محمد وردي : ياسر عرمان هو الأقدر على نقلنا من السودان القديم
سخر فنان أفريقيا الأول الموسيقار محمد عثمان وردي من وجود فنان يحمل لقب امبراطور غيره وقال حول وجود إمبراطور غيره في الساحة الفنية : ( كان يوجد امبراطور اسمو هيلا سلاسي ومات ) مردفاً بتساؤل عن السبب في تسمية الفنان احمد الصادق بالامبراطور ، مخاطباً اياه بقوله : خليه يبقى فنان اولاً .. مشيراً الي انه لم يسمعه وقال ( يعني فات أضاني كده) واكد الفنان وردي بأن الفن لايورث واي فنان ظاهرة لاتتكرر واستنكر محاولة البعض ترديد أغاني آباءهم وقال (انا لو فنان ما اغني غنائي ) ووصف وردي في حوار اجرته معه صحيفة فنون ينشر لاحقاً الفنان محمود عبد العزيز بالظاهرة الجميلة وابدى أسفه لعدم حرص محمود على صحته وعلى سمعته مؤكداً ان هذه هي مكونات الانسان السوي ، ودعا وردي الجميع للعمل بأمانة وشرف حتى نتمكن من الانتقال سلمياً للديمقراطية واضاف بانه يؤيد ترشيح القيادي بالحركة ياسر عرمان بنسبة مئة بالمئة موضحاً انه شاب مثقف ومناضل ولايميل للعنصرية وهو الاقدر على نقلنا من السودان القديم .
عفارم عليك يا ابو الورود كدة رجعتا لينا
فنان افريقيا الأول
نكبر فيك مجاهرتك بوجهة نظك لك من الود اوفرة يا
الأمبراطور
والله يا وردي مع احترامي لك بانك فنان كبير واستاذ الغناء السوداني . لكني اعيب عليك الاستهتار بي الاخرين وتهميشهم . يا استاذ وردي لا احد يشك في انك مطرب السودان الاول بلامنازع . ولكن هذا لا يمنع ان تعترف بي الاخرين وان تعرف بان السودان ملئ بي الكبار وانت لست الكبير الوحيد في ساحة الطرب والغناء السوداني . عليك ان تتواضع وتعترف بان الزمن بيتغير والاذواق تتغير .في من لا يحب ان يسمع وردي و يحب ان يسمع محمود عبد العزيز او عصام محمد نور.يا وردي عمر البشير منحك وسام النيلين من الطبقة الاولي وها انت الان تنكر لهذاءالجميل وتويد ترشيحك لي ياسر عرمان لانه سوف ينقلك ال السودان الجديد. اي سودان جديد تنتظره انت .؟ يا استاذ اترك الحبر الذي كتبت به شهادة الوسام يجف وبعدها تنكر للبشير
والله ياهو ده الفضل ….. عرمان فى عينك !!!!
ياخى شوف غناك ده واحسن تتوب قبل الموت
شنو الغرور ده يا وردي ؟ 😡 واصبت في وصف احمد الصادق وفي حوتا .. لكن حكاية عرمان بنقل السودان دي ما كتيرة ؟ بلا عرمان بلا وردي