إجراءات جنائية ضد نقد لإتهامه بالمجاهرة بالمعصية

السلام عليكم
ليس دفاعا عن نقد ولكن حقيقة لابد ان تطفو
لصيادي المياه العكرة اهديهم مبيد الهطرقات والسذاجة والبلاهة واقول لهم ان نقد يصلي فهو كان يؤم الصادق المهدي وبقيةالمعارضة داخل السجن وحتى يوم تقديم البرنامج قد صلى المغرب داخل الاستديو قبل ان يصعد الى المنبر اجابة الاستاذ نقد على ذلك الصحفي الغبي والذي يدعي انه مرشح (هذا هو مستوى مرشحينا من الفهم) قال له انه حاليا لا يصلي اي هو على المنبر يتكلم ولا يصلي اجابة اراد بها سفه وزجر والتبشيع بذلك المسترشح … وهذه شهادة اسال منها يوم القيامة منقولة من اناس يختلفون سياسيا مع نقد .

يااخونا السؤال ما كان في محلو يعني واحد رئيس جزب بيطرح في رنامجو الانتخابي يجي واحد متخلف يقول ليه انت بتصلي؟ هو اساسا كان عايز يصل للحتة بتاعت انو مايقول ليه كده وحتى لو قاليهو بصلي ما كان حيصدق فهو كان داير يصل للحتة دي
بعدين يصلي مايصلي دي مشكلتو وزي ما قال الاخ علاقة بين الخالق والمخلوق
انحنا البهمنا والبهم الشعب السوداني ما دا البهمو البرنامج الانتخابي

وانا بشوف نقد مفروض يقول اجاب احسن من دي غير مستفزة

يعني يقول ليهو انا بصلي وبصوم واي حاجة ويركز علي الجانب الاشتراكي

اكمن السودانيين فكرهم ضيق مما يقول الزول دا شيوعي يطلعوه كافر و ملحد

وهل هو الوحيد الذى لا يصلى؟ اتقوا الله

يااخونا الضرب على الميت حرام ولا شنو

كويس انك اعترفت .. وربنا اهديك .. لكن المصيبة انت رجل فى خريف العمر وعايز تبقى رئيس ومابتصلى عايز تحكمنا كيف ..؟؟ وهل تطمأن لطاعتنا اليك . واللة يااخ نقد انا لو فى محلك وفى هذا العمر الم احفادى جمبى وارجى يومى وانا وسطهم وتراجع نفسك طوال تاريخك وتطلب من اللة ان يهديك للصلاة .. دة كل المطلوب منك وكان اللة فى عونك …

يانقد انشاء الله بالصلعة المقابلة خط الأستواء :confused: :confused: :confused: :confused: :confused: :confused: :confused: :confused: :confused:

ويالشعب السوداني الله يعينكم فقط أرفعو ايديكم لله الواحد القهار;) 😉 😉 😉

وكل المرشحين دون استثناء ماعندهم وطنية

رجل جاهل ومتخلف ولابس الاسلام غلط والله يرفع عننا أمثال هؤلاء الذين اصبحوا يتحدثون في السياسية لقد ابتليت البلاد بأنصاف واشكال غريبة اصبحت تقحم نفسها بشكل بدوي ومتخلف وفي كل شيء من غير علم وفي حماقة وسخف يعني ماذا يريد من نقد أن يثبت للمحكمة أنه لا يصلي وهناك الكثير من أهل السودان لا يصلون وهم مسلمون وكبار في السن ماذا يريد هذا الاهوج الجاهل أن يقحم السودان ويشوش على سمعة السودان ماذا يعرف الناس والعالم الذي يتابع هذه الانتخابات بأن مواطن مغمور رفعا بلاغ ضد رجل سياسي بعمره وله من الخبرة السياسية والحنكة ما يفوق الكثير من السياسيين في السودان بهذه الجهل يعامل والبداوى والتخلف يعامل رموز السياسة في السودان فهذا زمانك يا ماهزل فمرحي .. كما أن السؤال سؤال يدل على ان الرجل جديد في الاسلام أو اراد أن يجعل من نفسه شخصية .. وبشر الصابرين

