سياسية
الحركة ترفض نظام التأشيرة في حال الانفصال
رفضت الحركة الشعبية العمل بالتأشيرة للتنقل بين الدولتين في الشمال والجنوب في حال الانفصال، واكد ين ماثيو الناطق باسم الحركة – بحسب (الجزيرة.نت) – أمس “إن الانفصال، وارد ومرجح، وقال ان ذلك لا يعني أن تتقطع العرى ويرحل إلى الجنوب كل جنوبي وإلى الشمال كل شمالي”. وقال إن حزبه سيحكم الشمال والجنوب متحدين أو منفصلين !!
صحيفة الراي العام
والله امركم عجيب وغريب ياحركة شعبية , تريدون تقرير مصير الجنوب بين الوحدة او الأنفصال وقلنا ماشي ودا حسب الإتفاقية , ولكن ما لا يقبله عقل ولا منطق ان تكونوا عايزين كمان تحددوا لينا مصيرنا نحن في شمال السودان , او تحددوا انتم الكيفية التي بموجبها يتم تنقل مواطني الدولتين في حال اختار الجنوبيون الإنفصال , او تحددوا انتم كيف تكون العلاقة بين الدولتين , او ان تحكمونا في الشمال حتي بعد انفصالكم .
انا لا اصدق هذا الكلام واذا كانت صحيحة فشيئ مستغرب
هـذا الكلـــلام لا أساس له من الصحة إذا اراد الجنوبيون الإنفصال فهذا حقهم لكن عليهم أن يعرفوا إبتداء أن الإنفصال يعنى دولة جنوبية سواء دولة الاماتونج أو غيره وحينها نحن إخوة لكن التعامل سيكون حسب الاعراف الدبلوماسية والقانونية وسينتقل كل الجنوبين إلى الجنوب وكذا الامر بالنسبة للشمالين على ان يكون الانتقال بجواز السفر والتأشيرة وكل ما يلزم للإنتقال بين الدول ، ببساطة المسألة مش حا تكون سايبة
اها طيب الانفصال معناهو شنو يا منقا ..؟ بالله شوف الزول دا ؟…. الناس ديل شكلوا قصة الانفصال دي بقت حااااااااااااااارة !!!!!!!
لابد من التأشيرة ونتو لوعجنكم الشماليين مابتطلبو الانفصال والنعامة مالقت الجرى والطيران وجهزو جوازاتكم والعوزنو بندخلو والماعيزنو ينطق ويقعد فى بلدو واشربو من البحر ياحوش
اي حزي هذا ؟
بسم الله الرحمن الرحيم
بعد السلام والتحية
حقيقة لقد غضبت جدا عندما قرأت هذا التصريح الذي ينم عن جهل سياسي غريب لما هم مقدمون عليه و علي العقلية التي نتعامل معها ممثلة في الحركة الشعبية الغير شعبية
و لكن سكن غضبي قليلا بعد أن قرأت ردود الاخوان الذين سبقوني
يا أخي إعلم انك اذا انفصلت لا يحق لك حتي ان توافق او ترفض قرار قامت بوضعه الدولة الشمالية فقرار التاشيرة خاص بدولة اخري غير دولتك فما لك به شأن و لا يحق لك رفضه او حتي الموافقة عليه اذا قررت الدولة الشمالية ذلك و لكن يبدو انكم تريدون دولة الجنوب لكم وحدكم و مشاركتنا ايضا في دولة الشمال لا تحلمو بذلك و لابد منذ الان وقبل اكتمال فصول الاقتراع لابد من تحديد مواعيد خروج اخر جنوبي من الشمال لانكم ان اخترتم الانفصال فأعلمو انكم غير مرحب بكم في دولتنا و دمتم .:mad:
هـو بالـتـاشـيرة عـنـدنـا راي
دولتين؟؟؟؟؟؟:D 😀 😀 😀 😀 😀 😀 😀 😀 😀 😀 😀 😀 😀 بختك وصدق الشاعر
لقد هزلت حتي بدى من هزالها كلاها وحتي سامها كل مفلس
لابالله اهم حاجه انو ننفك منكم بعدين سيبونا فى حالنا لو عملتو كده تكنو احلى ناس 😉
