الصحة تقرر إيقاف الأطباء المتغيبين عن العمل
قررت وزارة الصحة بولاية الخرطوم ايقاف أي طبيب يتغيب عن العمل في الحوادث عن الخدمة ابتداء من غد الاحد، واعلنت عن قيامها بإيجاد بدائل لتغطية العجز بالحوادث والمؤسسات الطبية والعلاجية الذي خلفه الاضراب الذي نفذه عدد من الاطباء. وقال المدير العام للوزارة د. طلال المهدي في مؤتمر صحفي امس إن الوزارة استجابت فورا لقرار رئيس الجمهورية وقامت بتطبيق الزيادة في المرتبات والعلاوات، وإنه ابتداءً من الأول من يونيو تم إنزال المبالغ المطلوبة للمستشفيات وصرف عدد من الأطباء المبالغ المستحقة، داعيا الأطباء لمباشرة اعمالهم بالحوادث خاصة وانها تستقبل الحالات الخطرة من داخل وخارج الولاية التزاما منهم بأخلاقيات المهنة ووفاءً لقسم الطبيب بالنظر الى أن حياة المواطن اهم وأكبر من اي مسألة مالية.
يشار الى أن ولاية الخرطوم بها حالياً 30 مستشفي و160 مركزا صحيا يعمل فيها 170 اختصاصيا و340 من نواب الاختصاصيين و972 من أطباء الامتياز و400 من الاطباء العموميين و185 من الأطباء بالمراكز الصحية.
صحيفة السوداني
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الكلام ساهل بس تنفيذه كيف اى مشكلة يقولوا سياسية مع ان مطالب الاطباء عادية والاخ في التعليق البقول دكاترة السجم ليه العبارات الغير لائقة نعبر عن راينا بصورة ارقي من كدة لكن نعمل شنو العلم نور
عاوز يفصل دكاتره البلد كلهم وبعد داك حيعمل شنو يعني؟؟!!!!!واللهي يفصلم كلهم يمشو الخليج ويشتغلو فل الفل زي الترتيب اصلا في نقص خرافي في الاطباء وبدوهم اضعاف الرواتب البياخدوها في السودان….بلد تحير واللهي:mad: 😡 😡 😡
والله يا د. طلال الا تجيبوا ليكم بنقاله:D
والله ده احسن واسلم قرار تستاهلوا يا اطباء السجم انتو وانتو صراحة بلا شك معااااارضة وعايزين تخلقوا اسباب من مافي لتخريب وتعطيل مسيرة حكومة البشير ، عملتوها قبل كده في وقت غير مناسب وفي لحظة الانتخابات والرئيس ما قصر لب ليكم طلباتكم وتاني جيتو عايزين تولعوها من جديد ؟؟؟
احي القرار و كان مفروض الدولة تتاخذ مثل هذا القرارات من الاول
تجيبو دكاتره من الهند او مصر برتب 200 دولار و بكفاءة اكثر
دكاتره مادييييين شديد
والله الناس ديل كذبوا على الناس وقبلهم نحنا وخالفوا تعليمات الريس وأنا هسع استلمت المرتب زي ماهو بدون أي زياده مع العلم نحن بنشتغل مجبورين (عبيد يعني)لمستشفيات الحكومه بدوام أقرب إلى24 ساعة ولمدة لاتقل عن 6 سنوات عشان الواحد ينفرد بتخصصه وبمرتبات لاتكفي حق المواصلات وايجار غرفة على غير اقراننا من شهادات البكالريوس..يعني ما تأسسوا حياتكم وبس..
الظلم ظلمات يوم القيامة
بالمناسبة أنا من أشد مناصرين الوطني يعني أبعد ما يكون عن غرض سياسي
قال(لتخريب وتعطيل مسيره حكومه البشير) الزول لو طالب بابسط حقوقه بعطل المسيره المجيده دى؟طيب السايره ليها شنو.(الله يكون فى عونكم يادكاتره&معاكم والله وحاسين بالمكم)
يا أخ ( سوداني ) انت بتتكلم ساااااااااااااااي كدا ؟
القال ليك منو لبوا لينا طلباتنا ؟
تلقاك بس من الجماعة؟ ما عارف الحاصل شنو في الدنيا دي
و بعدين ما عارفة انتو دايرننا نشتغل ليكم و نهلك روحنا ونفني عمرنا هباااء
و بلا مقابل ؟؟
حتقول لي ملائكة الرحمة ما كان يجدر بهم ذلك
حاقول ليك احنا ما ملايكة احنا بشر زينا زيك .. ناكل الطعام و نمشي في الاسواق
و بنعيا و نتعب ونمرض وما نلقا اليعالجنا ولا اليعالج اهالينا
انا بعرف دكتور ونائب اخصائي لما يجي وقت الفطور ما بيقدر يشارك مع الناس ده
كلو لييه عارف ؟
عشان ولدو عندو متاخرات مالية في المدرسة و ما قادر يدفها ليهو عشان وزارة
المرض ما مادياهو مرتب 7 شهور .
و بعدين احنا مطالبنا (لو انت كنت زول متابع وعارف البيحصل) بتشمل ايضا
تحسين الاوضاع الصحية و تحسين بيئة العمل و توفير كل ما يلزم لتقديم خدمات احسن
للمواطنين ( اللي لأسف ما قادرين يقدروا الحاجة دي )
لكن ما اقول الا زي ما قالت د. ناهد محمد الحسن : المليون ميل مربع ياكم انتوا
يا الدكاترة ارجل ناس فيها
المفروض الوزارة تعمل حل للامشكلة نعم عمل انسانى مهنة الطب ولكن الرواتب ماتكفى سيد اللبن واللة كلامى ماصاح
الكلب ينبح والقافلة تسير – لكم التحية ابطالنا الاطباء وانتم تمرغون انف هذه الحكومة في التراب وتفضحون عجزها وكذبها فهذه الشرزمة لا تفهم الا لغة التهديد والوعيد – مزيدا من الصمود حتى النصر ولا نامت اعين الجبناء وتجار الدين
لابد من تنظيم الهجره عن طريق الانتداب عشان كل طبيب يعرف دوره في السفر
يمنع من السفر للعمل في الخارج كل من اضرب عن العمل اما ان يفصلوا ويسمح
لهم بالسفر والعمل بالخارج فهذه هي امنيتهم .