الفي بطنوا حركص براه بيرقص كل اصحاب الردود راجعوا عقيدتكم كيف تبيحوا لتارك الصلاة وفي عمر مثل نقد — ويا ود المامون عيب كثرت الشمار تقول حاج نقد من وين الحاج هو ما عنده علاقه بالله ولا صله كيف يحج — الشيء الاخر عندما تقول هذا خصوصي ومحرج طيب انت بتخجل وبتتحرج من البشر وكيف مع الله بعدين — من حق اي مواطن سوداني يعرف اخلاق كل مرشح ويعرفه على حقيقته ومن تريد تحكم وتخجل من سمعتك زي العريس المتقدم لبنتك هذا مصير شعب وبلد واجيال هؤلاء يريدون خراب الشباب — والله زول ما ماشي لله عديل ضعيف خالص وهذا اقرب مثل كل الشيوعيين حتى كبارهم بالوا عديل ربنا هو الناصر

الفتنة نائمة لعن الله من – (أتي من بلاد الهند)- أيقظها

يا خي قولووووووووووو قال انو هو ما مسلم عديل خلي ما بصلي اها اخونا المسي نفسو من الحسنيين ده ورافع شكوه في نقد هو زاتووو طلالتوووو شنوووووو ودخلوووو شنووووو انت ربوووووو يا خي ما تخايك في حالك الله اسلط عليك مصايب الدنيا والاخره يارب

ما بعد الكفر ذنب هو شيوعى ومعروفه العقيده الشيوعيه لو صلى ولاماصلى واحد:mad:

نسأل الله العافية . . والله الإنقاز غلطانة وستين غلطانة . . ! ماكان في داعي نسمع جنس الكلام دا والله حاجة تخجل . . ! حقو البهدلة دي تقيف لحد هنا وتتلغي الإنتخابات ويوفرو القروش دي في حاجة يستفيد منها الشعب . قال مابصلي !! صحي الإختشو ماتو !! وأقول للبدافعو عنو . . كلامكم يخجل ! ربنا يهديكم

