سياسية
مصادر خاصة ترجح لقاء بين وفد سوداني رفيع وعبدالواحد محمد نور في باريس
يتوقع خلال ال 48 ساعة القادمة عقد أول لقاء مباشر بين الحكومة السودانية وعبدالواحد محمد نور زعيم حركة تحرير السودان في العاصمة الفرنسية باريس التي يصلها وفد حكومي رفيع بقيادة علي عثمان محمد طه نائب رئيس الجمهورية للمشاركة في القمة الفرنسية الافريقية.
ووفقاً لمصادر خاصة فضلت عدم الكشف عن نفسها فإن مفاوضات غير مباشرة اسهمت فيها دولة جارة مهدت للقاء الذي لم تحدد أجندته بصورة قاطعة، لكن مصادرنا تتوقع أن تتجه بوصلة المحادثات مع عبدالواحد نحو حثه للحاق بمفاوضات الدوحة وفق شروط خاصة.
عثمان ميرغني
صحيفة التيار
يا عثمان ميرغني اخبارك دايما غير صادقة .. وتتعجل في نقل الخبر..
خلي التيار بتاعتك دي يكون عندها مصداقية .. قبل ذلك قلت علي عثمان لن يعين نائبا للرئيس وسيكون وزير لمجلس الوزراء.. كله تخمين لا اساس له..
بسم الله الرحمن الرحيم
عبدالواحد هذا الرجل لا اتمنى ان يكون معه سلام هذا الرجل
ذهب الى اسرائل ونحن جوازنا مكتوب عليه كل الاقطار عاد اسرائل
اتمنى ان لايحصل معه اى سلام هذا الرجل هو سبب تحرك محكمة
الجنايات وهم اخدوا شهود رجال وحريم وشهدوا ضد السودان وضد البشير
والله نور لايستطيع اوغيره لا يستطيع ان يفعل شئ 00
ياحكومة شكرا لكم حنى هنا الناس ديل خلاص انتهوا 00
وطنـــــــــــــــــــــــــــــــــــــــــــى00
آخ يابلد …….. مافيك وجيع
بالله تودهو وين الوهم ده ….. وعايزين بيه شنو …..
ابناء دارفور لفظوه وتبرأوا منه …..
بعد اسرائيل والسفارة الاسرائيلية القال داير يفتحها فى دارفور اول مايستلم الحكم فى الخرطوم …. بالله شوف الموهوم ده ….. والله شيطانك زاتو عوير ووهم زيك … ومابعرف تاريخ ولا جغرافية ……..
يقابلوا ويقولوا زعيم كمان …..
الا يكونوا ناس الموتمر دايرين يضربوا بيه خليل الاثنين عورة عوارة …… وموهومين …….
وبلوة دارفور ومصيبتها الكبيرة انوا خلفاء مملكة كيرا الكبرى اكبر مملكة فى التاريخ القديم فى دارفور وخلفاء ولسلطان على دينار الذى كان يكسو الكعبة المشرفة ….. مشكلتها فى الزعماء الكتيرين ديل وكلهم جبب فاضية ….. ومافيهم فايدة …… ولايدرون انهم لايدرون شى عن الدنيا والحياة ….. وعاملين زعما ْ وصحيح النار تلد الهبوت …( الرماد .)………………….
والمشكلة فى الحكومة البتعاملهم على انهم زعماء وفيهم رجاء ….. تقابلولهم وتديهم وجه واعلام ووووو وتكبر ليهم راسهم الكبير وفاضى ده …….
آخ يابلد ……
لاحولا ولا قوة الا بالله …….
رباه انا قد غلبنا فانتصر
عبدالواحد لايريد سلام ولا مفاوضات ولما يفاوض ويكون هنالك سلام عارف نفسه سوف يكون فى الاحتياطى وبكون دفن نفسه وهو الان طالع فى الكفر والناس عرفوه وعائش فى فنادق خمسه نجوم فلاتنتظرون منه خير ابدا مادام موافق لاسرائيل وسوف يفتح سفاره لها فى الخرطوم ومن الاحسن ان تتجاهلوه لانه لاخيرا منه ولا دخان يعمر
:lool: الشكر والتقدير الى الاخواء المناضلين
الاخ عبدالواحد محمدالنور والاخ خليل ابراهيم وربنا ينصركم من المجرم البشير والحكومة الموتمر الوطنى