سلفاكير يلوح بإنفصال جنوب السودان
قال نائب الرئيس رئيس حكومة الجنوب سلفاكير ميارديت إنه من الممكن ان ينفصل الجنوب السوداني عن الشمال في استفتاء على حق تقرير المصير من المقرر إجراؤه في العام 2011 معتبراً ان الوحدة أصبحت غير جذابة . وفي مؤتمر صحفي عقده امس بالقاهرة بعد محادثات مع الرئيس المصري حسني مبارك ، اتهم سلفاكير الزعيم السابق للحركة الشعبية لتحرير السودان الحكومة السودانية بجعل الوحدة أمراً غير جذاب بالنسبة للجنوبيين كما اتهم الحكومة ايضا بعدم تنفيذ اتفاقية السلام الشامل الموقعة عام 2005 بما في ذلك ترسيم المنطقة الحدودية بين الشمال والجنوب الغني بالنفط . وأشار الي أن هناك أملا في ان يصبح السودان موحداً اذا الطرف الاخر جادا في ذلك على حد تعبيره . وبحسب صحيفة الوطن أكد أن الاستفتاء سيعقد في موعده يوم 9 يناير 2011 . من جهته دعا رئيس الوزراء المصري أحمد نظيف الجنوبيين الي التصويت لصالح وحدة السودان .
الملاحظ لحديث النائب الاول فى الحكومة انه لا يتذكر فى كل تصريحاته انه هو الرجل الثانى فى الحكومة حسب الترتيب الدستورى وانه دوما يصرح بصفته رئيسا لحكومة الجنوب وكأنه ليس على حكومة الجنوب اى دور فى جعل الوحدة جاذبة للجنوبين وانما دائما اللوم على الشمال الذى قدم لهم كل شى فى ايام شدة الحرب والملاحظ ان حديثه دائما يناقض بعضه ولديه تصريح شهير بتلفزيون السودان يقول فيه ان وحدة السودان الخيار الاول عندما يجتمع مع هيئة الرئاسة . فعليه يجب ان تكون المسئولية مشتركة وان سياسة التنصل هذه كانت دائما سببا فى تدهور السودان .وان سياسة الابتزاز بالانفصال لن يتضرر منها الشمال وحده وانما التاثير سيكون اكبر عليهم فى جنوب السودان.
الشي اليحير ليه نحن نعمل الوحدة جزابه وأن كلمة جزابة دي زاته فيه أنه في حين أن هذا الرجل وأعوانه دائماً ما يرموا بالائمة على الشمال وفى نفس الوقت هم دايرين الأنفصال مع السلامة
أحسن خلو البلد المسكينة دى تعيش ليها يومين من غير مشاكل قبل ما القيامة تقوم
اسطوانه مشروخه
السودان ما حقك ولا حق الجبهجيه
والله هؤلاء الناس تقول ماسكين علينا زله اي واحد فيهم كلمه والثانيه يهدد بالانفصال ياخي نحن مستعدين لكل شئ حتى الرجوع للغابة كفاية اخرتونا تسعين سنه واعطيناكم كل شئوماعاجبكم.:mad: 😡 😡 😡 😡 😡 😡 😡 😡 😡 😡 😡
هو انت بتجذب لما الوحدة تكون جذابة؟؟؟؟؟؟؟؟؟؟؟؟؟؟؟؟
ما عايزين اي وحدة لا جاذبة ولا غيرو ده حركات المصريين عايزين السودان يعيش معذب كده لسلامة المياه وتصلهم كاملة لانو بالانفصال بتهددو وخليهم يموتو قهر
ينفصلو اليوم قبل الاستفتاء وانسوا حركات ومصالح المصريين وتوصياتهم ديل عايزين لينا الضرر ليس الا
وبعد الانفصال ما عايزين اي جنوبي لافي الخرطوم لحدي الجبلين خلو البلد فاضية نرتاح ونشم هواء نقي والبنلقاهو في الخرطوم ما يلوم الا نفسو ديل غير سياسة التهديد ما ينفع معاهم شئ
في 60 داهية :lool: :lool: :lool: :lool:
بالبلدي الفصيح مافي زول بخش ليهو صندوق ويدي الصرفة الاولى لي واحد ممكن يسافر بكرة و ما يرجع تاني يا سلفا 😎
إن الأسباب التي تدعو إلى انفصال الجنوب عن السودان أقرب للأسباب التي تدعو للوحدة وهذا القول يتفق مع المنطق شكلاً ومضموناً ويجب علينا أن نحكم عقولنا وأن لا نحكم عواطفنا فللجنوبيين الخيار الاول والأخير ولهم الحرية المطلقة دون ان تشوبها عيب من عيوب الإرادة مثل الغلط والتدليس والإكراه والغبن لذلك فإن قرار الإنفصال قرار الجنوبيين وحدهم دون تدخل الأخرين لأنه كما أسلفت قرار يخص الأخوة في الجنوب الحبيب كما أنه يجب تفعيل ( تقرير المصير ) بالنسبة للأقاليم الأخرى ويتم إجراء إستفتاء عام بالنسبة لهم ليقرروا الوحدة أو الإستمرار في السودان القديم الذي أصبح غير مرغوب فيه لتقلب المصالح الخاصة على المصلحة الوطنية العليا ويجب علينا أن نتقبل الأمر بكل شجاعة , فهنالك دول تفوقنا علماً ومعرفة وتفوقنا قوة وسلطة ولكن مع مرور الزمن استحالة أن تعيش في ظل الوحدة فكان الإنفصال الحل الناجع والاخير مثل روسيا ويوغسلافيا، وأن إنفصال الجنوب أو الاقاليم الاخرى أشبه بعملية جراحية تجرى على المريض فيقول الطبيب له إما أن نقطع رجلك أو يتسمم باقي الجسم فتموت فيكن قرار القطع والفصل عن السودان أقصد عن الجسم بالرغم من صعوبته ولكنه الحل الوحيد الذي لامناص منه فيتقبله السوداني أقصد المريض وسوف يتألقم ويتألف مع مرور الزمن فيصبح امراً واقعاً .