دا كلام غريب والاغرب منو ان صاحب التصريح قال ناطق باسم الحركه . انت لو داير تقعد فى الشمال منفصل ليه . والله بكل اسف المؤتمر الوطنى ادالكم تنازلات اكثر من اللازم حتى اعتقدتو ان دا ضعف يا عزيزى . اقول ليك بالفم المليان : اذا رأيت نياب الليث بارزة فلا تظنن ان الليث يبتسم واعلم انكم لو اخترتم الانفصال فهذا خياركم وسيتم معاملة اى جنوبى بالشمال معاملة الاجنبى ولن تدخل انت او غيرك شمال السودان الا بتاشبرة دخول . وارجو ان تراجع كلامك بان حزبك سيحكم الشمال والجنوب منفصلا او متحدا !!!! بالله دا كلام زول مسؤؤل . وحقو تنتظر الانتخابات فى ابريل لتعرف حجم الحركة الشعبيه فى الجنوب نفسه وليس فى الشمال لانو غالبية الجنوبيين بقبائلهم المختلفه لهم راى فى الحركة الشعبيه ونتائج الانتخابات ستكشف هذه الحقيقه . واذا الحركه بتفكر فى الانفصال فلماذا رشحت شمالى لرئاسة الجمهوريه ودا دليل على ان الحركه مقتنعه بعدم امكانية فوز مرشحها برئاسة الجمهوريه ولذلك قررت التضحية بالشمالى / الجنوبى ياسر عرمان الذى ما زال فى حلة زهول من ترشيح الحركه له ّّّّ!!!!
والله عشنا وشفنا ولكن ابدا ما هنت يا شمال السودان يوما علينا . وعلى المؤتمر الوطنى وابناءشمال السودان الاطلاع على هذا الكلام واناشا الاخ حنين ان يأخذ هذا التصريح عنوانا لاحد حلقاته الساخنه واناشده ان يكون السيد الطيب مصطفى اح المتحدثين لان هذا التصريح يؤكد كل كلمة قالها الطيب مصطفى حول هذا الموضوع دون ان يخاف فى الحق لومة لائم
الانفصال دا قايلنو لعب 😡 😡
الزول ده مو صاحى والله شنو؟ مالو بقى لك حار هو تانى فى تاشيرة . الشمالى ا>ا داير يعيش فى الجنوب هو اجنبى ونفس الشئ الجنوبى الفى الشمال
وصدقنى اليوم البكون فيه الانفصال ده يوم المنى وكل السودان الشمالى حا يحتفل به
بس خليكم قدر الكلام يا عرمان
صحيح انو الاخوة الجنوبيين وجدوا في الماضي ظلم من اهل الشمال… لكنهم ناضلوا بقوة وشراسة وبنضالهم فقط استطاعوا ان يرفعو الظلم عنهم … اطلاقا لم يتكرم به الشماليين عليهم…. فلا يجب على العقلاء منهم خاصة التفريط فيما حصلوا عليه في دولة موعودة بالمستقبل القريب بالقوة الاقتصادية والمادية والعسكرية حيث الاراضي الخصبة والمراعي الشاسعة والمياه الوفيرة وكثير من البترول والمعادن واليورانيم والذهب ستكون دولة انسانها مكتفي ذاتيا…
باختصار سيكون سكان الجنوب حكاما على الجنوب وشركاء في حكم الشمال ولهم الحق في الترشيح لرئاسة كل الوطن.. وذلك بنص الاتفاقية… والجنوب محتاج الي تنمية كبرى وان كان يرى ان البترول هو مكسبا له .. فالبترول ثروة ناضبة وهو ليس بالكميات الكبيرة مقارنة بدول الخليج … والتنيمة تحت ظل الدولة الواحدة القوية ستكون سريعة الايقاع… وواكبر تنمية للجنوب هي تنمية موارده البشرية وهذا متوفر للجنوبيين بالشمال بحكم انهم سودانيون ولهم نفس الحقوق ….وفي جميع مراحل التعليم من الابتدائي الي ما فوق الجامعي…
انا متأكد جدا بأن قسمة الثروة الحالية ستعود علي الجنوب في المستقبل القريب اضعافا مضاعفة.. سواء اكان من خلال حكام الجنوب في الحكومة الاتحادية او من وفقا للاتفاقية او من خلال رئاسة الجمهورية او الوزراء….
