سياسية

الوطني يلمح إلى إمكانية عودة (عقار) والياً للنيل الأزرق


[JUSTIFY]ترك المؤتمر الوطني الباب مواربا بالنسبة لوالي النيل الأزرق المعزول مالك، بشأن عودته إلى الولاية، حالما توفرت الشروط لذلك، لكنه تمسك بعدم دخوله في أي تفاوض مع الحركة الشعبية الا إذا وفقت أوضاعها وسجلت كحزب سياسي وفقا للقانون، في وقت طالب الأمين السياسي للوطني د.الحاج آدم يوسف الطلاب إلى الاستعداد لدخول ميادين القتال متى ما طلب منهم ذلك ودعاهم الى مراجعة الدفاتر القديمة منذ العام 1990 ومذاكرتها، لأن ذلك سيجعلهم ينجحون الآن، كما نجحوا في السابق- على حد تعبيره، وقال الحاج في ندوة نظمها اتحاد الطلاب بمركز الشهيد الزبير أمس(الثلاثاء) إن متطلبات المرحلة الحالية هي الوقوف خلف القوات المسلحة، وتغير لغة الخطاب استنادا إلى القوة، وإقامة حكم فيدرالي راشد وعادل يحقق المساواة بين أهل السودان في السلطة والثروة، وأضاف” أي واحد يحاول يفرض رأيه بالقوة سنقاتله بالقوات المسلحة حتى تعلم كل القوى التي تسعى لتجزئة السودان ان لا سبيل الى ذلك، وقطع الحاج بأن الأوضاع التي يمر بها السودان الآن لن تثنيهم عن حسم التمرد لأن السودان مر في السابق بأوضاع أسوأ لكنه تجاوزها، وزاد” لن ننكسر بحجة أن الأوضاع غير مساعدة”بينما طالب بعض الطلاب الحكومة باتخاذ خطوات ملموسة تجاه دعم الجنوب للحركة في النيل الأزرق من بينها إيقاف ضخ البترول، لأن الأموال التي يدعم بها الحركات تمر عبر الشمال- على حد تعبيرهم.
[/JUSTIFY]

الاخبار


تعليق واحد

  1. لا ندري ما هو المسوغ القانوني لعقار او غيره ان يكون له جيش وسلاح يتمرد به على اهله البسطاء ويقتلهم به في وضح النهار اذا فتح الباب لاي حزب بحمل السلاح لكثرت الفوضى والهرج في البلاد السلاح يجب فقط ان يكون في يد القوات النظامية من الشرطة والجيش فقط ولا يجوز بأي حال من الاحوال امتلاك السلاح سوى الجيش والشرطة منعا للفتنة أول خطوة ينبغي للحكومة عملها هي جمع السلاح من منتسبي الحركة الشعبية لانه بعد الانفصال لا يوجد شي اسمه الجيش الشعبي فقد ذهب مع سلفا ومن بقي منهم في الشمال يجب تجريدهم من السلاح

  2. [B][B][SIZE=7][FONT=Arial]كفايه هوان وانبطاح وافتحو المعكسرات هذا الدواء لكل خارج [/FONT][/SIZE][/B][/B]

  3. [SIZE=4][B]مع احترامي ليك لكن انت انسان تبشة..كيف يعني يفتحو المعسكرات ونحارب ونموت عشان السيد البشكير والمجرمين الحولو يتربعو فوق رؤسنا واولادهم متنعميين بقروش الشعب السوداني الحرن( يقال حرن الحمار اي توقف ورفض الذهاب)انت ماشفته ولا سمعته بممتلكات ناس الحكومة في كولالمبور العاصمة الماليزية ياخي امشي شوف كيف المطاعم والفنادق والابراج بتاعت حكومة السجم السيئة.. انت كدي اسي قول لي حاجة وااااااحدة بس قدمته الحكومة دي عشان نمشي نجاهد ليها؟؟ياخي اسي الناس مالاقية تاكل ولا تشرب انت ما سمعتة بالمظاهرات الاخيرة في الخرطوم الناس كانت بتهتف بتقول في شنو؟؟ بقولو الشعب يريد مياه الشرب بالله ده كلام ده ياحليلنا نحنا اصحاب الالسنة الطويلة ورفع الشعارات اصبحنا خارم بارم ساي لا تعليم وان كثرة الجامعات ولا صحة ولا حتي موية شراب نضيفة ياخي خلي الحكومة دي ترجعنا للمكان الانقذونا منو قال ثورة انقاذ ده دمار ياخي.. علي فكرة ما تفتكر انو انا انسان ضد البلد انا بس مقبون للحالة الوصلونا ليها الكيزان من تخلف وفقر وجوع وفساد وووووالخ.ياخي حتي الكوز ماديرينا نشرب بيهو موية نضيفة….حسبي الله ونعم الوكيل يارب المستضعفين وربي نسألك بأسمك الاعظم ان ترفع السودان وتجعله في مقدمة الدول يارب العالمييييييييين امييييييييييييييين…[/B][/SIZE]