سياسية
رئيس الجمهورية : (البلد ما حقت المؤتمر الوطني)
و أشار البشير الى ان تأخير إعلان التشكيل الوزاري للحكومة الجديدة بسبب الحوار الذي يديره المؤتمر الوطني مع الأحزاب و قال : (البلد ما حقت المؤتمر الوطني ، و حواراتنا فتحناها مع كل الناس حتي مع الحزب الشيوعي لأننا نريد ان نستوعب الآخرين و نجادلهم بالتي هي أحسن).
و أشار الرئيس الى ان قيادات الإنقاذ واجهت التحديات في السودان بتقدم الصفوف ، و استدل بإستشهاد نائبه الأول اللواء الزبير محمد صالح و قال : (ما قعدنا في البيوت و ودينا أولاد الناس للميدان ، نحن قدمنا (10) آلاف من الشهداء و مسيرة الاستشهاد حتستمر و ده قدرنا) .
و أغلق الرئيس باب التفاوض مع الحركة الشعبية حول ولايتي النيل الأزرق و جنوب كردفان و حملها مسؤولية الحرب و قال : (إذا عايزين الحرب تقيف ، لازم يعترفوا بنتائج الانتخابات في جنوب كردفان و يجمعوا السلاح و يدمجوا الجنود كمواطنين صالحين في المجتمع ، و تفاوض و برتوكولات جديدة تانى ما في) . و حدد رئيس المؤتمر الوطني عمر البشير هوية الدستور القادم للسودان بان الدين الرسمي هو الإسلام و مصدر التشريع الشريعة الإسلامية و توعد بإسقاط دعاوي الجاهلية و محاربة العنصرية و نبذ الجهوية .
[/JUSTIFY][/SIZE] صحيفة الأهرام اليوم
ضكر
رجعونا ألي ماقبل 30يونيو، كان أرحم لينا من وضعكم وكذبكم ،داهية تأخدكم اليوم قبل بكرة
[SIZE=6]سير سير يا البشير نحن جنودك للتعمير والله اكبر ولله الحمد هذا بلد المسلمين الاحرار وشريعه شريعه ولا نموت الاسلام قبل القوت .[/SIZE]
أول مره تقول حاجه صح,,صح البلد ماحقتك ولا حقت المؤتمر الظالم,إنت وهم فارضين نفسكم عليناوخربتوالبلد وأهلا ,,, يقلعك ويقلعم القلع القذافي وحسني يـــــــــارب ياسميع الدعاء.
الكلس,,ممكن أرجوك تقول لي بس حاجه وحده من الشريعه بطبقو هو ومؤتمرو ده؟ قال شريعه قال بطبقا ؟!! دي شريعة المؤتمرالوطني اللي ماليهامن الإسلام في شي.
– ماكلين حقوق الشعب وقاتلين طاقاتم وإبداعاتم علشان الشباب مايلقو لحظه حتى يفكرو في حقوقم ويطالبو بيها.الواحد يطلع يفتش على اكل العيش من الصبح لحدي مايجي بليل ينوم وكل يوم كده ( الشاب يتخرج وبعد ماروحو تتطلع في الجامعه زاتا,,, يتخرج قانون وهندسه يفرش على الأرض ولا يمسك رقشه !!!.
-مافي صحه المستشفيات صارت قروش بس واحتمال تتدخلا تطلع جنازه بقى 50% كان ينسو شاش ولامقص في بطنك معقول بس ,,,؟!!!
– الشوارع وسخانه ومافي تنظيم جايطه ومواصلات أقرف من قرف !!!.
– أي زول يعمل العايزو يقتل يسرق يخظف يفتصب مافي رقابه ولابوليس ولامحاكم وتنفيذ أحكام!!! .
– كل المنظمات الحكوميه وحتى المحاكم شغاله بالرشاوي!.وووووووو. ياويلك يالبشيراللي إنت مسئول عن الشعب ده كلو ومؤتمرك ده يوم الحساب من رب العباد.
ههههههههه شكلو زي ما لقيهوا دايرين اسيبوها ودايرين ناس الاحزاب اتبالوا معاهم هم شغالين بالديون السودان 50 سنة ما اسدد الديون العملوها هم ….
خلونا من نحن جينا….ليكم 22سنة عملتو شنو عطالة وفقر ومحسوبية ووو..
*نحن لمن جينا البلد دي كانت مليون ميل بقيناها ليكم سبعمية…اوووووو
*نحن لمن جينا كان السفر لي اوربا اسهل من السفر لبورسودان لكن هم كفار دايرنهم…لاااااااااااااا
*نحن لمن جينا كان في حاجة اسمها الخدمة المدينة ..دايرنها .لالااااا..دايرنها لااااااا
*نحنا لمن جينا كان في مشروع الجزيرة ..لكن دا عملو الانجليز دايرنو …لااااا
*نحنا لمن جينا حكمناكم كنتو انتو صغار وبنراقب فيكم لحدي ماكبرتو ومابنخليكم الا تسلمو روحكم لله…..هي لله هي لله…
المدفع الرزاااااااام ……اخخخخ
لمن جيتو للحكم كان الناس عايشة بكرامة غيرتوها لبيوت للدعارة ونهب وسلب وتجارة للبنقو .
