الشعبي: سد مروي شُيد إرضاءً للمخابرات المصرية

انشاء السد ارضاء الى المخابرات المصرية هذا افتراء و يتنافى مع الحقيقة و الحكومة المصرية لديها اعتراض منذ التفكير بانشاء سد كجبار و الحق يقال و كانت دائما تتحجج بانخفاض منسوب المياه عند المصب اذا تم انشاء اى سد على النيل و خصوصا فى الولاية الشماليه .
لم ازر الشمالية الا فى العام 1965 م و لقد رايت حياة الؤس و الشقاء الى يعيشها اهلنا فى الشمالية وبعد قيام السد و دخول لكهرباء اصبح للحياة طعم و لاهلى بريق و نوره و اعين ترى و اجساد تتحرك بقوة و هذا هو الذى قدم لنا منذ استقلال السودان و لعدم وجود ابسط مقومات الحياة هرب الكثير من انباء الشمالية الى العاصمة و منها الى دول المهجر و هم من قام بتشيد المدارس و الوحدات الصحية و تقديم العون و ادخال الكهرباء فى القرى و التى تعمل لعدد من الساعات ليلا و تغلق بعد العشاء .
اتمنى ان يعم الخير كل السودان و تقام السدود ارضاءا للمخابرات المصرية و نحن المستفيدون .

شر البلية ما يُضحك… أتاري كلكم مكشكشين زي شيخكم… اسع دا كلام يقولوا زول نصيح… يا أخي حاول تتعلم الدعاية الإنتخابية … احترم عقول الناس… ما قدمته الإنقاذ للشمالية ما قدمه أحد والإنقاذ مقصود بيها المشير البشير المؤتمر الوطني شخصيا موش ناس الشعبي المرتدين…الشمالية التي عانت بؤسا وفقرا لا ينكره احد منذ فجر الاستقلال, قد وجدت حظها من التنمية والاستقرار في عهد الوطني، وباتت تشهد انجازات عظيمة لا يمحوها كر الأيام ومر الأعوام, وفي مقارنة سريعة لحال الولاية ما قبل الوطني وبعده, نجد أن مدارس الأساس في عام 89م 383مدرسة واليوم أكثر من 500 مدرسة, والمدارس الثانوية في 89م 27مدرسة واليوم 95مدرسة , والجامعات في 89م صفر واليوم تقف جامعة دنقلا شامخة ب11 كلية ومعهد عالٍ، وعدد الآبار الجوفية لمياه الشرب في 89م 125 بئرا واليوم 350 بئرا وعدد المطارات في 89م مطار واحد في دنقلا واليوم 3مطارات في مروي والدبة, وعدد المستشفيات في 89م 17 مستشفى واليوم 26 مستشفى والمراكز الصحية في عام 89م 19 مركزا صحيا واليوم 85 مركزا صحيا, وأما في الزراعة فعدد المساحات المزروعة عام 89 م 40 ألف فدان فقط وأما اليوم فأكثر من 500 ألف فدان, بالإضافة إلى مشروع القرن في مروي لتوفير مليون فدان إضافي مع توفير 1250 ميقاوات من الكهرباء للسودان, وأما في مجال تشييد الطرق فلم تشهد الولاية طريقا معبدا إلا في عهد الوطني, فنجد اليوم طريق شريان الشمال أم درمان الملتقى دنقلا, طريق مروي السليم ومروي كريمة , ومروي عطبرة, وطريق مروي ناوا دنقلا, طريق شريان الشمال السليم دلقو حلفا بالضفة الشرقية, ودنقلا أرقين بالضفة الغربية, بالإضافة إلي الجسور المتمثلة في جسر مروي كريمة, ودنقلا السليم, والدبة أرقي, وكل هذه الانجازات وغيرها للوطني في الولاية غيض من فيض وهي على سبيل المثال لا الحصر, ولهذا فان الشمالية لا يحتاج المرء فيها إلى كثير عناء ليعرف برامج عمل المؤتمر الوطني لكنه يطلب المزيد من التنمية والاستقرار لولاية تشتعل قمحاً ووعداً وتمني, وحتماً سيدلي الناخب من مواطنيها بصوته لشجرة الخير أينما زرعت,بدءا من الرمز عمر البشير لقيادة هذا السودان العظيم, والأستاذ فتحي خليل لقيادة ولاية الخير في الشمال … وألف نعم للوطني كي تستمر عجلة التنمية في دورانها .. ودعوا القيادة للوطني واستمتعوا بمسيرة التنمية والأمن والاستقرار

😎 يا حاسد السد في الاسكندرية انشاء اللة ارضاء لي شارون نحنا مبسوطين والكهرباء مولعة طيب كبري توتي ارضاء لي نتينياهو اية رايك ديرين نعمل سد زي حق مروي في الجنوب عشان اكامبو تعرفوا عشان ما يزعل مننا وتبقي مشكلة كبيرة وانت كان زعلان نرضيك نعمل ليك مطار انشاء اللة ترضي اي زول بسد بكبري بكهرباء سكة حديد انت موتمر شعبي انا سوطي اعطية نتنياهو ما اعطية الموتمر الشعبي لان نتنياهو بعمر بلدوا ما هدمها

تجينا اسي تقول كلامك دا والله صحي ده استخفاف بالعقول وبعدين انت مش دعوتك الاساسيه الاسلام مالك والانتخابات والديمقراطيه وحنك الخواجات ده والله لو راجعت عقلك شويه كان خشيتو للناس بي حنك غير ده انا شخصيا كنت بحترمك زمن كان كلامك بس عن الله ورسوله و تفكرك جد كان ظاهر انو فعلا مبتغاك الله وده بي كلام الناس الكانوا معاك بس لمن ابتليتوا كان تصبروا وما تتنازل ابدا عن مبداك
وبعدين قصة مصر ورؤوس الحكم الان في السودان وتحالفهم ظاهر لكل ذي عقل وبصيره من اسي من زمن السد العالي وهلم جرا بس نتمني انو ما يكونوا بيحبو بعض اكتر من حبهم لي اهل الشمال وللناس المساكين الممكر عليهم نقول ليهم الله وليكم وحسيبكم عليهو توكلوا

يازول ده كلام زول عاقل اظهر عليك انت مرشح طره ساكت وانت كان فيك عمار بتابع الترابى ونحن بناكل ثوركم وثور ناس البشير ونديكم زمبه بجلاجل ياداقس

والله العظيم انتو يا ناس الشعبي ما تفهمو والله لو تفهمو ما كان ده حالنا ده كلام يخش العقل يا جماعة اتقو الله اتقو الله سد مروي منارة شامخة في جبين أهل الأنقاذ جمعياً .. علاقته شنو مع مصر العبو بعيد يا شعبي