الصادق المهدي : إتهامات نافع للمعارضة كلام سخيف
وصف رئيس حزب الأمة القومي ، الصادق المهدي إتهامات مساعد رئيس الجمهورية د. نافع علي نافع لبعض أحزاب المعارضة بتلقي دعم من السفارات الأجنبية ، بالكلام السخيف والمردود على قائله . واتهم زعيم حزب الأمة القومي في تصريحات أدلى بها أمس للفضائية العربية الإنقاذ بتمليك قضايا السودان للجانب ، وقال ان البلاد تعيش الان تحت وصاية أجنبية وتعاني من التدويل والتمزق . وأضاف ان العالم كله صار متدخلاً في الشأن السوداني مشيراً الي ان الظرف الذي تمر به البلاد والخلافات بين الشريكين وبين الوطني والاسرة الدولية والمعارضة الداخلية تحتم الدعوة لحكومة انتقالية . ولوّح قائلاً : اذا استمرت الحكومة في الحكم فان المعارضة ستقوم بعمل كبير وحشد تأييد شعبي والدخول في إعصامات . وقال الصادق تعليقاً على اتفاقاته مع بعض حركات دارفور إن الكلام مع حركات دارفور ليس حراماً ، وبحسب صحيفة آخر لحظة مضيفاً ان الاتفاق معها يجئ في اطار مسعاه للتوصل الي اطار تفاهم عام بينها .
المحجوب قال ” حزب الامة سوف ينهار على ايادي ناس متهورين” وللأسف رئيس حزب الامة الحالي (الصادي المهدي) وسوف ينهار الحزب على يده كما ذكر المحجوب، وهو شخص يسعى للكرسي فقط، ومتكبر ومتعجرف جدا جدا، وهمه الأول السلطة وليس البلد، ولما كان في السلطة كانت السرقات والجرائم والمجاعات. ويا الصادق انت انسان فاشل واتمنى ان تنتهي منك العظمة العايش عليها من زمن المهدية المتخلفة، وكما تعلمون اسوا حقبة في تاريخ السودان هي حقبة المهدية وكان يربطون الناس ويعدمونهم بالميات وكان على يد التعايشي.
اما بخصوص اتفاقه مع حركة العدل والمساواة يدل ذلك على الانهيار الحقيق لحزب الامة، لان حركة العدل والمساواة ليس لديها مبادئ ولا اهداف، مجموعة زغاوة اجتمعوا ليعشوا عيشة رغدة من بعد العيشة الكدرة التي عاشوها. وياالصادق حرام تكون مع مثل هولاء.
اذا كان خليل ابراهيم قائد العدل والمساواة الذي وقع معه الصادق المهدي اتفاق مبادئ قال سوف لن نسمح للصادق المهدي باخذ اصوات اهل دارفور وسوف نقوم بطرده من دارفور ولن نسمح له بخوض الانتخابات في دارفور . اها تاني شنو ياسيادة الامام . :lool: :lool: :lool:
الـلـه يـكـفـيـنـا شــرك انـت ونـسـيـبـك
تصدق يا ( أمام ) ما سخيف الا بقاءك في الساحة السياسية حتى الآن – وتصدق يا ( إمام ) ان تمليك قضايا السودان للاجانب أشرف للسودان من أن يمتلكها أنت وأمثالك ممن يسمون انفسهم بالمعارضة – وتصدق قضايا السودان يا ( إمام ) هي من صنعك وأمثالك من أصنام العهد البائد والمخرفين والخارجين من القبور – وتصدق يا ( إمام ) أن كلمات د نافع فعلا تنطبق عليك وعلى أمثالك من المعارضين – وتصدق – وتصدق
وإن لم تكن تصدق فأسال التاريخ
انت سبب في تدهور السوداني؟
بعدين انت في زمنك الجماعه كانوا
جواء الجك يا مخرف انت تحترم نفسك
وتقيف بعد مرة الذيك دا ماقادر يحكم نفسوا ؟
والله انت ونسيبك مافيكم خير للسودان حكمتكم السودان ماذا فعلتم ؟؟ عذبتو وجهجهتو الشعب الله يجهجهكم .
