البشير: يوجه بعدم التوظيف خارج لجنة الاختيار..

اول ظلم في مسئولية تطبيق نظام الصالح العام كيف تكفروا عنها اذا هناك متسع اتمني ان نراجع انفسنا ونصلح ما ينمكن اصلاحه لان من هو الان علي راس الخدمه مستفيد او جاء عن طريق النظام ( فاقد الشئ لا يعطيه) بالرغم ان سياسة الغاية تبرر الوسيلة وعباية فقه الضرورة ربما تخفف بعض الشئ لكن هل الله يقبل مثل ذلك ( علمها عند الله ) اخشي ان لا تكون هناك اذان صاغية طبعا مثل هذا الكلام ما كان ممكن حد يسمع ليه لكن بعد التغييرات التي حدثت ربما يكون له تاثير ونسال الله ان يكون من باب النصح ( ان الذكري تنفع المؤنين ) احسب ان ما زال هناك مؤمنين ……. والله من وراء القصد

[SIZE=5] اتذكر سبق لي وحاولت وجود وساطة للعمل من اجل التعليم يعني اريد وظيفه اكل منها عيش واصرف على نفسي وانا طالب تصرفت من نفسي دخلت مكان كبير مدجج بالحراسة وبكل صراحة اتقفلت امامي كل السبل بالعربي السوداني قهران بالمره المهم دخلت توش الحرس والناس ديل مسحتهم اقيف اقيف قلت خليه يديني طلقه يودوني محل عاوزين – فلس قهر للاخر دخلت وقابلت ضابط كبير وبدون مقدمات اول كلام قال لي انت دخلت هنا كيف ما زول اعترضك قلت اعترضوني لكن انا عملت طناش انا قهران عاوز عمل اكل منه عيش وادرس الجامعه قال لي علشان اقنعك اذهب لهذا اللواء وخليه يحدثك الشيء الموسف كان حديث الضابط قال لي والله لو بقيت ابن الترابي ما في عمل ليك الا بعد قضاء الخدمة الالزامية قلت ليهم انا موافق اتدرب لكن بشرط اقرا انا قلت في نفسي بالله في زل اكثر من كذا يعني شنو الترابي هل الترابي اعز من جدي وابوي والله لو الترابي وكل ال المهدي وال الميرغنية لوحضروا نهره واحده من نهرات جدي ما كان انزليت انا جدي بحر 88 الحكومة اصدرت قرار بالرحيل من المنطقة لم ننفذه وذلك لان كل سبب وجودنا مربوط ببقائنا المهم ارسلوا لنا المحافظ المحافظ جا ومعه ناسوا جمعوا الناس وقرروا لينا الرحيل فورا لكن يا محافظ السجم قرار بدون تعويض بدون ملجا وين نذهب جدي قال ليهوا يازول اسمع دا كلام وانا بقول ليكي ومافي زول بعقب عليهوا ما في زول بمرق من هنا قال خلاص اخرجوا الحريم جدي ساخر كان الله يرحمه قال ليهوا لو عندك مراة سوقها المحافظ تبلم وقال الله معكم والحديث كثير وربنا يصلح حالنا وانا عافي من كل شخص المهم نريد الاصلاح وكل زول ينصلح حاله [/SIZE]