إبعاد سودانيين من ليبيا بملابسهم الداخلية

نريد معرفة سبب سجن السودانيين؟؟
أتمنى أن لاتكون جرائم أخلاقيه؟؟
السودان زمان في بلاد الغربة كان زيو وزي الذهب!!!!!!!!!!!
والحين سمعتهم بقت بطالة شديد وخاصةً جرائم النساء في الزنا وجرائم الرجال في القضايا الاخلاقية؟؟؟؟؟؟؟؟؟؟؟
ونسأل الله الهداية للجميع

البى خلى دارو بى يقل مقدارو . أرجو أن يكون ذلك عبرة لهم ولغيرهم ;( ;( ;( ;(

دا كلام دا…….وذي ماقال الشاعر من يهون يسهل الهوان عليه…. ليبيا أحسن منها سوق سته في الحاج يوسف……………

الحيوان الاسمه ايمن ده شكله ماشاف السودان ولا بعرف السودانيين.
لكن دي عقلية بعض اولاد الشهادة العربية ، قال لو ادوني جنسية تانية بشيلها

والله يا ا يمن انت الزيك ده نحن جنسية تشادية مابنديها ليهو

الوطنية دي مامعناها انك اتحب السود انيين او تكون نضيف
الوطنية دي ،

زول يوريهو لانه مرارتي دايرة تتفقع

عرف السودانين دول المهجر والهجرة منذ سنوات طويلة . وكان المغتربين من ذو المؤهلات العالية الاطباء والمهندسين والمستشارين والمعلمين وكان التعقاد ذو طابع رسمي ويتم التعاقد مع السوداني من داخل الوطن بشروط مجزية وعقد رسمي ولكن تأتي الظروف بما لاتشتهي الهوية السودانية الأصيلة ، فتغير الحال وتغيرت الأحوال وتغلبت الأحوال المناخية وتغيرت النفس البشرية فإهتزت الهوية السودانية واصبح المغتربين في الوقت الحاضر من المؤهلين وغير المؤهلين ،وكان الرعيل الأول الجيل الذهبي منذ بداية الستينات يشار له بالبنان وكان السوداني خاصة السعودية يطلق عليه الصادق الأمين ولكن أخوتي الأعزاء واصدقائي الغاليين بالمنتدى ظهر جيل من بني جلدتنا يختلف اختلاف كامل عن الجيل الأول سلوكاً ومعرفة وأدبا وخلقاً ونحن نفتخر بهويتنا السودانية ولن نتخلى عنها ولن نبدلها حتى الممات وحتى يكتب في القبر ( السوداني المفتخر ) وسوف نعمل جاهدين على أن نكون خير خلفاً لخير سلف

يا استاذ ايمن من سابع المستحيلات تلاقي مجتمع في العالم كل افراده ملائكه ولكل قاعده شواذ .. والسودان لا يخلو من الشواذ مثله مثل كل بقاع العالم .. والذي حدث في ليبيا لا يعني بأي حال من الاحوال ان كل السودانين بهذا السوء الذي تتحدث عنه .. يا اخي ارحم نفسك فسمعه السودانين اكبر من ان تتناولها انت في مجرد سطور …
بالمناسبه انا مقيم في دوله الامارات ولعلمك سمعه السودانيين وبرغم بعض الهفوات من البعض الا اننا احسن بكثير من باقي الجنسيات العربيه المتواجده هنا من حيث الالتزام اخلاقيا والسمعه الطيبه التي خلفوها الذين سبقونا في هذه الدوله .
وفي اعتقادي انك لا تعرف الكثير عن باقي الجنسيات وايضا لا تعرف عن السودان ومن هو السوداني واي شرف يقترن بالجنسيه السودانيه .
( اذهب غير مأسوفا عليك .. فحرام ان يكون من في وقاحتك سودانيا )

ياخ بطلوا نفخه كذاااااااابة … وللزول القال ما انا ما بعرف السودان … عايز اقول ليه انا عشت فى السودان كل مراحل عمرى حتى الان … لكن ده الواااااااقع البهرب منو اى زول سودانى … نحن ما عندنا غير النفخه الكذابة دى البنهرب بيها من اى واقع مر نحن فيه … منو البنكر انو نحن الوسخ … ولما اقول نحن الوسخ ما معناها .. اننا كلنا وسخان … لا لا انا قصدى المعظم مننا … والشر يعم يا ساده … لازم نقيف فى التركيبة النفسية للسودانيين … وبالمناسبة انا بدافع عن الشخصية دى فى كل المواقع البتكون محل إنتقاد وما برضى من اى زول مهما كان هو منو انا يسيئ للسودان شعبا وحكومة وموقع جغرافى … لكن اسألكم كلكم سؤال واحد …؟؟؟ هل ده الواقع اننا فعلا شعب مثالى ؟؟؟ والله وللاسف الشديد ما عندنا علاقة بالمثل ولا حتى القيم … كلها شعارات زمااااااااان سقطت فى مزبلة التاريخ …. انا قلت العندى بكل شجاعة ولو ماماالملامه كنت قلت اسمى بالكامل والدولة القاعد فيها عشان الزول البهدد بإنو يكلم وزارة الداخلية تسحب منى الجواز … والله ياريت ياخ عشان أرتاح وليك على ما تشوفنى تانى فى السودان … الوطن عندى هو الاهل …واهلى انا اولى بيهم من وسخ وسجم ونفاق فاضى فى وطن الاخ يغتصب بته والام تسرق زوجها والزوج يقتل حماته … ياخ قوم لف منك ليه وبطلوا نفاق الكيزان العمى بصيرتكم من واقع موجود والاعتراف بيه مر

يااخانى الله يديكم العافية

اى شخص يكتب تعليق يكتبه باسلوب كويس

ومشكووووووورين

بالمناسبه في ناس بتتكلم بلسان الجماعه لالالالالالالالالالالالالا حرام عليكم بيقول ليك الفي ليبيا كلهم عندهم سوابق توه انا في ليبيا وما عندي اي سابقه وما تظلم عباد الله انتو قاعدين في السودان بتعرفوا للقال وقلنا ربنا يهديك يا شيخ انا اللي عايزو منك حاجه واحده اطلع من السودان وشوف الدنيا

الاخوه الاعزاء تحية مباركة
علينا ان نتعامل مع بعضنا البعض بكل احترام بدون سب ونبذ لان هذا ليس من عادتنا
كسودانيين لانو انحن معروفين عند العالم كله بالشرف والامانة والنزاهة ويجب علينا الا نحكم علي الكل كما ذكر اخونا ايمن هداه الله هولاء اقلية ونحن كمان ما نظلمهم
احتمال كبير كانو يريدون الهجرة لاوربا ووقعوا علي ايدي الامن الليبي وفي ناس كثيرين بدون اقامة في ليبيا والحكومة الليبية او الليبيين عامة يعتبرون الاجنبي زي الكلب بدون مواخزه المفروض علي الاقل يكسوهم كويس وبعدين يرحلوهم ويسلموهم السلطات المسئولة بكل ادب واحترام لانو احترام الشعب هو احترام الدوله واين حقوق الانسان الذي كرمه الله والظروف هي الحكمة علي الناس بالهجرة بحثا عن المال لمساعدة اهلهم وزويهم بالسودان وانا اعيش في بلاد المهجر واحمل جواز اجنبي لكن هنا في المهجر اي شخص يسالني من جنسيتي اقول له انا سوداني الاصل وجنسيتي كذا وهذا عز و فخرا لسوداننا الغالي و الله يحفظ سودانا واهلنا من كل شر…;) ( )

عقبال السودانيين بتاعين جدة الكرنتينة وغليل وبني مالك
وكمان سودانيين ام الحمام وحلة القصمان في الرياض
وانا بوافق الاخ ايمن في كل ما قاله والسودانيين بالجد اتغيروا تغيير رهيب ففي جدة يبيعون العرق والحبوب المخدرة أما النساء فحدث ولا حرج ….
وفي ابو ظبي السودانيات والسودانيين ابدااااااااااااااع شديد ;(
وبعدين ما السودانيين ديل بجيبوهم بالكشة من السعودية كل يوم شيء بالطيارة وشيء بالباخرة مافي زول فتح خشمو ليه ؟
بعدين شايف التعقيبات كلها عاطفية الوطن والسودان وما عارف شنو …….. يا زول وطن شنو انت الوطن دا لما هو سمح كدا وعاجبك بتمشي اوطان الناس التانية مالك ما تقعد فيه ما دام هو سمح كدا ؟
السودانيين يمشوا يقلوا ادبهم في الدول العربية ولما الواحد فيهم يرحلوا بالفانلة الداخلية والشورت يقعد يمد لسانو ويتفاااااااااااصح !!!
احترموا نفسكم عشان الناس تحترمكم وكفانا فضائح يا اخ
😡

انته لو راجل سوداني اكتب اسمك وعنوانك سودانيه اصيله:mad: 😡 😡 :lool:

بلادي وان جارت علي عزيزة واهلي وان ضنو علي كرام .
ياخ والله العظيم لو تعلم انو وساخه وغزاره هذا الوطن الابي يتمثل ويتجسد في المخاليق المشوهه من امثالك.
ياخ والله العظيم ان اكثر ما يؤلمني بانك تدعي بانك سوداني . مع انني اشك في ذلك واتمنى من كل قلبي ان لا تكون سودانيا حقا. لانو لا اعتقد ان يكون هنالك سوداني مهما وصلت به الدناءة والوضاعه والانحطاط والوساخه ان يصل الي مستوي امثالك يايا يا……………………………………………………………………….
يا واطي.

