وكتب القيادي بالحرية والتغيير وحزب المؤتمر السوداني، خالد عمر يوسف “خالد سلك” مساء الأربعاء على حسابه الرسمي بموقع فيسبوك بحسب ما نقلت عنه كوش نيوز (المؤتمر السوداني باقي في الحرية والتغيير وداعم للحكومة الانتقالية .. سنمضي في هذا الطريق حتى يكتب لثورتنا النجاح أو نذهب للمشانق عبر الانقلاب الذي تخدمه قوى عديدة بوعي أو بدونه‬).

وعلق أحد النشطاء على تدوينة خالد سلك (ما تخاف يا خالد وبطل الجرسة مافي زول حيعدمكم لكن قريبا ستشرفون سجن كوبر مع البشير ومجموعته، ونكون إرتحنا منكم أنتم والكيزان، ما فعلتوه أنتم في عام من تدمير للسودان تستحقون عليه أقسى العقوبات، بس ما بتصل لدرجة المشانق).

وأثار تجميد حزب الأمة السوداني بقيادة المام الصادق المهدي نشاطه في قوى الحرية والتغيير يوم الأربعاء موجة من التكهنات في الشارع السوداني.

ووصف حزب الأمة القومي في بيانه الحكومة بأنها فاشلة ومستفزة وأوصلت البلاد إلى مشارف هاوية، وأشار لاحتقان الظروف في البلاد.

وتتوقع خبراء ومراقبون أن الجيش السوداني لن يتحرك إلا عندما تقول تقاريره الإستخباراتية، أن الممانعة الشعبية لاسقاط هذه الحكومة بالقوة لم تعد موجودة، وتوقعوا أن يتكرر المشهد المصري كما فعل السيسي في السودان، وذلك أن تطلب قيادة الجيش تفويض من الشعب فإذا خرج الشعب بالملايين حينها يضطر الجيش لإستلام السلطة لفترة إنتقالية.

الخرطوم (كوش نيوز)



‫8 تعليقات

  1. مبارك يا قحط

    لو كنتم بدأتم كإصلاحيين لكان قطعنا شوط

    ولكن كان همكم الأساسي ” الانتقام ” و ” التمكين ” مطلب قحطي

    ومن ثم إلى الخلف دُر بسرعة ملايين سنين ضوئية

    وانسحاب الصادق والأصم وهلم سحبببة ، وستتوالى الانسحابات من درب الفشل

  2. الكيزان برغم الحرب والحصار كانوا قادرين يوفروا الاحتياجات الاساسيه انتو ما قادرين والاكعب ما عندكم اصلا خطه لاي شيء انتوا ناس فاشلين ووهم وما عندكم اي سند شعبي ولا خارجي استوليتوا علي الثوره وموضوعكم تصفيه احقاد وتمكين وكذب زي النسوان اليوم لقينا ١٠٠ مليار بكره لقينا ٦٤ مليار ياخي اخجلوا وبرضو ما ننسي انه انتو سبب اساسي في الحصار العلي السودان بفبركتكم الفيديوهات والتقارير والعماله لجهات خارجيه ضد وطنكم قضاياكم كلها مفنعله وغايه ما دايرنو مناصب

  3. طيب يا جميل بثينة او (كاب الجداد او جون او يا…….. كل الاسماء المختلفة التي تتقمصها في اليوم عشرات المرات) لمن يطلع الشعب كله سيصبح في نظرك (كيزان)؟؟؟ !!!
    إذن انتظر
    طلعا إنت ما بتهمك معاناة الكادحين لأنك(مغترب مرطب) ولا أنا غلطان يا ….. ولا مافي داعي الآن والأيام دول

  4. بصياح الهستيري لخالد سلك واخر يدعي البوشي كلهم استشعروا الخطر القادم لان القحاتة وجدادها اصبحوا نكرة بلا قواعد.
    حكاية كيزان ودولة عميقة بقت بايره جد ما في حد عايز يشتريها.
    البل جاي جاي كل مكونات قحت استدركة الطوفان منها حزب الامه اول من قفز من الحريق الاتي.
    بيثنة امشي اقيفي ليك في صف غاز ولا د صف رغيف المهم الحياة كلها تحولت في عهد القحاتة الي صفوف.

  5. والله انتوا يتحلموا. الحرية والتغيير هى الشعب كله وسوف يذود عنها بالغالى والرخيص وكل ما حدث فى الماضى وما يحدث الان من شاكلتكم يا سلك وبوشى المنتفعين من النظام البائد لكن الان لم تجدوا ما كان سابقا ولا تريدون مصلحة البلد لذلك تشوهون الرجال الابرار الذين اخلصوا لنا وللوطن

  6. مؤكد انقلاب فاشل دموي سيقع ويدخل البند السابع جاهز علي اهبه الاستعداد العمليه ١٥٠الف قتيل وجريح واسقاط الدوله القديمه وقياده الدوله الجديده بقياده الكرازي مؤكد كوندليزا رايس في تقاريرها السريه للبنتاجون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *