مكاوي : الخلافات مع السد مهنية وليست شخصية
كشف مكاوي أمس عن أن الخلافات مع إدارة سد مروي وراء إعفائه من منصبه كمدير للكهرباء ، وأبان أن هذه الخلافات بينه وإدارة السد تكمن في طريقة تشغيل الكهرباء ، واصفاً الخلافات بالمهنية في التشغيل وليست شخصية . على عكس توقعات بيان الهيئة القومية للكهرباء أمس الأول التي أشارت فيه الي خروج محطة كهرباء مروي بكل وحداتها مساء أمس الأول من الشبكة لم يحدث أي انقطاع للكهرباء ، رغم الاستعدادات والتحوطات التي تمت من قبل الجهات كافة في قطاع المصانع والمنازل وغيرها من المصالح ، وأشار عدد من القطاعات المختلفة انهم قاموا بتحوطاتهم كافة لتفادي أية سلبيات ونتائج عكسية قد تحدث حال انقطاع وخروج التيار الكهربائي . ورغم أن البيان الذي صدر من الهيئة كان بناء على طلب مسؤول تشغيل محطة كهرباء مروي للإصلاحات الفنية ، الذي عزا ذلك لعمل مصدراً مطلعاً بوحدة السدود رفض التعليق على البيان وعن المساعي التي تمت ورفض التعليق . وبحسب صحيفة الراي العام قال أمس : أي تعليق على البيان مسؤولية الجهة التي أصدرته وانه مصدراً مطلعاً بالهيئة قال ان الصيانة تم تأجيلها الي وقت آخر لم يحدد .
وكان قرار رئاسي صدر بإعفاء مدير الكهرباء السوداني المهندس مكاوي.
الرد الرد قطوعات في الكهرباء وخرمجة من مصائب السد وانشاء الله الانقاذ تنهد
والله يا اخ مكاوي انت كبش فدا بس انا محتار كيف يعفوك انت ويخلوا
الاسموا اسامة داك المفروض يطريوا اسامة بس الظاهر داك كوووووووووووز اكبر منك
على باليمين الشعب السودانى الذلة المشت فوقوا لمن تقوم الساعة مايشوف زيها تانى يعنى كهرباء ندفع قروشة مقدم ومافى وشى حنقطع ومايقطعوا دا نوم الديك فى الحبل زاتو
وبعدين مكاوى ولا غيرو كلكم حرامية فى حرامية ياخ الله يرحم المواطن ويحسن اليه
عليك الله يالصفيح —اقصد يالفصيح— كان الانقاذ انهدت تانى ذى فصاحتك دى انت قايل بتقدر تعملا
ولا يهمك يا باش مكاوى بكرة يعملوك مستشار الرئيس لشئون الكهرباء
اين المجلس القيادى للحزب الحاكم من هذه الخلافات الشخصية الغير مهنيه اما كان أولا لكم ان تحلوا المشكلة فى داخل الجزب قبل ان تستفحل -مكاوى رقم هام لا يمكن تجاوزه ولا يمكن ان نغفل عن انجازاته فى الهيئه القوميه للكهرباء لقد اثبتم عمليا ان اعضاء الحزب الحاكم يتناحرون من اجل المناصب وإلا كيف لرجلين فى حزب واحد يختلفون ؟ من المتضرر من هذا الخلاف ؟ المتضرر الاول هو الحزب الا رحم الله الشهيد المرحوم محمود شريف :confused:
😮 مكاوى من المفترض يقال من بدرى وهو سبب كل البلاوى فى الكهرباء فى هذا البلد
نيابة عن محطات التوليد فى السودان نودع السيد المدير العام والعين تدمع والقلب يحزن لما بذله من انجازات ضخمة لا حصر لها لا عد ولا ينكرها الا جاحد تجاه هذا الوطن والهيئة القومية للكهرباء والعاملين بها ونرجو من المولى ان يوفقه فى مقبل ايامه بقدر وفاءه واخلاصه .
المشكلة تكمن فى سوء الادارة بالحكم عامة بالرغم من الاستراتيجية المزعومة ووضح بان هناك خيار وفقوس داخل اجهزة الدولة وهذه ليست اول اول حالة دونكم الصحة والثروة الحيوانية وغيرها مما يؤكد وجود خلل كبير ولكن بهذا القرار تاكد عدم حيادية رئاسة الجمهورية ووقوفها جانب ادارة السد ضد الكهرباء قبل استبيان الجهة المقصرة بالرغم من المؤنمر الصحفى لوزير الطاقة الذى كان فى مصلحة الكهرباء
نيابة عن محطات التوليد فى السودان نودع السيد المدير العام والعين تدمع والقلب يحزن لما بذله من انجازات ضخمة لا حصر لها لا عد ولا ينكرها الا جاحد تجاه هذا الوطن والهيئة القومية للكهرباء والعاملين بها ونرجو من المولى ان يوفقه فى مقبل ايامه بقدر وفاءه واخلاصه .
أنا بقول للعم مكاوى الحمد لله انت مرقته من الهيئه بكامل صحتك وعافيتك وفي النهايه خساره كبيره سنفتقدك كثير خاصه العاملين بالمرفق هذا 😡 (؟) 😉
الى مكاوى وصلت النهاية يا عبقرينو
الموضوع وما فيه لماذا يتم تقسيم الكهرباء ؟ كهرباء مروى -كهرباء مكاوى -كهرباء فلان ؟ هى كهرباء السودان . هذه هى المشكلة يجب ان ترجع كما كانت فى السابق ويأتو بما هو جدير حسب المؤهلات والخبرة – والمعرفة – والعلاقلات الدوليه لتمويل المشاريع https://www.alnilin.com/news.php?action=show&id=16337#
يا فصيح انت من الجماعة اياهم ولا شنو؟؟؟
قال كبش فداء وحمل وديع …… محترف من الدرجة الاولى وقف تامل ياسيد وبعدين فى السد الشغل والله زى الجيش اى زول بتردد فى حاجة ولا يتنخنخ طوالى بترفد ولا بتحاسب والله الناس الشغالين فى السد من أسامة لى السواقين ارجل منهم مافى واشطر منهم مافى واولاد ناس احسن منهم مافى بس خلى بالك انو اسامة دا انا شفتو بى عيونى بكون صايم اثنين وخميس والله بكون لافى بى جزمة مقطعة من الدقش لى المغرب فى جسم السد ولا راحة ولا غيرا مابقعد الا فى الصلاة وبالجد هو سوا وعمل لينا الكتير ودة كلو من راس ابونا الريس البشير الله يديهو العافية والصحة وربنا ما يحرمنا منو بس ماكاوى ولا حلويات سلا دا مايودوهو حتة تانية عشان يلخبط تانى يدوهو ركشة ويشتغل فيها وانا اول واحد بعمل معاهو اتفاق ترحيل والله يحب المحسنين لانو طلع ايمان صليبنا بى ( الكهرباء جات الكهرباء قطعت ) وفى رمضان كمان
ياناس نحنا بنشترى الكهرباء مقدما
وبنشترى العداد وكمان هه بندفع ايجار عداد ونحنا مشترنو مسبقا
وبعد دا بتقطع كل يوم وكل دقيقة الناس مرتعبة
الله ينتقم منكم يا ناس الكهرباء كهربتونا معاكم
بقول لاختنا الفوق القالت ناس الكهرباء حيفتقدوا مكاوي
اتقي الله مكاوي ظلم معظم العمال الشرفاء وريح ناسو بس والظاهر عليكي انتي منهم
هذا القرار كارثة سوف تحل بالمواطن السودانى كله والذى اصدر ه لم يراعىالمصلحة العامة …….. مجرد سؤال ما هى مؤهلات اسامة مقارنة مع مكاوى اذا كان البديل
مجموعة اسئلة للمدير الجديد،،
1/ماهو سعر التكلفة للشاشة الخاصة بشقة غرفتين ؟ 50 الف جنيه أم اربعة مليون وثمانمائة الف جنيه ، مع العلم ان العمودالرئيسى والكيبل وعلب المفاتيح والترحيل وحاجات تانية على حساب المواطن الغلبان ؟
2/ماهى افكارك واستراتيجيتاك حتى 2020 ،لينعم الجيل الجديد بشى من الرفاهية المفقودة منذ 1956؟
3/هل باستطاعتكم احداث تغيير جذرى خلال عامين ؟
4/ هل ستدار الكهرباء بطريقة هلال ،،مريخ ،يعنى تبعية للسد المرتد ، وتبعية للادارة المركزية ،،
5/ ختاما راى الشخصى تتعاقد مع شركة هندية فورا لادارة كل الكهرباء بالسودان
وشوف بعد كده لو فى مواطن اشتكى ليك .
;(
;(
;(
غرار غريب باشمهندس مكاوي رقم لا يمكن تجاوزه في الكهرباء اسس تاسيس بعيد المدي من تاهيل كوادر وبني تحتية المفترض يحاسبو ناس السد لكن معليش ياهندسة والجات من السماء تتقبلا الواطة
اولا مكاوى انجازاته بتتكلم عنه وهو ليس فى حاجة الا ان يتكلم عنها ارتقاء بالهيئة الى اعلى المستويات من الانضباط الادارى والرقى التكنولوجى والصراع هو حال جميع الكيانات الحية المتفاعلة ونسال الله ان يكون دليل عافية والشىء الذى يعيب عدم تتدخل اى جهة لحسم هذا الخلاف من الاول ما بيعقل اسامة يبنى محطة يتحكم فيها وهو بنى مطار وطرق وجسور يعنى يتحكم فيهم برضو المفروض الدولة تحترم مؤسساتها وتدى العيش لخبازه الهو اصلا امين عليهو نسال الله السلامة 😡 😡 😡
الاخوة الاعزاء يجب ان نتقى الله ولا نلقى بالاتهامات جزافا وحسب اهوائنا فالبعض يتهم اسامة والبعض يتهم مكاوى ونحن لا نعرف الحقيقة وبهذا نزيد بلبلة وفرقة فايانا والظلم فالظلم ظلمات يوم القيامة فقد يكون هذا مخطئ وقد يكون ذاك وقد يكون وزير الكهرباء هو المسؤل الاول وكل هذا لايعرف الا بعد تحقيق فيجب ان نترك الاحكام المسبقة ونتكلم عن ان كل مسؤل يجب ان يخضع للتحقيق والقانون مثله مثل اى مواطن ففى دولة القانون يجب ان يخضع الجميع للقانون والجميع متساون امامه ويجب ان يكون عندنا قانون الثواب والعقاب فتكريما لمن اجاد وتوبيخا وحتى سجنا لمن فشل اذا ثبت ان فشله اضر بالوطن والمواطنين وعلى الحكومات ان تتقى الله فى الناس وتستعمل الرجل المناسب فى المكان المناسب .
قرار صائب والله هذا مدير متعجرف جدا ويتكلم من تحت مناخيره
اللهم لا شمانه
اقول للاخ شريف اين دولة القامون واين المحاسبه والله باكر تلقاه وزير والله سفير
اصلو في دولة القانون عندنا اللي يغلط او يختلس يرفع الي الاعلي والدليل
واصح كالشمس لذلك لا تخاف عليهو هذا ظهره متيييييييييييييييييييييييييييييين
ومؤمن
طيب ياحكومه رايكم شنو تعينو المهندس جمال الدين عبدالرحمن
في ناس حرقهم تعليقي الظاهر ومشكلتهم الاساسية انهم مقتنعين ان الانقاذ هي السودان والسودان هو الانقاذ وانا مقتنع انا الانقاذ ماهي الاحكومة حكمت السودان كغيرها من الحكومات . علي اي حال المهم في الموضوع يا الزعلانيين مني عايزين نعرف رأيكم في الموضوع وما مهم انا صفيح او فصيح عايزن نعرف مشكلة الكهرباء وين في السد ولا في المسكين الذي تم رفده