الواحد احتار معاكم مافي حاجة عجباكم بقيتو تبتزوا الناس بالإنفصال يأخي مع السلامه ربنا يسهل عليكم الجنوب نحن مستفيدين منو شنو نشوفكم تعملو شنو خلاص الناس ملو فكونا .
فى 60 داهية كرهتونا وقرفنا منكم انفصال انفصال انفصال … الله لايعودكم والله انا اول واحد شمالى اطالب بانفصال الجنوب عشان نرتاح شوية من الدوشة دي.
والله كلمة الانفصال دي حارة وبتحرقني شديد لما اسمعهاوما عارف الانفصال دا ح يودي الجنوب لي وين يعني ح يخشو بيه الجنة واللاة شنو يعني اليوم نحن في عالم التكتلات والوحدة والاتحادات بين الدول في حين انه نحن دولة واحدة وعاوزين ننفصل عن بعضنا وسبحان الله الدولة اللتي كانت منفصلة اتوحدت اضافة الي دول اتوحدت مابينهاونحن ما زلنا بين المطرقة والسندال …. واصبحت الوحدة جازبة والانفصال ح يكون وكلام يسمم البدن ويحبط الوطنية في المواطن السوداني واسال الله العلي العظيم ان تعدي وتمر السنين القادمة علي خير لكل السودانيين سواء في الجنوب والشمال والغرب والشرق وبدل ما نقول بان الوحدة جزابة اوغير جزابة نعمل سويامن اجل الوحدة
:lool: :lool: :lool: :lool: :lool: :lool: :lool: احسن شي ينفصلو اصلا الشمال ما محتاج الجنوب في شي بعد ما انضمت ابيي للشمال – وعلى اي جنوبي متواجد في الشمال المغادرة بالقوة دون اي رحمة – وديل ناس مسيحيين ما منهم فائدة وياريد لو تدك كل الكنائيس في الشمال ونصبح بلد اسلامي 100 في المائة – شمالي متعصب
ياأخى يجذبك تمساح جيعان . إنفصلوا وشوفوا ليكم دولة تانية تحكمكم . نحن معاك يا الطيب مصطفى مادايرين وحدة مع الجماعة ديل بشرط مايجونا نازحين لما الحرب تشتعل بينهم . بعدين البترول القادين بيهو أضانا دا سوهو مريسة وأشربوهو .
شوف نحن مانقبض فى حلة فاضى الانفصال هى الرغبة ومافى زول مالك السودان حتى تقولوووو فى 60 وانا اقول السودان للجميع مش لى حد لاشمالى ولاجنوبى ولا شرقى ولاغربى السودان وطن للجميع وشماليين سابو
حاجة فى السودان هم سبب فى كل مشاكل السوداء فى السودان الماعندو الحل
ولو جنوب انفصل حسن حاجة اشان تعملو الفتعن الانتو متعودين عليها
بصراحة شديدة نحن مع الوحدة إذا كان من الممكن قيام وحدة حقيقية بين الشمال والجنوب ولكن للأسف الشديد مقومات الوحدة تكاد تكون معدوما (لايوجد سلام إجتماعي بين الشماليون والجنوبيون) حتى اتفاقية السلام الموقعة بين الطرفين كانت مبنية على مصالح ذاتية للحزبين الموقعين وسينتهى شهر العسل بينهما الى الاشئ فقط تكون بمثابة الفرصة الاخيرة لاتحاد شمالي جنوبي (طبعا لاننسى الفائدة التى حققتها وهي ايقاف نزيف الدم وانا كنت احد المحاربين والشاهدين على فظاعةوقساة الحرب) لذلك نقول بكل تجرد ينبغي ان نستثمر ما تبقي من عمر اتفاقية السلام المهزوزة في رأي في النفصال بالتي هي أحسن ويغني الله كل من سعته وهي فرصة كبيرة للفراق بإحسان بعد حدث شبه استقلال كامل لجنوب السودان وماتبقى من الاخوة الجنوبيون في الحكومة هم فقط عبئا علينا ولا فائدة في استمرار السودان بشكله احالي (لا وحدة ولا إنفصال) في ظل المشاكسات الحالية والنفور الاجتماعي بين ابناء الجنوب والشمال 😎 😮
انا من الذين يفضلون الوحدة على الإنفصال لانه يمكن أن يكون هنالك تدخل اجنبي في شئون السودان خاصة الكيان الاسرائيلي وما يدور في الحكومة الان بين الطرفين غير محمود (لا لسياسة الشد والجزب بين الحزبين لاننا لسنا في مبارة كرةقدم ليفوز احد الطرفين علي والمتضرر هو السودان نقول هذا على الرغم من بعدنا من السودان ولم نحظي حتى باتواجد في السودان فترة السلام وما نزال نذكر ايام وجودنا في القوات المسلحة (نوصيكم بالوحدة والتحكم ي قضايا السودان ولكم تحياتي):cool: 😮
ليه الخيار للجنوبيين وحدهم ومنو القال الشماليين دايرين وحدة واللا عشان ماإتمردنا مافى زول بيسأل عننا …:mad: 😡 😡 😡 😡