أحسن تعليق على لسان الفاتح جبرا
[SIZE=3]ماكلمونا[/SIZE]
لا شك أننا أصبحنا نحيا فى زمن امتزج فيه الواقع بالخيال كما إمتزجت فيه الحقائق بالأساطير فهل هو محض خيال أن نكتشف وجود مكتبة ضخمة تضم آثار الأولين من آبائنا الذين فيما يبدو أنهم كانوا ذوو (نظرة ثاقبة) وقدرة على (التنبؤ) مما مكنهم الإطلاع على واقع حياتنا وكانوا عارفين الح يحصل بس للأسف (ما كلموووونا) ، ولا شك أنهم حمدوا ربهم (حمداً كثيراً) إّذ أنهم ودعوا عالمنا هذا قبل أن يلاقوا ما نلاقيه من معاناة لا أول لها ولا آخر ومستقبل لا أحد يستطيع التكهن بما سوف يحدث فيه وخير مثال لنظرتهم الثاقبة تلك ومقدرتهم على التنبؤ هى كتبهم التى تركوها لنا والتى أورد لكم جزءاً من عناوينها لهى أكبر دليل على ذلك وإليكم بعضاً منها: !!
درة المباهج في إصلاح أوضاع المناهج
– الأخطار الملموسة لإنتشار العنوسة
– تأثر البيئة من مستنقعات الخريف الرديئة
– سر ارتفاع الوفيات في داخل المستشفيات
– القول المبين في تحسين أوضاع المعلمات والمعلمين
– المعالجات الفطيرة لأحياء مشروع الجزيرة
– القول المأثور فى المخارجة من كشات المرور
– الحكمة السرية في غلاء السلع الاستهلاكية
– لوامع الأفكار لمواجهه قطع التيار
– الأدلة القطعية فى رفض المؤسسات للمراجعة الداخلية
– الرد العجول فى تبرير رسوم الوصول
– هداية الحيارى فى تحريم أصوات السكارى
– الرد المختار على المواطن المحتار
– طرق إبن آوى فى كيفية إستلام الرشاوى
– الشرح الكارب لمعنى إستراحة المحارب
– الدعاء اللطيف لدرء كوارث الخريف
– الدرر البهية فى كيفية تعلم اللصوصية
– سر البكاء عند اللجوء إلى ديوان الزكاة
– إخفاء البصمات عند قبض الكومشنات
– الأسرار البهية لسرقة أموال المحلية
– الجواهر اللماعة فى سر تقديم الساعة
– الحكم والآيات فى مشروعية الرسوم والجبايات
– الحكم المأثورة فى قولة خلوها مستورة
– الأفكار الشيطانية فى لهط أموال المحلية
– الرد الشافى لمن يقول بأن المرتب غير كافي
– الأسباب والدواعى لفشل العرس الجماعى
– السيف البتار فى محاربة ستات الشاى والخدار
-السر الباطن فى كيفية تنظيف جيوب المواطن
– القول الفاصل فى ظاهرة البنطلون الناصل
– الخطط التامة فى سرقة الأموال العامة
– الأدلة المحجوبة لوجود الأدوية المضروبة
– الأحاديث الضعيفة فى قطع من يسرق رغيفة
– أنوار الربيع لجلب الثراء السريع
– الكامل في الجبايات
– البيان والتبيين فى غزو منتجات الصين
– المستطرف في كل لغف مستظرف.
المنقذ من حملات المحليات
– الواقع الأليم فى مسائل التربية والتعليم
– السلوك فى معرفة تجاوزات البنوك
– الإيضاح في علوم النهب المباح
– النبراس فى حماية الوازع الدينى للإختلاس
– تفصيل الكلام فى حال المحالين للصالح العام
– تاريخ المعتمدين والولاة
– الإطالة فى أخبار الخريجين العطالة
– الإكليل فى معرفة موقف خليل
– المختصر فى صرف المعاش
– عقد الجمان في معرفة مستقبل السودان
– النجوم العوالي في أخبار دجاج الوالى
– عتاد الفارس فى دفع رسوم المدارس
– معجم غسيل الأموال
– الحكم والآيات فى عدم زيادة المرتبات
– بغية الطلاب فى معرفة سر الكلاب
– القول المبين فى شركات الولاة والمسئولين
– دليل المسلم الحزين إلى فقه التمكين
– الكلام المباح فى تجهيز قفة الملاح
– الجامع فى قطع الكهرباء عن الجوامع
– التحريم والتحليل فى اسباب التدبيل
– الأدلة الشرعية فى بيع الساحات الشعبية
– رأى الدين فى شراء أصوات الناخبين
– الدرر السنية فى تهميش أفراد الرعية
– الطناش فى صرف ملاليم المعاش
– كشاف القناع عن عائدات البتاع
– الروضتين في أخبار الشريكين
– تخدير الأنام بمنتخب الكلام
– حيرة أولياء الأمور فى دفع قروش الفطور..
كسرة:
الكاتب ليس مسئولاً عن محتويات هذه الكتب
اجوا عايديييين ان شاءالله عايديين ياالله …..