إلغاء التعامل بالجنسية والبطاقة الشخصية مطلع العام المقبل

حكومة الكترونية ؟
هسي الزول القال الكلام ده كان طلبنا منو يعرف الحكومة الالكترونية حيقول شنو ؟
حيشيلو الرئيس والوزراء ويجيبوا لابتب بدل كل واحد منهم ؟
كان كدا الترابي جيبو بدلو اتاري
طيب نتكلم جد
الحكومة الالكترونية تتطلب انو كل المصالح الحكومية والمستشفيات وكل الكيانات التي تتعامل مع الناس يكون عندها قواعد بيانات وبرامج معالجة للبيانات وطرق بحث واستخراج وادخال الخ
ولا يمكن بناء الهرم بالابتداء من قمته بل تبني القاعدة اولا
انتو لو دايرين تعملوا حكومة الكترونية امشو اعملو شبكة صرف صحي واعيدوا تاهيل شبكات الماء والكهرباء وبعدين يسهلها ربنا
عريان لابس طاقية هههههههههههههه
الكترونيتكم دي دابن تتموها ما حتلقوا زول تحكموه بيها كلهم حيكونوا ماتوا ولا طفشوا
ارجو اقامة دورات تأهيلية للرئيس ووزراءه وكل رجالات الدولة وشرح مفهوم الأولويات لهم
شر البلية ما يضحك

سبحان مغير الاحوال ، اخوتي الكرام نحن الان لا نملك بطاقة عادية ولا توجد لدينا شبكة موحدة في البلاد والان لو عائز تودع او تسحب من اي بنك تحتاج يوم كامل لذلك واذا استخرجت ترخيص عربية من اي ولاية لا يمكن تجديد الترخيص إلا بتلك الوالية
الوضع محتاج بنيات تحية إلكترونية كثيرة قبل البدء في مشروع سيكتب له الفشل مبكرا
والله من وراء القصد

بصراحة الشخص الي عاوز يكتب عن شي لابد ان يكون موضوعي حتي تعمل الفائدة وليس مهاترات واستفزاز بالاشخاص
بخصوص العولمة والتكنلوجيا التي تتحدث عنها يا ابو العريف لو انت عريف صحي كان تعرف ما معني كلمة سجل مدني الظاهر عليك انت ما شقيت البلد بس تعرف تهاتر فقط وتكتب فارغ
السجل المدني هذا هو هرم انضباط الانسان سلوكا ومعرفه وله فوائد كثيره منها انت منو ود منو وتسكن وين وسافرت متي وعملت مخالفات متي ونوع المخالفات ان كان جنائيه او مدنية او مخالفات مرورية او دخلت في اي نشاطات اخري منها ثقافية او سياسية وخلافها من هذا السجل تكون انت انسان تعرف قيمتك الاجتماعية في حالة تسافر يعرفوك سافرت متي لانها مربوطة بالبصمات اليدوية والبصرية وخلافها العالم كله تعلم وتثقف من هذا السجل لانه انضباطي .
انا شخصيا اطالب الاسراع في انها هذا المشروع الجبار لاني اعرف قيمته حتي يصبح الانسان السودان اكثر وعيا وانضباطيا بدل من التزوير في الاوراق الرسمية كل واحد سبق ان عمل ثلاثة او اكثر من جنسية او جواز او زور ارواق اراضي لذلك نطلب الاهتمام اكثر بهذا المشروع الجبار
والله الموفق
دمتم