كوش نيوز .. أخبار السودان بين يديك

جهاز المغتربين: جهات حكومية تتخفي وراءنا


شارك الموضوع :

أقر جهاز شؤون السودانيين العاملين بالخارج بجملة من المصاعب والمعوقات التي تجابه المغتربين المسافرين عبر البحر، مؤكدا أن جهات حكومية عديدة تتخفي وراءه وتفرض رسوما على المغتربين، في وقت قال فيه إن المغتربين يُعتبرون داعماً رئيسياً للإقتصاد الوطني وأن تحويلاتهم الخاصة لأسرهم تفوق البليون جنيه سنوياً وهي ثاني مورد بعد النفط في الاقتصاد الوطني.
وكشف الأمين العام لشؤون المغتربين د. كرار محمد الحاج التهامي في مؤتمر صحفي ببورتسودان أمس عن تنسيق مع الجهات ذات الصلة لتبسيط الإجراءات إنفاذاً وإلتزاماً بتنفيذ البرنامج الانتخابي لمرشح المؤتمر الوطني لرئاسة الجمهورية المشير عمر البشير حول تسهيل إجراءات المغتربين، مؤكدا عزم الجهاز على مواكبة الجهد التنموي الكبير الذي بُذل خلال الأعوام الأخيرة ببورتسودان، مضيفا انهم افتتحوا صالة حديثة تستوعب خمسين شخصاً في الساعة الواحدة وتمكنوا من تحديث الإجراءات الهجرية وتوحيد نوافذ تحصيل الإلتزامات المالية والرسوم. وأوضح أن المغتربين يُعتبرون داعماً رئيسياً للاقتصاد الوطني وأن تحويلاتهم الخاصة لأسرهم تفوق البليون جنيه سنوياً وهي ثاني مورد بعد النفط في الإقتصاد الوطني، ومحرك رئيسي للأسواق المحلية. وأضاف “موسم عودة المغتربين الشهر المقبل سيشهد إمتيازات وتسهيلات غير مسبوقة”، وكشف عن موافقة المدير العام لشرطة الجمارك على منح إعفاءات لأمتعة المغتربين عند العودة الجزئية مرة واحدة وموافقة إدارة الجمارك على منح إعفاء جمركي لأمتعة أسرة المغترب حال وفاته بالخارج، مشيرا الى وجود تفويض لإدارة فرع الجهاز ببورتسودان بإكمال إجراءات تخليص أمتعة المغتربين القادمين عبر البحر.
وشدد التهامي على تمكنهم من إيقاف الضرائب والجبايات والرسوم على المغتربين. وأضاف “80% من المغتربين لا يدفعون أية رسوم، وأن الجهاز يتحصل ضرائب على الفئات من التخصصات المهنية الرفيعة كالأطباء والمهندسين في حدود الـ 100 دولار في العام، مؤكداً وجود مساع لإلغائها مستقبلاً، مبيناً أن جهات حكومية عديدة تتخفي وراء جهاز المغتربين وتفرض رسوما على المغتربين، واوضح أن الجهاز سيوقف كافة أشكال استنزاف جيوب المغتربين، وإنتقد أداء ومظهر صالة الركاب بميناء الأمير عثمان دقنة بسواكن ووصفها بأنها تشبه مباني زمن العصور الوسطى من حيث التجهيز والإعداد ولا ترقى لمستوى صالات القدوم في الموانئ العالمية، مطالبا بتأهيلها حتى تكون واجهة مشرفة للبلاد، لجهة أن دبلوماسيين ومسئولين وسواح يمرون بالقاعة مما يخلف إنطباعاً سيئاً لديهم عن السودان، معلنا عن إنشاء صندوق لرعاية المغتربين إنفاذاً لتوجيهات رئيس الجمهورية ويجري العمل في دراساته لتذليل العقبات التي تواجه المغتربين.

صحيفة السوداني

شارك الموضوع :

9 التعليقات

إنتقل إلى نموذج التعليقات

      1. 1

        يعنى بعد نموت يجى الاعفاء وما الفائدة من الاعفاء هل هو للاولاد والزوجة والما متزوج وقاعد يعول فى اهله طول مدة اغترابه او متزوج وليس له اولاد ما يتمتع بالاعفاء والعودة الجزئية دى كيف يعنى مجرد سؤال