تعليقات كثيرة فى الفاضى والمليان معليش ياجماعة انحنا يفترض نكون موضوعيين شوية ونبعد عن الفارغة المابتودى لى قدام …. ودى السبب فى رجعة السودان لى وراء مع انو اول دولة نالت استقلالها …. بالنظر الى حالنا اليوم …..
أولا بالنسبة للبرامج انا ما حضرته … وبى قراية التعليقات اذا كان نقد رد انا الان لااصلى فربما تحليلا لان السؤال استفزازى ….. يوكد شيئين ان السأل راسو فاضى رغم انوصحفى زى ما عرفته …. وان ادارة البرنامج سفسطائية وانصرافية وغير موضوعية وبتاعة اثارة لافائدة منها … لان السائل لايعرف عن ايدلوجية فكر الحزب الشيوعى وكان يمكن ان يسأل اسئلة مبنية على الفكر والايدلوجية ويقارن بين طرح الحزب فى انتخابات العام 86 وطرح الحزب الان وماذا تغير فيه وهل تغيرت الايدلوجية الفكرية بعد البروسترويكا وغورباتشوف وانهيار الفكر فى بلد المنشاء والدول الشرق اوربيه واثبت عدم جدواه وصعوبة تطبيقة فى ارض الواقع وهذا لايعنى بالضرورة نجاح الفكر الراسمالى النقيض للاشتراكية الشيوعية لانهما فى الاساس افكار علمانية ونظريات لمفكرين لاينتمون للاسلام بصله وافكار من صنيعة البشر انفسهم . واذا كان محمد ابراهيم واتباع الحزب الشيوعى مسلمين ويحجون ويصومون باعتقاد وايمان وتبعية للاسلام لاتقليد ا وعرفا للمجتمع نقول لهم ان اى دعوة لاتقوم على لا اله الا الله باطله اى مبنية على اساس الشريعة الاسلاميه فى السعى الى اقامة العدل وتطبيق الشريع الاسلامية و واشاعة مبدا الملكية الخاصة وحق الانسان فى التملك والاغتناء وامر الاغنياء بدفع الزكاة والمساهمة فى اعمال التكافل والتراحم والتعاون والقضاء على الفقر لاعلى النقيض من فكر الشيوعية والتى فى الاساس تقوم على مبد ينافى العقيدة والشريعة الاسلامية وعلى الذين لايعرفون الحزب الشيوعى ان يقرأو كتب مفكريه ماركس ولينين ومنظريه … ومن هذا .يتبيين للمتعلمين والعامه ان الايدلوجيه اثبتت انها لاتتناسب ودولة السودان وعموم الدول الاسلامية لانها تتناقض مع مبادى الاسلام والحنيفية وبالرجوع الى السياسة فأن الفكر لاينفصل عن الممارسة فى حال فاز الحزب الشيوعى لاقدر الله … ونتذكر احداث مايو الاولى وناس بابكر النور ومحجوب وهاشم العطا وغيرهم وقصرالضيافة وتلك الاحداث …….. اما اذا تغيرت الايدلوجية الفكرية لقادة الحزب الشيوعى فى السودان و الذى غاب عن الساحة زهاء ال30عاما وجمد نشاطه ولم يساهم فى الحراك السياسى ومساعدة اهل السودان فى القضاء على الفقر والتدافع لكبح جماح الموتمر الوطنى وبناء معارضة قوية كان يمكن ان يكسب فيها الجماهير التى ضاقت بالموتمر الوطنى زرعا فظن السودانيين وفاة الحزب الشيوعى وتم دفنه سرا ولم تعلن وفاته على الملاء بموت الاب الاكبر بالبروسترويكا ولكنه ظهر علينا فجاة من رحم الغيب وبرزخ الموت …. فكان عليه خلع جلباب الاسم الشيوعى ما دام انه مولود جديد لحياة جديدة بأ باء قدام ، لان الاسم مرتبط بالنظرية الشيوعية العالمية المعروفة وعلية طرح افكاره الجديدة و مافى الجعبة من افكار لحل ازمات السودان السياسية … واذا كان فكر الحزب هو نفسه ذاك القديم الذى مات قبر قبل 30عام فسيعاد دفنه بعد تشريحه وتأكيد موته الطبيعى تبعا لحركة الحياة والموت السياسية فى السودان كما فشلت كافة الاحزاب السياسية وماتت موتها الطبيعى زى ناس الامة والاتحادى الذين يرتكزون الى امجاد ابائهم , كم حزنت لما قاله بن عم الصادق ان جده من اسس السودان وان جده وابائه فعلوا كذا كذا كذا حق له ان يفخر فالسودانيون محتفظون لهم بالحق ويمجدونهم والتاريخ يحترمهم ويزكرهم الاجيال ولكن التاريخ لن يرحم مبارك الفاضل وينسى له فرحه ومباركة ضرب امريكيا لأاكبر مصنع للادوية فى افريقيا والشرق الاوسط وكان على مبارك المهدى ان لا يرتكز الى بنائهم حتى لاينهار وكان علية فعل ان يضع لبنه فوق البناء فليس الفتى من يقول كان ابى ان الفتى من يقول ها انذا …. اليس كذلك يامبارك الفاضل وماتت الاحزاب المبنية على الاشخاص بموت مفكريها مثل الشيوعى والناصريين والبعثيين وهلم جرة ولانها محكوم عليها بالفنا واخيرا فشل فشلا زريعا من يلبس جلباب الاسلام ويدعى تطبيقه وحماية شريعته ناس المؤتمر الوطنى وهم يتخذونه مطيه لاطماعهم الاقتصادية …. ففشلت كل الانماط والاحزاب القديمة وسقطط كل النظريات البشرية وسقط كل يحمل شعارا لاينتمى ولايمت له بصله فى السودان وخاسر من مشى فى قديم أحزاب السودان غير المتجدده وفائز من جاء بالتجديد فى شعارت وبرامج ودعوات مقتنع بها ابتداء ومطبها على نفسه ثانيا تتناسب وواقع الحياة السياسية والاجتماعية والاقتصادية والسياسة الدولية ويسعى جاهدا لتطبيقها على ارض الواقع وصادق فى الممارسه على ارض الواقع عملا يخبر فعله عن اعتقاده و تنزيل شريعة الله و تطبيقها عدلا وقسطا بين الناس مستصحبا معه كل السودانيين دون عزل لاحد او انقاص لحق أوكبت لاخر والاسلام لاتنفصل عبادا ته وشرائعه عن الممارسة فى ارض الواقع و حياة الناس نريد من يخبر الناس ويؤكد لهم ان الرسول كان بشرا و كان يأكل الطعام و كان يمشى ويمشى فى الاسواق وينام على الحصير ،،،،، ,أنه ليس ملكا وكذلك خلفائه واصحابه رضى الله عنهم وارضاهم .