انا بس مستغرب في الزول الدمو اتحرق عشان الجنسية التشادية
كان تشادي الدخلك شات سوداني شنو ما عملو ليكم شاتات في تشاد
وكان سوداني البخليك تدافع عن تشاد شنو خلاص تشاد دي مزروعة في دمك
وكان لا تشادي ولا سوداني امشي شوف ليك بلد تلمك

لللأسف الشديد اطلعت على عدد كبير من الردود شعرت بالإعياء بل المرض لأن الغالبية لجأت لإسلوب العتاب والعتاب في هذا الزمان يفسد الود ونحن في حاجة للإصلاح ومواساة الساقطين رغم قساوة الكلمة والغضب يخرج من كمال التروي ولا أحد ينكر أن جنسيته فخر له مهما حدث والمثل القائل (لالوب بلدي ولا تمر الناس )عبارة عن حكمة وتهذيب للروح صحيح إن كثير من الأشخاص شوهوا صورة السودان الجميلة لكن هنالك الفئة الأكبر مازالت بخير وتسعى سعياً حثيثاً للإصلاح بكل الوسائل وتقديم الكلمة الطيبة في صبر واحتساب حتى لا تكبر الهوة وتتشعب الطرق ويصبح بأسنا بيننا لذلك أوصي الجميع بالصبر والتصبر ومعالجة الأمور من جانب يدخل منه الخير والأمل للفئة التي نرى نها سلكت سلوكاً ضاراً ومخالف للجماعة سواء كانت في الداخل أو الخارج من ابناء جلدتنا لأن من واجبنا كمؤمنين التيسير وليس التعسير لنصل إلى حل وخاصة نحن كسوانيون في منعطف خطير والحل يكمن في كيفية التعامل وايصال صوت الرحمة والكلمة الطيب لتجد قبول عند اخوتنا الذين اسودت الدنيا في وجوههم سواء بفعل فاعل أو بفعل أنفسهم أو نتيجة ابتلاء من الله سبحانه وتعالى وهذه المشاركة دعوة لنا جميعا للإلتزام بأن نتواصى بالحق ونتواصى بالصبر ونكون معين وليس معوق.

الغريبة في الموضوع انو الحكاية دي متكررة يعني ما اول مرة ونحنا كبلد يصادق علي كثير من الاتفاقيات بخصوص حقوق الانسان وتسليم المجرمين ولدينا سفارات في تلك البلاد المعنية لماذا تأتي وفود الكشات فجأة في المطارات والموانئ وماهو دور السفارات في حل مشكلات السودانيين بالخارج حتى لو كانوا مجرمين وهل تمت ادانتهم او محاكمتهم او اثبات التهم عليهم
ونتفق مع كل الاراء القائلة بتغير الشخصية السودانية بالخارج ولكن لا تنطبق عليهم كلهم فهناك من يمثلنا خير تمثيل ويعكس شهامة وشجاعة ومرؤة السوداني
يجب علينا معالجة الامر بحكمة بدون اطلاق الاتهامات في كل ناحية وهذا ديدننا في الفترة الاخيرة نستعجل الحكم عل الامور

يا أخوانا فلنفترض جدلا ان المبعدين ديل قتلة و مغتصبين و حرامية و ووووو… بس كرامة بني إدم ليها اعتبارها …و السفارة دورها شنو؟؟ طبعا طنشوا و لو كانو رحلوهم عريانييييييين ملط اكرمكم الله و معذرة على اللفط ما كانت اتحركت … انا اذكر حادثة واحد تركي في السودان قبضوه متلبسسسسسسسسسسسسس مع واحدة في السودان … و طبعا الديبلوماسية التركية رغم انه مقبوض بالثابتة تحركت لانه هذا مواطن يحمل جواز تركي و عليه توقيع وزير الداخلية او الخارجية التركي و يفترض بكل الهيئات الديبلوماسية تحميه ,,,, و القضية حصل فيها شنو … اراهن اي واحد يقدر يثبت حصل شنو في المحضر لانه اختفي … تبخر … و صاحبنا التركي ما زال معزز مكرم في عايش في خير بلدنا …..

وين ديبلوماسيتنا سواء كنا كويسن و لا كعبين ؟؟؟؟