سياسيةمدارات

ارتفاع غير مسبوق لشعبية حميدتي وكباشي بعد انباء رفضهم لتمديد الحظر الشامل في الخرطوم


إرتفعت يوم الاحد وصباح الإثنين بصورة غير مسبوقة، شعبية كل من نائب مجلس السيادة السوداني الفريق أول محمد حمدان حميدتي وعضو السيادة الفريق شمس الدين الكباشي بعد أن نسب لهم رفضهما تمديد إجراءات الحظر الشامل وكتب دكتور عمر كابو (انحاز كباشي للشعب السوداني المغلوب علي أمره وهو يقف ضد قرار الإغلاق الشامل مطالبا برفعه بعد أن وصل الشعب لمرحلة من الفقر والجوع والذلة لم يصلها طوال حياته . الآن أصبح كباشي نغمة محببة في أفواه الناس هكذا هي القيادة الحقيقية التي تعيش آمال وآلام شعبها شكرا كباشي ونحييك أنت واقف أو مااشي ).

وتداول مرتادو التواصل الإجتماعي بكثافة صور حميدتي والكباشي مع ثناء شديد على رفضهم تمديد الحظر وإعتبروهم المنقذين للشعب السوداني الذي يعيش أوضاع بالغة السوء بسبب الحظر الشامل .

ونسب للفريق أول حميدتي رفضه تجديد الحظر وقوله أن المواطن السوداني يعاني من الإغلاق الشامل ويكابد من أجل توفير لقمة العيش .

ويعتبر كثير من المراقبين أن جائحة كورونا اخرجت من اطارها الصحي الي السياسي وكان الثمن آلاف الارواح التي صعدت الي ربها نتيجة للاهمال الطبي واغلاق المستشفيات.

الخرطوم/معتصم السر/النيلين

تعليقات فيسبوك


‫15 تعليقات

  1. شفنا انحيازهم يوم 3/6/2019 أمام بوابات القيادة العامة سحق وقتل واغتصاب الشباب والفتيات
    والاتنين اعترفوا في تسجيلات فيديو موجودة.. كضباشي بتاع (حدس ما حدس) والمجرم التاني قال (الاعتصام لو ما فضيناهو الصباح كان اتفض براهو)

  2. اتنين قالوا لا .. طيب المشكله وين يعنى …؟؟.
    ناس المجلس كم؟.؟.
    الباقين قالوا شنو….
    عشان كده العدد 5+5+1

  3. ديل الاثنين بالذات مستحيل شعبيتهم ترتفع لو نقطوا للناس عسل، ديل بالذات مسؤولين عن الارواح التي فقدت طيلة هذه الثورة، وعن جرائم الاغتصاب التي صاحبت فض الاعتصام، وأكيد الان لا يهمهم من يموت بكرونا .
    تبا لي لاعقي بوت العسكر

  4. يلا الناس تحوم و تلملم عادي كانو مافي فيروس مهدد العالم
    جيبو لينا 50000000000000000000000000 حاله

  5. ههههه.. مقال مضحك.. انت كنت معاهم داخل الاجتماع؟ قال شعبيتهم ارتفعت.. ده تلميع بس.. شفت كباشي ده اكتر شخصية مكروهة في السودان بعد سقوط البشير.. متعجرف و شايف نفسو فوق الكل وناسي انه ما كان بيحلم بي منصب زي ده لو ما جات الثورة دي

  6. مشكلة كتيبة الجهاد الإلكتروني الغباء
    واحد من اسباب سقوط حكومكتم التي اذلت الشعب السودانى ٣٠ سنة المعرفة باستخدام الميديا من شباب الثورة الذي هزمكم شر هزيمة وحبس قادتكم القتلة وسينتصر الحق والسودان طال الزمن أو قصر
    أجهل مقال اشوفه بعد العيد
    قال دكتور عمر كابو؟
    دكتوراة في شنو؟
    في الجهل؟
    أجرى العب بعيد

  7. مشكلة كتيبة الجهاد الإلكتروني الغباء واحد من اسباب سقوط حكومكتم التي اذلت الشعب السودانى ٣٠ سنة عدم المعرفة باستخدام الميديا التي برع فيها شباب الثورة الذي هزمكم شر هزيمة وحبس قادتكم القتلة وسينتصر الحق والسودان طال الزمن أو قصر أجهل مقال اشوفه بعد العيد قال دكتور عمر كابو؟ دكتوراة في شنو؟ في الجهل؟ أجرى العب بعيد

  8. شوف ي بتاع المقال نحن ممكن نتقبل حميدتي في أي حاجة لكن كباشي ….مستحيل واحد وكوز واي كوز ندوسو دوس ……مليونية رفع الحظر ……..ماف مفر

  9. والله حاجة غريبة
    الكباشى قال شعبية شنو
    نحنا طلعنا ضد العسكر دايرين تاني تلمعو
    يلا بلا لمة.
    مدنية حتي لونموت.
    وين كانو ايام الاعتصام.
    صحي الاختشو ماتو.
    دي مرحلة انتقالية واكيد كلها مشاكل وقضايا عالقة ولكننا ندعمها حتي تعبر.

  10. مين قرر ان شعبيتهم زادت. كثرة تداول صورهم في السوشيالميديا يذكرني فقط بحذاء القذافي لما عرضه على التلفزيون الليبي. هل زادت شعبيه حذاء القذافي. اشم رائحة طابور خامس

  11. حميدتي ومباشر ارتفعت شعبيتهم لأنهم رفضوا الحظر قستوا شعبيتهم بأي مقياس ريختر??????

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *