الحركة الشعبية تخرج أبوعركي من عزلته .. والفنان يشارك في حملة عرمان
نجحت الحركة الشعبية في كسر حالة العزلة التي فرضها الفنان ابو عركي البخيت ومقاطعته المنابر الاعلامية والثقافية منذ مجئ الانقاذ ، واستطاعت الحركة إقناع الفنان بالمشاركة في الكرنفال الجماهيري الذي نظمته المبادرة الشعبية لدعم مرشح الحركة الشعبية لرئاسة الجمهورية ياسر عرمان بالساحة الشعبية بالديوم الشرقية يوم أمس الاول . وقدم ابو عركي البخيت عملين جديدين أحدهما يدعو للثورة والتحرير حمل اسم (تعالوا نغني) من أشعار وألحان الفنان ، الي جانب تقديمه لعدد من أعماله القديمة . وأكد عركي في حديث مقتضب للجمهور سعادته بالمشاركة في الاحتفال الذي يدعو للأمل والتغيير في إشارة لدعم الفنان للحملة الانتخابية لمرشح الحركة الشعبية برئاسة الجمهورية . وتفاعل الجمهور بشكل لافت مع أغنية (تعالوا نغني) التي يدعو فيها الفنان قادة الأحزاب الي التواضع لحل مشكلات البلاد ومستقبلها بإحداث التحول عبر الديمقراطية ومحاكمة كل من تسبب في أزمات الشعب وويلاته . وشهدت بعض مقاطع الأغنية حالات من التعبير الهستيري من الجمهور خاصة في المقطع الذي يقول : تعالوا نفكر أيه البحصل في السودان .. الجوع .. المرض..الخوف..الشك .. عدم إطمئنان..هد الإنسان . تعالوا نشوف من وين بتجينا مشاكلنا ومنو البيعطل حركة شعبنا بالزندية ونجيبو نحاكمو.. بعدالة وديمقراطية .. دم أجدادنا بحرض فينا على الحرية .. وبيذكرنا عشان ما نحافظ على وحدتنا الوطنية .وخلفت مشاركة ابوعركي في الكرنفال أصداءا واسعة من خلال التفاعل والتجاوب الجماهيري اللافت لمشاركة الفنان. وشهدت الليلة مشاركة الفنانة رشا شيخ الدين المقيمة بأسبانيا بوصلة غنائية مع مشاركة الفنان هشام كمال .وبحسب صحيفة فنون يذكر ان الفنان ابوعركي البخيت ظل مقاطعاً للاعلام والفعاليات الثقافية والسياسية لأكثر من عشرين عاماً ويعد ظهوره في كرنفال الامل والتغيير هو الاول من نوعه طيلة عهد الإنقاذ.
سبحان الله الطيور علي أشكالها تقع أخرجوه من العزلة هي كل أغانيه أغنيتن كان خلوه في عزلته يمكن يطلع ليه مجموعة أغاني
إن شاء الله بعد ظهور الانتخابات نسأل الله أن يخرس صوته إلى عشرين أخرى.. هو احنا ناقصين فنانين وفنانات. أو سفهاء وسفيهات… أصلا مائدة عرمان لا يجلس فيها إلا أمثاله… أما الفنانيين الحقيقيين والملتزمين والوطنيين تجدهم في احتفالات هذا الشعب الوطنية.
سبحان الله ذي كأنو حاجة كويسة يطلع من عزلتو ,, لو كان خلوهو كان احسن ليهو يقعد مع اهلوا واولادو ,, زي الطلعوا من النار عشان يدخل الجنة .. ولله في خلقة شؤؤؤؤؤؤؤؤن
ما لقيت واحد شايل ليهوا شريط ل ابو عركى ولا لقيت لى واحد بيقلد فى غناهوا لأنو بيغنى بى نخرتوا . رغم وجود عدد كبير من الفنانين الشباب البيقلدوا الفنانين الكبار _ لما نقول الكبار نقصد ناس ابو اللمين و وردى وعثمان حسين.لكن مافى واحد بقلدوا.
لكن زى ما قال اخونا ابو احمد وانااضيف عليهوا ( اتلم التعيس على خايب الرجا).
و الله انا ما عندى اى حزب ولغاية هسه ما عندى مرشح معين , لكن لو بقى ياسر عرمان دة هو المرشح الوحيد فى السودان ما بديهوا صوتى.
قال ابو عركى غناهوا يدعوا للثورة والتحرير – الثورة ضد منوا والتحرير من شنوا .
هو بيرى انوا لو بقى عرمان رئيس سوف نتحرر من الجوع والعطش وبنحقق الديمقراطية والحرية, بالله !
تعيش كتير تشوف كتير
أول مرة أسمع فنان أسمه أبو عركي
قبل فترة صلاح قوش اخرج السيد نقد من حفرته واليوم ياسر عرمان اخرج ابو عركى من عزلته.
