وزارة الكهرباء والسدود تعلن عن تخفيضات جديدة في رسوم الكهرباء
أعلنت وزارة الكهرباء والسدود عن تخفيضات جديدة في رسوم توصيل الكهرباء للقطاعات السكنية حيث شملت تخفيض رسوم الشبكة للعداد الواحد 17% للدرجة الاولى و38% للدرجة الثالثة في شبكات المناطق السكنية المخططة بالاضافة الي 50% عند توصيل عداد اضافي ، واكد الوزير اسامة عبدالله ان هذه التخفيضات جاءت انفاذا لتوجيهات السيد رئيس الجمهورية وضمن سياسات الدولة الرامية لتخفيض تكلفة الكهرباء وازالة المعاناة عن كاهل المواطنين . وبحسب صحيفة الوطن عبر عبدالله عن سعادته باستقرار الامداد الكهربائي لصيف هذا العام دون قطوعات مبرمجة والتي لم تشهدها البلاد في الخمسة واربعين عاما الماضية وعزا بعض القطوعات الطفيفة الي انشاء الخطوط والشبكات الجديدة مؤكدا على مواصلة العمل في الفترة القادمة لامداد الشبكة القومية للكهرباء لكافة انحاء السودان والنظر في توطين الطاقات البديلة في المناطق النائية لتكلفتها الرخيصة وملاءمتها للبيئة .
الحمد لله الذي شهدنا السودان بدوت انقطاعات كعربائية الي الامام الشعب يتتظر المزبد
مزيدا من التقدم والرقى ياوطنى ……والى الامام يابلد…..ود أم روابة
يا عمر عمّر الله ديارك (السيد الرئيس حفظه الله ورعاه)
شكراً بابا عمر
المهم ايضا تقليل سعر المتر الستهلاكي وهذا الذي يدل على رفع المعاناه عن المواطن
منو القال القطوعات ما مبرمجة
هنا في امبدة يوم والتاني قاطعة، معقولة دا كلو خطوط جديدة
بالله كفانا كذبا، الواحد مرات ما بكون عارف الحاصل شنو يلقنو كلام ويدور فيهو ، شوفو بديل لكلمة الخطوط الجديدة دي. الفترة الفاتت طلعت كلمة الشبكة لا تستحمل الطاقة الزائدة لسد مروي اقترح انو الناس تواصل فيها.
الصحفي عندنا ياخد التصريح من خشم المسسؤول وعلى الورقة عدل. كم قيمة الرسوم؟ وهل زيدت مؤخراً؟ وهل يرجَع التخفيض الفرحانين بيهو ده الرسوم إلى قيمتها قبل الزيادة الاخيرة؟ وهل هناك شبهة تحايل من نوع زيادة سعر القميص ثم الاعلان عن تخفيضه 20% في مواسم التخفيضات؟ ثم لماذا لا يطلب مننا سيد القدرة انو اول حاجة ندفع ليهو حق الفحم والايجار و…. إلخ حتى يرضى يبيع لينا الفول؟ ما الناس على دين ملوكهم: الهيئة تدفعك حق المحول والعمود والسلك والعداد وكل ما يمكنها من بيع الكهرباء لينا؟!! وتلوي ضراعك فتتنازل ليها عن الحاجات الاشتريتها – للمحتكر!
شوفو ليكم شغلة غير الصحافة!
خبر ه تخفيص في الكهرباء جميل مع تمنيتي الي السودان رخا هز كل مايتمنا شعب من حكومه الجديد نظر الشعب المسكين في قري اطراف عاصمه لفت نظر اليه هو موظفين الكهربا ء ادا واجبهم بكل امانه مثل محليه جبل اولياء لايوجد فيه مهندس هزه اكبر محليه في الخرطوم علي ان يزهب الي محطه سوبا كليوا عشره