سياسية

أكرم التوم يعلق على خلافه مع وزير المالية


نفى وزير الصحة أكرم التوم، وجود خلاف بينه ووزير المالية إبراهيم البدوي، على خلفية خطاب أرسلته وزارة الصحة للمالية بشأن التصرف في أموال جائحة (كورونا)، وردت عليه المالية بالنفي. وأكد التوم أن إبراهيم البدوي (أخ عزيز)، وقال إن العلاقة بين كل وزارات الحكومة تقوم على الإلفة والمحبة، ويعملون في انسجام كامل وتوافق في أساسيات القضايا، وقال إن ما يخرج للإعلام بين الفينة والأخرى هو (مجرد خلافات مهنية شفافة لا تفسد للود قضية ويتم حسمها بالمؤسسية وليس فيها تخوين أو مزايدات). وقال التوم خلال حديثه بمؤتمر الرابطة النوبية بالمملكة المتحدة عبر الإنترنت اليوم الأحد، إن هذه ليست أول مرة ولن تكون الأخيرة لخلاف بين وزيرين، وأضاف (لكن قناعتنا الثابتة هو أن هدفنا واحد هو الالتزام بالوثيقة الدستورية وتحقيق تطلعات الشعب).

الخرطوم- سودان فيرست


‫4 تعليقات

  1. على إيقاع الساقية

    قصة المعونة
    قصة عجيبة محيرة

    الشكلة طايرة مدورة

    وعجاجا واصل للسماء
    والدنيا جايطة مغبرة

    الصحة تحلف بالقسم
    وماليتنا تنفي
    جريمة التهمة المنكرة

    بتاع كورونا
    يقسم باليمين
    وأقسامه تتوالى مكررة

    والله ما شفت ولا قرش
    وحليفتي يا ناس
    أريتها مقدرة

    ورفيقه محصور في زقاق
    ماليهو من شبيه
    غير كديسة مزرزرة

    أحلف أني أديته القروش
    حسبتها ليهو جنيه جنيه
    ما فيها واحدة مزورة

    وزولنا الكبير مع الفراجة بس
    ساكت يعاين
    ولا حتى كلمة واحدة مؤثرة

    وشكلتنا لسه مدورة

    بس لايكون في كوزن غتيت
    لفحها منهم
    وقعد بي غادي واتلبد في ضرا

    هو عندهم غير العمبقة
    وكورونا للفشل الذريع
    شماعة ديمة مُحضرة ؟

    غلبتم الشغلانة تب !
    ما عندهم غير التهم
    بالكيمان ومقنطرة

    في كل بيت قصة وجع
    مرضى بالكوم,
    بين المشافي مجرجرة

    في اليوم بتطلع كم جنازة ؟
    وبالعدد الكتير
    كم أسرة تبكي مُحسرة ؟

    تقول ده وكت المشاكل
    والصراع ،وأنت وأنا
    والمحاصصات المنفرة !!

    آه يا بلدا عريض مد الخيال
    عدمت الحيلة والقدرة
    نحو الهاوية ماشية مسيرة

    حسرتنا حسرات متشعبة
    حسرة الوجع العريض
    وموت الأماني المزهرة

    وأحلام الشباب شردت بعيييد
    تجري وراء السراب
    لما ضاعت في الصحاري المقفرة

    مين قلبه على البلد
    يدق صدره ويهم
    ويلملم خيراتن ليها مبعثرة

  2. بلا اخوين بلا بطيخ طلعوا القروش يا حرامية .. الكلام ده تقولوا في الحاجة البتخصك .. اما حق البلد سيبنا من خلافات مهنية شفافة … شفاف انت يا كورونا واخطر من كورونا .. طلعت انت ابو جضوم خطرين وتماسيح .. شوف ليكم بلد واجروا ساي الحكاية واللعبة انتهت قلت نلغف لينا حلجة ونجري ؟ تجري وين