يا ناس ما تخلوهم بعيدين مننا – ما فيهم فايدة.
الفنان أبو عركي صائم كل هذه السنين ولما يفطر يفطر على بصله .. ما كان تصوم الدهر أحسن ليك .. إنت ما شايف التفاح والعنب تمشي للبصل
اى زول اقيف مع الحكومة دى لاقى منفعة لكن والله لو كان عانى وعذب وشرد ما اعاين للبشير او غيرو استحو يا ناس العالم بتقدم والبشير بقول نختهم تحت الجزمة دا رئيس ولا لاعب كورة
ده الفنان البغني اهدتاء برتقالة ولا واحد غيره ؟ يا خوي ما كان اخير ليك تكون في جحرك ال كنت في .
يا جماعة الزول دا كان لسه عايش ؟
والله لو كان سبب اختفائه هي حكومة الانقاذ فالافضل ان يكون مختبىء الى الابد لان الانقاذ لم تأتي الا ليختبيء امثاله من دعاة الفجور والسفور الخمارات
صمت دهراً ………………….
طبعاً درجة من الافلاس بالنسبة للحركة الشعبية..ايهما اولي الحملة في الشمال و استغلال الفنانين و غيرهم؟ ام الجنوبيين الجات علي ضهورهم..و ناس الحركة لانهم من شاكلة عرمان فما دون يعتقدون وهما ان الجنوب منطقة مقفولة لهم..ويتهربون من مشاهدة فيديو زيارة البشير لمدن و قري و ادغال الجنوب و التي لم يراها سلفاكير نفسه من قبل دعك من الشفقان الساذج عرمان
خرج من حفرة ودخل حفرة جديدة عمرها 40 سنة:lool: :lool: :lool: :lool: :lool: :lool: :lool:
قبل ايام باقرا انو ابن هذا الابو عركي واسمه محمد يدرس في اكبر الجامعات الامريكية ولكن ويا للخيبة قال بيقرا ايه بيقرا موسيقى!!!!!!!!!! والله مصيبة
تحياتى للفنان القامة أبو عركى البخيت . هل هى الديمقراطية هكذا وهل كل من خالفك الرأى والتوجهات يشن عليه حرب تسعمل فيها الادوات المشروعة والغير
مشروعة . نعم أبوعركى فنان لأشك فى ذلك وعندما نتقده يجب أن لا نتطرق
لأبنه أو عائلته . أتركوا الاسفاف والانحضاض الاخلاقى . يجب أن الرأى والرأى
الآخر .
لقد أبدع أبوعركى فى ملحمة أكتوبر وغيرها وسوف يبقى فنه خالدا بغض النظر
أنه شارك الحركة الشعبية فى أحد ليالها . الحركة تشارك فى الحكم الراهن رغم
أنف الذين يدعون بأنهم أسلاميين وأصحاب ذقون طويلة وجاهدوا وتركوا الجهاد
فى سبيل أن يحكموا الشعب السودانى المسكين .
ويكفى مقولة الأديب الكبير الطيب صالح ( من أين أتيت لنا بهولاء ) وهولاء نكرة
مهما تشدقت أفواهم بالكذب المخيف ونعت أعلام النجوم الساطعة بالغث والبزاءة
الشكر لك يا عركى فأنت زهرة يتنفسها العشاق وأنت شمعة فى هذه الظلمة
التى زرعها هولاء الموترين وخفافيش الانقاذ.
,والله انا ماشفت تعصب وغسيل مخ زي الشايفو في الجماعة البيكتبو فوق ديل
زول واحد ناقش الموضوع بعقلانية ماف
طبعا حايجيبوهو من وين ديل
ما انتاج الانقاذ صاحبة انصاف وارباع المتعلمين المملؤين كلاما لايدرون عت كهنه شي
الله يكون في عونك يا سودان
سبحان الزي يغير الافكار من المشروع الحضاري الي مشروع الفنان فرفور انتو فرفور غني لي منو حلال علي الموتمر البطني وحرام علي الحركه الشعبيه
يااخوانى كل الناس فى السودان اخذ حقوقهم تقريبا ماعدا نحن لو عايزين تعرفوا من
نحن ارجعوا لاسمى الحركى ولكن سكوتنا ده قالوا الحاكمين السودان ناس الشمالية
وانا اقول لكل شخص لايعرف الشمالية لكى يذهب ويشوف نحن عايشين كيف .
المهم ومع كل هذا وانا شخصيا اشوف حكومة البشير احسن حكومة مرت فى السودان .
والفنان ابوعركى مينك يازول انا كنت مفتكر انك كنت ساكن مع نقد والمهم يافناننا
خليك مواظب فى صلاتك .