سياسية
رئيس البرلمان يهدّد بإيقاف مخصصات نواب الحركة إعتباراً من اليوم حال إستمرار مقاطعتهم
هدّد مولانا أحمد ابراهيم الطاهر ، رئيس المجلس الوطني ، بايقاف مخصصات نواب الحركة الشعبية والأحزاب الجنوبية اليوم حال عدم الحضور لمتابعة عملهم بالمجلس . وأكد الطاهر خلال الجلسة المخصصة لخطاب الموازنة أمس انه استند على المادة (27) من لائحة غياب الأعضاء التي تنص على أنه في حال غياب العضو عن المجلس لـ(12) جلسة دون إذن مسبق يحق للرئيس إيقاف مخصصاته . وأشار الي انهم تغيبوا عن (11) جلسة . موضحً إيقاف الاعتذارات للغياب بسبب التسجيل للانتخابات ، منوهاً الي ان الأسبقية لعمل المجلس ، داعيا النواب للالتزام بالحضور لمتابعة أعمالهم . وأكد الطاهر أنه سيكون حاسماً في تطبيق اللائحة . وأشار الي تطبيقها على كل الأحزاب دون مراعاة للاعتبار السياسي ،وبحسب صحيفة آخر لحظة مطالبا النواب بأن يعتبروا أنفسهم في حالة طوارئ حتى تنتهي الموازنة .
الكل يصرف علي نفسة الجنوب له ميزانية ووزراء
نتسال لماذا
كلكم يعنى متلمين عشان المخصصات دى عرفناها الماعرفناهو حل مشاكل القوانين دخلوا شنو بالمخصصات — انتو ما مفوضين الا بتطبيق الاتفاقية بالحرف ولا تكونوا بتاكلوا حرام فى حرام وهذه خيانه للشعب
ارتقى للواقع
برغم انهم ليرتقوا للواقع
واتينا لقمان الحكمة –
يعني النواب ديل ماعارفين المادة(27) ولوكانوا ماعارفنها يبقوا نوام وليس نواب
وبعدين مافي لهجة غير التهديد والوعيد ياناس المؤتمر الوطني……النواب ديل زملاء وفي معترك واحد كيف يعقل أن تستخدم معهم لهجة كهذه
ولو تهديدك ديه ما جاب نتيجة حتروح تطخهم بالنار………..آل مجلس وطني آآآآآآآآل
برافوا يا أحمد الطاهر………………..دا الشغل.
لابد من إيقاف المخصصات والرواتب أيضا أصلو الجنوبيين ديل زى البنغلاديش
طيب البى وقف مخصصات الوزراء والولاة وآلاف الكواكب التى تسجد لهم وتسبح بحمدهم منو ؟
تعرفوا إنو مخصصات ومرتبات السياسيين تساوى ضعف مرتبات العاملين بالدولة يعنى بالواضح كده لو فى راجل وقف المخصصات دى وحولها للعاملين بالدولة ممكن أى موظف يتضاعف مرتبو ثلاثة مرات يعنى بدل وزير المالية مايجى ينظر لينا عن إيقاف الضرائب غلى المرتبات مايوقف المخصصات .
بالمناسبة والى جنوب كردفان عمل شنو مع الجماعة لما هددوهو عشان وقف المخصصات ؟
البلد دى فيها حاجات عجيبة الزول البى يبيع الكلام ويكذب فى الإعلام والندوات ويكسر التلج يأخذ مرتب عشرة أضعاف الزول العامل والمنتج .
عموما ياود الطاهر حقو كمان توقفوا الإمتيازات التانية زى العربات والعمارات السكنية و..و…و …و حاجات تانية حاميانى ;( ;( ;( ;( ;( ;(
منوالقال عايزين يرجعو مجلس بلو واشربو * مجلس مش على صالح مشاكل السودان هى مجلس التزوير والفتن افروح بها حتى تتغلو السودان وقع فى المحيط
تعرف لو ما استعملت الكرت الأصفر والأحمر، الأمور ما بتمشي صاح…. الدافوري بتاع الحركة دا ما بمشي الشغل دا لي قدام.. حرك طوالي واضبط الميدان وبلاش رشاشات.. قال قانون الأمن قال..قوم بلا لما خلاص العمالة كملتوها …