        الرد
      2. 2

        بسم الله الرحمن الرحيم

        والله العظيم عملية المعاملة سيئة جدا جدا 0

        اولا تدفع 300 ريال او لاتخلص 00

        ثانيا اجراءات ركيكه وغير منظمة والله انا جالس من الساعة الثالثه خلصة

        نفتيش من الثالثه عصر والله حرجت الساعة 12 منتصف الليل 0

        قبل خروجك من الميناء لازم تمر على المرور عشان يشوف التظليل والله

        اخدنا ساعة 00

        والاسوء كمان شئ جديد اسمه معفب والله واقف معقب مع معنرب

        المعقب يقول ندفع لى 400الف والمغترب يحنس فيه خليم 300الف00

        وفى الطريق اول بوابة وانت خارج من الولاية قال تدفع 15الف

        عندما قلت له البشير الرئس يمنع دفع الجباية يقول لى بشير شنو

        ده كلام وكان معاى واحد واتمنى من البشير ان يقابلى عشان اوكد

        المهم حتى احترام للحاكم مافى 000

        وطـــــــــــــــــــــــــــــــــــــــــــــــــنى00

        الرد
      3. 3

        ياجماعة الخير ارحمونا وسهل لينا الامور لانو دا وطننا ونحن حانمشي وين عشان كدة سهلوا لينا الاجراءات وبالاخص الجمارك لانو الواحد لوعايز يجي نهائي واجيب لية سيارة يتخوف من الجمارك لانو الجمارك شي مبالق فية انو الواحد يدفع الجمارك قدر سعر السيارة وغير المصاريف الاخري ياجماعة ارحموا المغترب لاننا نحن في الغربة عانينا خلاص بس انتو سهل لينا عملية الجمارك عشان الواحد يجي نهائي .

        الرد
      4. 4

        بس الله الرحمن الرحي {وقل إعملوا فسيرالله عملكم والمؤمنين}
        نرجوا تطبيق كُل مايُقال في أرض الواقع وأن تتقي الله الجهات
        ذات العلاقه في المُغترب وليكن في علم الجميع من أخوانا المُغتربين
        المظلومين أن الله يُمهل الظالم ثم يأخذه أخذ عزيز مُقتدرفنشكوا
        مظالمنا لله وحده ونستعين به على كُل ظالم داخل الحدود أوخارج
        الوطن والله المستعان وعليه توكلنا وإليه المصير

        الرد
      5. 5

        عيش ياحمار ( وافهموها )

        الرد
      6. 6

        :lool: :lool: :lool: الموضوع طويل وكله معاناة ….. يعنى كان واحد سافر السودان ورجع … بيحكى ليك عن ويلات تمنعك حتى على ان تفكر بقضاء الاجازة بالسودان (تدفع من لحظة وصولك حتى مغادرتك) حسب معلوماتى المسئولين ما مقصرين والنظام موجود فقط التنفيذ غير موجود على ارض الواقع ….من المسئول ؟؟؟ ونشتكى لمين ؟؟ افيدونا … والتقرير اعلاه ذكر بوضوح (إن المغتربين يُعتبرون داعماً رئيسياً للإقتصاد الوطني وأن تحويلاتهم الخاصة لأسرهم تفوق البليون جنيه سنوياً وهي ثاني مورد بعد النفط في الاقتصاد الوطني ومحرك رئيسي للأسواق المحلية) اذن لا بد من انهاء المعاناة بكل ما تحمل من معانى وان يتم العمل على ان تكون الاجازة فى السودان لكل من يتمنى ذلك …. نتمنى نتمنى نتمى إيقاف الضرائب والجبايات والرسوم طالما ان التحويلات تعتبر ثاني مورد بعد النفط في الاقتصاد ….

        الرد
      7. 7

        يا ابوعمر…. العوده الجزئيه يعنى تودى الاولاد والعفش تعمل اعفاء .. وبعداك تجى انت راجع تقعد براك وتسكت ترسل فى المصاريف .. دا فهم اولى… فهم تانى تمشى السودان تقول لى ناس المغتربين انا ماراجع تانى 000 يدوك اعفاء جزئى 0000 تقوم تخلص عفشك 00 وتانى تجى صاد00 غايتو جنس حيكومه000 مادايرين عفش 00 شوفولنا موضوع العرييه 00عشان نتفك من الكفيل وعزابو0000

        الرد
      8. 8

        نعتز نحن المغتربون بأننا بترول أهل الشرق.. اذا اعرضنا عن السفر ببورسودان سيموتون جوعاً وهؤلاء العمال يعملون على حساب كبار الضباط ولدي أدله ثابته..

        الرد
      9. 9

        دا ضحك على الدقون انتو فى وادى وناس سواكن فى وادى ياراجل قرارات البشير دى حبر
        على ورق وهذه مجرد دعايات سياسية والناس ديل الكذب والنفاق بقى شىء عادى بالنسبة
        ليهم اذكر يحكى لنا اخونا عائد من ليبيا اثناء بعد الكشات والمشاكل الكانت ضد السودانيين
        بليبيا وتم ترحيلهم قسرا وبصورة مذلة ومهينة واستعطافا مع هؤلاء الغلابة اصدر الرئيس قرارا
        باعفائهم وامتعتهم من اى رسوم او جمارك وعندما جاءوا فى التفتيش وقفوهم صفوف والزموهم
        بتفتيش عفش والجمارك واحد من العائدين قال لبتاع الجمارك ياخى الرئيس اصدر قرار باعفائنا
        من الجمارك مراعاة للظروف التى عدنا فيها ورد عليه بكل افتراء (شوف اخينا لو البشير ذاتو
        معاكم هنا بنجمركوا) بلله ماذا تقول بعد ذلك 0 0 وتقول لى ابشير قال الله يرحمك ياأب عاج
        الفحل والله القرار البقولوا
        مافى راجل بكسروا كان عسكرى والله ملكى يئسنا وانخدعنا فى كذا قرار وقرار وهاك ياولد

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس