سياسية
أوباما يمدد العقوبات المفروضة على السودان رسميا
واشنطن (رويترز) – مدد الرئيس الامريكي باراك اوباما يوم الثلاثاء رسميا العقوبات الاقتصادية التي تفرضها الولايات المتحدة على السودان.
ويأتي تمديد العقوبات لمدة عام الذي أعلنه أوباما رسميا في خطاب الى الكونجرس في اعقاب القرار الذي اعلنه في وقت سابق هذا الشهر بمواصلة الضغوط على السودان مع عرض حوافز جديدة عليه لوضع نهاية للعنف في دارفور.
تبا عليك طلعت امريكى اصيل
عقوبات عقوبات
الله المستعان
حال البلد يبكى ، المواطنون يموتون من الجوع ، المستشفيات اصبحت مجازر
المسكين الما عندو قروش يموت بمرضو ، التعليم فى الباى باى
المؤسف ان اخلاق الناس لما نسمع عنه ونشاهده يومياً تخجل والله .
يبقى السؤال للانقاذيون
أما آن الاوان أن تتنحوا حتى ترحموا هذا الشعب المغلوب على امره ، بسبب سياساتكم وجبروتكم ؟؟
دارفوا تنزف ، الشرق ينزف ، مشروع الجزيرة انتهى ، واخيرا سد مروى الذى لم نشهد له اى ايجابيات حتى الان .
والادهى ، الكم الهائل من الشباب الذين ماتوا بالجنوب بسبب سياستكم العجيبة ، الان تقولوا عليهم فطايس ؟؟؟!!
دخلتم بالاسلام والشريعة شعارات فقط ، وارض الواقع لا توجد اى شىء مما قدمتموه .
تنحوا يرحمكم الله تنحوا .
قال على الطلاق ما يدخل جندى اجنبى ، الان يتضرعون فى شوراع الخرطوم عينك يا تاجر .
الموت ينتظركم ، والحساب ينتظركم من رب العالمين .
ما امدد كان داير امدد ؟ مجرد حبر على ورق وتعب توقيع نحنا محتاجين ليهم فى شنو ؟ الخير وفير وناكل من ما نزرع ونلبس من ما نصنع ..والبترول موجود والحمد لله . القمح على قدر من يشيل . واظنهم ما سمعوا المرحوم ابوداؤد وهو يردد ( اجرى اجرى يا نيل الحياة لولاك ما كانت حياة )
من كم سنه بطبقو فى عقوباتهم دى فشنو الجدا . جعنا ولا عطشنا ولا شحدنا
رحم الله امرىء عرف قدر نفسه . ويا اخوى اوباما امريكا فى حاجه الى ان تدرس من هو السودانى
خالد اخوى
والله اجمل حاجة انى سودانى وافتخر
لكن الحقيقة فى الغالب مرة .
انت ما عايش معانا هنا فى البلد اظنك عشان تشوف الحاصل .
ما قريت ولا سمعته انو اهم دعائم الاقتصاد بالسودان (مشروع الجزيرة خصخص ومعروض للبيع ) ؟؟
سألتك بالله قول النصيحة .
ياخ ما دام ليك 20 سنة ما قدرته تحسن وتطور الاقتصاد احسن تمشى وخلى غيرك يحسن
حوى واااااااااالدة ، العالم كلو يتكلم عن المجاعة بالسودان ودى حقيقة .
تناقض عجيب جدا ، اطل نهر بالعالم عندنا وناس فى امدرمان عطشانه
اراضى زراعية بالملايين من الكيلومترات ، واسعار الخضار تخوف ، وناس ليها زمن ما اكلت فاكهة ولا لحمة .
لكن اظنك انت من ناس الموية السااااااااااقطة ماك حاسى بالوجع ولا شايف مأسى الناس .
اها الليله حصار اقتصادى ، بكره ممكن يعلموا عسكرى .
والشعب المغلوب دا يموت ساااااااى ، وهم مرتاحين بكره يجروا جرى على ماليزيا وحسابتهم المالية فى بنوك سويسرا تقول يا غربتى .
الله عرفوه بالعقل يا دكتور .
برافو عليك يا ابن محمد صالح فعلاً نحن ما محتاجين لهولاء الانجاس ،،،،،،،،،
الله اقوى منهم ونحن الحمد لله فى نعمة كبيرة
على ادريس
هو في زول في حكومة السودان متذكر الموت مافي والله
ديل قايليين نفسهم مخلدين فيها والله
والله سوف تسال يا سيادة رئيس جمهورية السودان