الصادق المهدي: السودان على فراش الموت
وصف الإمام الصادق المهدي زعيم حزب الأمة القومي، الوضع الذي تمر به البلاد بالمحتضر، وحمّل المؤتمر الوطني مسؤولية انفصال الجنوب وتمزيق ما تبقى من أطراف البلاد على حد قوله، وجدد المهدي تمسكه بخيار إسقاط النظام فى التاسع من يوليو المقبل حال عدم إستجابة الوطني لمطالبه المتمثلة في تغيير دستور البلاد وتشكيل حكومة قومية إنتقالية. وقال المهدي لدى مخاطبته حشداً من مواطني الجزيرة أبا مساء أمس، إنّ البلاد الآن على فراش الموت، وأضاف: ليس هناك وقت لذكر الأسباب، وزاد: لكن روشتة العلاج تكمن في إقامة دستور جديد يقود لدولة ديمقراطية مدنية تطبق فيها الشريعة على المسلمين لا على غيرهم، فضلاً عن إلغاء القوانين المقيدة للحريات، وقال المهدي إنّ الحديث حول إهمال القوميات الأخرى من القانون مرفوض ويمكن أن يؤدي الى تمزيق ما تبقى من البلاد. وكشف عن معاهدة توأمة يجري توقيعها بين حزبه والحركة الشعبية تفضي الى تعاون اقتصادي، سياسي وتعايش سلمي يحقق مصالح الشمال والجنوب، وقال: طالبنا الحركة بأن تختار اسماً للدولة الجديدة له مضمون مشترك، وحذر المهدي من مغبة إنزلاق الدولتين في عداوات ومكايدات سياسية، وشدد على ضرورة تطبيق الحريات الأربع، وأشار إلى أنها تحفظ الحقوق للشمال والجنوب. ووصف المهدي، مُفاوضات الدوحة (بحوار الطرشان)، وطالب بإحترام مطالب أهل دارفور من خلال المشاركة في الرئاسة والسلطة والثروة والتعويضات وترسيم الحدود.
الراي العام
bs enta amrog menha we hia t3mr:rolleyes:
ماذا يريد هذا الدبيب أما آن له أن يتخذ المصلى سكن له حتى يكفر عن ذنوبه فيما إقترفه في حق الشعب السوداني منذ حقب مضت ، وها هو يتكلم عن التعويضات التي هي شغله الشاغل كلما سنحت له فرصة الحديث ، إذهبوا إلى مزبلة التأريخ يا من مصصتم دماء هذا الشعب كلما قدرتم قاتلكم الله ….
تعرفوا يا اخوانا انو الناس العجايز ديل الصادق الترابي احسن بعد كده بس يقعدوا لشيل الفواتح ولبيوت البكيات يا ناس ديل ما قادرين يفهموا ان الانسان من يدخل من باية سن السبعين ان مخ الانسان بيبتدي في التنازل وهم الآن في التسعين من العمر يعني بالواضح كده خرفوا .
ولكن هذا بالضرورة ان جزء من كلامهم فيه نوع من الواقعية مثلاً ذكر ان هناك بعض السياسات من جانب المؤتمر الوطني قد تأدي الي تمزيق ما تبقى من السودان وهو يجب الاعتراف بالتنوع في السودان ويجب ان تطبق الشريعة في المسلمين فقط وان تكون هناك احكام غير اسلاميه تطبق مع غير المسلمين يعني هذه النقطه مهمه جدا كما يجب الغاء بعض القوانين المقيده للحريات طبعا الكلام ده اذا اردنا ان يكون المتبقي من السودان متماسكا ومتوحداً كما يجب علي المؤتمر الوطني كما اختاره الشعب السوداني كله وفاز بالاغلبية في الانتخابات يحب ان يحافط لينا علي الباقي من السودان لانه والله اذا حصل اي افصال تاني والله العظيم الناس اي ناس الانقاذ سوف يقطعون اربا اربا خلو الطابق مستور الي هنا وكفاية الشعب الوقف معاكم يا ناس المؤتمر الوطني ويا البشير مجروح جرح كبير جدا بانفصال الجنوب ضمضوا الجراح ضمضوا الجراح يا ناس الانقاذ لانو اذا الموضوع ذاد عن كده سوف يكون رهيب والله المشانق تعلق في الشوارع وفي الكباري لكل من فرط في شبر عن الوطن
من اجل ذلك يجب علي ناس الانقاذ ان يكونوا مرنين جدا جدا جدا وما في داعي للتعنت وفرض الامور بقوة وبتعنت المسلمين يبق فيهم الشريعة الاسلامية وغير المسلمين يطبق قوانين خاصة ونابعة من تقاليدهم ودياناتهم الخاصة المرونه في التعامل لانو في النهاية زي ما انت يا بشير مواطن سوداني هم مواطنون سودانيين اسمعهم شوفهم ماذا يريدون وما هي الطبيعة المناسبه لهم وما هو نوع الحكم الذ يريدون والا سوف تفقدهم اقعد مع الحلو ومالك عقار في الواطة وجيبوا ليكم شاي وخلو ست القوة والشاي تقعد جنبكم وما تقوموا حتى تصلوا الي حل مقبول من جميع الاطراف بكل بساطة وبكل رضى ونفس الشئ مع اهل دارفور خلينا يا بشير من التعنت والتصريات الذي تجيب المشاكل السودان ده ما حقك انت ولا حق اي زول يا اما تقود السفينه بكل حكمة ودهاء وطيب خاطر لكل البشر او تمشي تشوف ليك محله تانيه نحن خلاس تعبنا والشعب السوداني تعب يا ما قلتوا شباب بالجنوب يا ما يتمتوا اطفال واسر كل هذا وراء شعارات فارغه وتافهة وفي النهاية عملتوا شنو الموضوع انتهى
والناس والشباب راح شمار في مرقه ارحمونا يا ناس الانقاذ ارحمونا وارحموا اجيال الشاب القادمه ارحمنا يا بشير ارحمونا يرحمكم الله
أنت أول من خرب البلد
* ياأخي انت وحكومة البشير من أوصل البلد لهذا
* لا أربع ولا خمس حريات من ،أبى فقد ابى وهم أرادوا البعد بخيارهم الإنفصال.
* يا أخي كفاياكم ،انتم من تبعكم ،اتركوا هذا البلد وشأنه.
* الكل يجري وراء السلطة والجاه والتكسب من دماء الشعب المغلوب على أمره .
* ماذا استفاد الشعب السوداني من تجمعاتكم وأحزابكم التى أودت بالبلد إلى الحضيض
نسأل الله أن يجازي كل من كان سبباً وغلب وهم هذا الشعب
اولا ناس الجزيره ابا انته ايام كنت رئيس عملته ليهم شنو شوغ العمتلو ليهم الانقاذ واظنك مشيت بى الظلت دى ابسط الاشياء غير تمليك الاهالى اراضيهم الانته كنت مسيطر عليها وحسو بى الفرق . ثانيا كل يوم طاع لينا بى حديث وموتمرات ياخى احسن بعد اد تشوف ليك مصلايه وسبحه بدل التخبط فى السياسه
انت بس راجي السودان دا متين يموت عشان تجي تشيل فيهو الفاتحة وتلقى ليك طريقة تقعد في كرسي السلطة . ماذا فعلت انت من اجل الا ينفصل السودان ؟؟ وما هي انجازاتك في هذا المجال ؟؟ وكيف استثمرت علاقاتك الطيبة مع الحركة الشعبية من اجل الضغط عليها لكي لا تعمل على فصل السودان ؟؟؟ وماذا قدمت للاخوة الجنوبيين من وسائل اقناع بجدوى وافضلية الوحدة ؟؟ واين وجود الجنوبيين داخل حزبك الذي تدعي انه قومي وهو طافح بالعنصرية ، فكيف يقتنع الجنوبيين بانهم غير مهمشين في الشمال وممنوعين من دخول بعض الاحزاب ؟؟ بس فالح في النضمي .. حتى نضميك الكتير دا ما نضمت منو شوية للاخوة الجنوبيين ونظرت ليهم في منافع الوحدة ..
انت يا الصادق المهدي تهمك السلطة فقط ولا يهمك ان ينفصل السودان او يتوحد .. ولا تهمك مصلحته في شي اذا رايت نفسك خار ج كرسي السلطة .. والدليل على ذلك هو كتاب انجازاتك الصفري في السعي والضغط على الحركة الشعبية من اجل الا ينفصل السودان ..
الشعب وااااااااعي يا الصادق المهدي ومفتح ، ولى عهد خم الناس … وعهد الاشارة ..
اسكتو الغربان اصبحت المعارضة السودانية ورموزها كغربان تنوح وتجلجل مع كل صغيرة وكبيرة من المفترض ان تصمد الصادق المهدي حكم وفشل وعرف عنه التنظير فقط حكومته كادة ان تعطعي الجنوب بالسلاح لولا قدوم ثورة الانقاذ ورقم اخطائها الكثيرة الاانه الوقت غير مناسب لمثل هذه التصريحات التي يدلي بها رموز المعارضة لان الضحية في النهاية المواطن المقلوب على امره