وزير الشباب والرياضة بالولاية الشمالية : الحيوانات الغريبة جاءت من جبال وادي حلفا

يا جماعة ده وزير ولا مواطن عادي بيحكي عن الفريسة والضحية طيب هم عملوا شنو وهل ابلغوا الحكومة المركزية وهل اكلوا الناس ولا لسه ولا منتظرين ياكلوا قريب الوزير وبعدين يتحركوا اتقوا الله الناس ماليها حد يحميها الا رب العالمين ونعم بالله وهنا في الخرطوم قبضوا علي حيوان واحد ووين الباقين ووين الهليكوبتر اللي حامية المسئولين من خليل وعبد الواحد وما هي الخطة طبعا الجماعة جنهم خطط ولجان وكده ياربي كونوا لجنة للحيوانات احسن يكون رئيسها الاسد ومقررها الحمار والسكرتير الثعلب ويعملوا توصيات بان تخرج كل فصيلة يوم في الاسبوع وتاكل وتهاجم ما ومن تريد وخلال اسبوعين يكون ما فضل مواطن مسكين عايش وترتاح الحكومة اللي فضلت هي وتوابعها من وزراء واسرهم ويرتاحوا من الناس ويرتاح الناس منهم

يا سعادة الوزير الحيوانات مهما تكون شرسة مقدور عليها ومعروفة المشكلة اتونا ناس من حتات كتيرة من خارج وداخل السودان جاؤوا بجرائم وامراض واخلاقيات وسلوكيات لم تكن معهودة ولا كانت موجودة بالمنطقة كيف الحل معهم

والله بالجد حاجة غريبة ما بقصد الحيوانات فلله في خلقه شئون الاغرب انه وزير الشباب الذي يصرح ، لا في وزير صحة ولا في وزير للسياحة والحياة البرية لا في حماية الحياة البرية لا في هيئة تنظيم الصيد والمحميات ، بعدين وزير الشباب والرياضة بالولاية الشمالية ، يتتبع حيوانات من حلفا في شرق السودان الى ولاية نهر النيل الى الخرطوم ، يا حضرة الوزير شبابك الراعيه منو ؟؟ ما يكون وزير الثروة الحيوانية لولاية الخرطوم ..
يا اخي اتلهي وشوف ليك شغلة الولاية الشمالية اصلها منسية ومافي واحد جايب خبرها …فاصلا مافي داعي لوزير شباب لانه مافيها شباب ؟؟؟؟