ليه أنتو اوصياء علي السودان والله تاني ماتحكمو السودان يحكمنا سلفاكير ولا انتم 😉 :lool: ( )
ياود المهدي احسن ليك تمسك التبروقه والبرش وتدخل الخلوه وتقضي باقي عمرك
في عبادة الله عزوجل أترك عنك السلطه والتسلط ولقد بلغت من العمر عتياااااااااا
إنت من المفترض إنت تكف عن مناكفات الحكومة والمناوشات التى تتحدث عنها فى الفضائيات لأنها لا تفيدك بشئ .. وإنت حتى الآن تسعى وتتكلم وتخاطب وتعمل فى المؤتمرات الصحفية وتسافر.ز حا تعمل شنو؟؟ كنت حاكم لثلاثة فترات.. غير النكد والجوع والتمزق حتى طال المؤسسة العسكرية التى تحمي الوطن.. ما قدمت أي شئ للشعب السوداني؟؟ تريد اليوم إسقاط النظام بالنزول للشارع إنت والمعارضة التى قضت كل عمرها فى فنادق القاهرة والدول الغربية.. يا راجل ترجل وأنزل وأجلس فى بيتك وتمتع ببقية عمرك مع أولادك وأحفادك وأهلك إنت ومن معك من المعارضة .. ونحنا يكفينا فخراً الإنقاذ بوزرائها الذين عملوا كل شئ ووصلوا البلاد إلا ما فيها هي الآن.ز ويكفينا فخراً إننا صرنا دولة تملك قرارها.. أما عن تحالفك مع حركة خليل كيف تتحالف وإنت الى أدنت وشجبت الهجوم على أمدرمان وتصريحاتك كانت تملأ كل الفضائيات.. أنا أختصر في قولي فى كلام بسيط وهو (حب السلطة)…!!! وأقول ليك لا تحلم بأن تكون وزير دولة بأي وزارة من وزارات الإنقاذ التى لم تتشرف بوجود أمثالك>>>>
مدثر موسي
عشم ابليس فى الجنة كان تمسك حكومة انت وامثالك عهد الديناسورات ولى وانتهى
اها وبعدينيا ابو كلام ، لما دا كله حاصل للبلد عايزين تاني تودوها وين تجوطها وملعون ابوها ولا تقصدوا شنو بالطلوع للشارع وتحريك الجماهير عشان يكسروا ويخربوا محطات البنزين والمحلات وتجو انتو تقولوا الجماعة خلوا البلاد خراب ومشوا ،، الله لايوفقكم يا مرض السودان المعضل ..
والله انا ما اعارف الزول دا داير شنو، داير الكرسي عشان يحكمنا كم سنة، هو زاتو فضل ليهو كم ، عمرو الان 75 بالله دا كلام دا، زول بعد دا يكابس في الحكم ، عشان يسوي شنو، الناس دي مالها طماعين كدا، هسة هو المال العندو شوية .. والله كرهونا زاتو.. قال نمرق الشارع قال … نمرق بتين العصر ولا بالليل … ولا الصباح.. يا اخي عليك الله فكونا يا اخي..
😉 الله يطول عمرك يا إمام ويكثر من أمثالك. بالله تأدبوا مع السيّد واحترموا أنفسكم! الانتخابات جاية والحشاش يملأ شبكته (بدون تزوير).
لا اري في تعليقاتكم غير الحقد لا فهم لا ثقافة تستاهلوا عينة البشير و النميري لانكم تحبون من يقهركم ويذلكم ويسرق ثرواتكم جهارا نهارا ز كما قال الشاعر
اذا اتتك مذمتي من ناقص فهي الشهادة باني كامل
بسم الله والحمد لله والله اكبر على المتسلطين والطامعين فى كرسى الحكم
اولا:- ياالصادق المهدى انت لما كنت رئيس مجلس الوزارء قبل كده عملت شنو ،،،،؟
ثانيا :- وضح لينا انت عايز توصل السودان وشعبه لوين
ثالثا: كان انت كان نسيبك العامل نفسه شيخ وعلامة غير الخراب وتاخر البلد 20 سنة للوراء عملتوا شنو
ربعا:- الشيخ الترابى العلامة ،،،،، لما كان مع الانقاذ كان بيقول للشباب والشعب السودانى الجهاد والجنة والحور العين والخ………. واول ظهرت خيانته وانو كان بيسعى لاستلام الحكم ويكون هو الرئيس ابعدوه من الحكومة انشق وقال مافى حاجة اسمها شهيد ولا حاجة اسمها الحور العين ولا الجنة والبيموت فى الجنوب ( فطيس ) هل هو الان متذكر كل الكلام الكان بيقولوا فى لقاءاته
يااخوانا اتقوا الله على السودان بلد المليون ميل مربع وعلى شعبه المسكن .
وهل نسيتوا لما كان الترابى نفسه مع الرئيس البطل ابن السودان النار رحمة الله عليه المشير جعفر محمد نميرى عمل شنو ،،،،،،،؟
والله يالصادق المهدى لو انت كنت صادق واسم على مسى الزم بيتك وشوف خلوة قريبة من بيتك واعتكف فيها واحسن ليك من الى بتعمل فيه ده لانه الشعب السودانى بقى واعى وانسى ايام زمان ايام سيدى الصادق المهدى والحاجات والكنتو بتسوها فى الشعب المسكن ،،،،،،،
خلوا السودان يمشى للاما م ويتطور مع الشعوب المتطوره وماتنسى ناس العدل والمساواة هم نفس الجماعة الى قام بالتخريب وقتل الاربرياء فى امدرمان حسبنا الله ونعم الوكيل عليكم كلكم،،،،،
تاني ما بتشمها يا الصادق حرام عليك جاري وراها لمتين أخجل