والجنوبيين الآن محترمين خاصة من ابناء هذا الجيل اما الجيل السابق الذي كان يسيء التعامل مع المهمشين عموما فقد انقرض او في طريقه للانقراض…
ان اكبر خسارة للجنوبيين ان ينفصلوا عن الشمال بعد أن استطاعوا انتزاع كل هذه المكاسب… ان مستقبلهم في حكم كل السودان كبير جدا ومؤكد… هذا في المستقبل القريب اما اليوم فإنهم يستطيعون حكم السودان عن طريق الائتلاف مع الاحزاب الاخرى.. وسيكونون هم اصحاب اليد العليا….في اي حكومة اتحادية بالخرطوم…
وأرى ان يلقم اهل الجنوب الفئة القليلة من أهل الشمال التي تقف مع الانفصال حجرا لكون ان الكيانات المجزأة والدول الصغيرة هي مطلب الدول الاستعمارية لسهولة ابتلاعها والسيطرة عليها علما بأن هذه الدول الاستعمارية هي اول من بدا في التوحد وانشاء الكيانات الكبرى القوية الموحدة … وفي نفس الوقت يكون حريصا على تجزئة الدول النامية… (انتبهوا لكي لا تندموا مستقبلا)…
صدقوني انني كشمالي افضل ان تكون حدود وطني من نمولي الي حلفا… واحس بأنني امتلك كل هذه المساحة بما فيها من خيرات فوق الارض وتحت الارض… وهو نفس احساس اهل الجنوب والشرق والغرب والوسط….
ياليت ان تتبنى الصحف الشمالية والجنوبية ادارة حوار بين افراد الشعب السوداني يكون حوارا مفتوحا وبحرية كاملة تكون فيها حدود الاحترام خطا احمر لا يتجاوزه اي فرد منا حوار بين انسان الشمال والجنوب والشرق والغرب… حيث سنكتشف ان دائرة اتفاقاتنا ستكون اكبر بمئات المرات عن دائرة اختلافنا…
والوقت المتبقى يكفي لهذا الحوار ويكفي لتغيير قناعات قطاعات من الطرفين لتتوجه للوحدة وبناء السودان الاقليمى القوي الذي ستفتخر به كل الاطراف….
والتوفيق من الله….
خلاص بديتو الجرسة والكبككبة من هسع ماقلتو نوبة؟..
تاني الشمال دا تشموهو قدحة لابتأشيرة ولا من غير تأشيرة
افتكر مافى داعى للقلق والخوف من الآن ، مافى مشكلة يمكن التنفل بدون تأشيرة (طبعا تهريب) …
والسؤال ياماثيو …. انت عاوز فى الشمال ايه حتى تتخوف من التنقل بالتاشيرة ؟
ما جنوبكم ماشاء الله بترول واراضى ومياه ومعادن … الخ ؟ واســــتقرار كمان وليس لديكم قبلية كما فى الشمال (الظالم) .
صدقنى لو مضى عليكم 100 عام لن تنعموا باستقرار او تنعموا بخيرات البلد ، والشمال لو عجنكم عجن حتجوا راجعين ليه ….. ماعندكم قبلة تانية … انت فاهم كده واللا لا . وهل تعتقد مساندة الغرب لكم حبا فى سواد عيونكم ……… هذا وهم …. صحى النوم
نحن فى الانتظار ، الصبر طيب ما تستعجل …. الامور .
ومين قال ليك فى عرى او صلات بين الشمال والجنوب حتى تتقطع …..، من هؤلاء الذين لهم صلات فى الجنوب … والعاجبهم ايه فى الجنوب (انت الجنوبى بلدك مش عاجباك ….. ومش راضى حتى عن نفسك ) الارض موجودة والمياه موجوده والمعادن موجوده والبترول موجود فى الوسط والشمال والشرق .
قال جنوب قال……..
الحركة ترفض في حال الانفصال 00000حتى عنوان الكلام مستفز اصلو بعد الانفصال الداير معاكم كلام ولا تفاهم منو ؟ انتو معانا ما ريحتونا بعد تمشوا في ستين داهية العايزكم منو تاني ؟ في ستين داهية انتو وجنوبكم الماخرنا ده
كلمة الانفصال مافي غيرها / والله نتمنى ان يكون وطن واحد وشعب واحد وان اي مواطن ياخد حقوقة كمواطن سوداني حيث لا ظلم ولا اطهاد