منع تحصيل أي رسوم بالطرق القومية إلا بأورنيك «15»

كلام ساكت وقبلك البشير وعلى عثمان قالوا كلام أخطر من ده ولكن لا حياة لمن تنادي ناس المرور يعملوا في البعملوا فيه ولا هاميهم شئ ؟ “أرجعوا لمقال أحمد المصطفي اليوم في الإنتباهة ” ولو ماعملوا كدي يأكلوا من وين ؟ والراتب لا يكفي مصاريف أسبوع واحد ؟ ده كلام الغرض من التخدير وكل النقاط قائمة والتحصيل مستمر ولن ينقطع حتى لو قامت القيامة ، وده مصدر رزق للناس دي ” قال إلا عن طريق أورنيك 15 عشان الفلوس تورد للمالية وهم يقبضوا الريح ، ده مابحصل ياسعادة النائب مع إحترامنا الشديد لكم , ولكن كل قراراتكم لم ولن ولا تنفذ لأنهاضد مصالح الناس ديل …………..

أنا مغترب وفي المغتربين بكتبوا في الايصال 5 آلاف مثلاً ويستلموا منك 20 ألفاً، وفي الالزامية يكتبوا 40 ألف ويأخذوا منك 70 ألف.. والواحد ساكت عشان داير يتخارج من البلد ويخاف ما يعاكسوه ويسلبط عليك (ود حلال) ويضيع سنين عمرك وآخر حاجة يبتزك ويأخذ قريشاتك وأنت تضحك.. الله يستر على بلادي.

[COLOR=#FF005C][SIZE=7][FONT=Arial Narrow]يعني اورنيك 15 دا فيه جرس انذار لو ما استخدموه ،، والمواطن ايه العرفه بيه ما اي ورقة ممكن يقولوا ليه دا اورنيك 15 ..
يا اخونا القصة دي لازم تنتهي باي صورة وتتوحد الجهة التي تكون مخولة بجمع اي مبالغ للدولة على الطرق ويوحد زيهم ويمنحوا بطاقات اذا لم يبرزوها للمواطن لايدفع لهم .. او ان يكون المكتب موحد في بداية التحرك بمعنى حين تتحرك المركبة او البص يدفع ماعليه في المكتب ومكان معروف ويلغى اي تحصيل على الطرق , وكذلك حين الوصول اذا لم يثبت اورنيك التحصيل يقوم بالدفع ، ويدفع مرة اخرى عند المغادرة .. وبلاش عطلة للناس واستكرات من حرامية ما معروف منو المعيننهم ذاته ..
بهذه الطريق يكون اي زول عارف مافي اي انسان في الشارع حيقول ليه ادفع ويكون دا في اي مدينة … حتى لايحدث تداخل في العمل الولائي .. وحاجة بسيطة جدا ..
او ربط كل هذه الاشياءبالترخيص وتدفع مرة واحدة في السنة بمعدل متوسط للبص والشاحنة والسيارة وغيرها ويروحو العطالة ديل يشوفوا ليهم شغل ..
[/FONT][/SIZE][/COLOR]

كلام جرائد يا عمنا آدآم وكل الكيزان يحملون دفاتر بأورنيك 15 جاهزة للتعبئة عند الطلب ولاي سبب كان بمختلف الطرق يمكن لهم استخدامها حيث ما شاؤوا يا ايها الآدم هل انت نائم على إذنيك ام بتتونس بمواضيع قديمة اكل عليها الدهر وثبت عدم صحتها ؟

كلام جميل جدا من السيد نائب الرئيس الحاج آدم

وهذا الأمر من المفترض كان لا بد ان يطبق منذ زمن بعيد ، وأصلا وقف العمل بأورنيك 15 خطأ قتصادى فادح ويجلب كل مظاهر الفساد ويشجع عليه، لا أدرى لماذا لم يصر وزراء المالية السابقين والوزير الحالى والسؤوليين بوزارة المالية لتفعيل العمل بهذا الأورنيك هذا الأمر لا يمكن قبوله من وزارة المالية مهما كانت المبررات .
هذا الأورنيك كما يعلم الجميع يحفظ حق الدولة وحق المواطن وتكون دورة النقود معروفة ويسهل أحتساب إحصائيات كثيرة يستفاد منها إقتصاديا
عموما نقول الرجوع للعمل بالأورنيك شىء مهم جدا جدا جدا ولا بد أن تلتزم كل الجهات الحكومية بهذا الأمر مهما كلف الأمر ونرى اذا كان هناك اى موظف صغيرا ام كبيرا وزير اوخفير يرفض العمل بأورنيك 15 علية أن يذهب الى بيتة ولا حوجة للدول فى عمله هناك المئات الجاهزين للعمل فى أى موقع يطلب منهم، فقط المهم الأخلاص والأمانة والعمل لمصلحة الوطن.
ونسأل الله أن يعين الجميع على خدمة الوطن والمواطن ونسأله ان يحفظ السودان وأهل السودان من الفتن ما ظهر منها ومابطن وأن يجعل كيد أعداء السودان فى نحورهم ويجنبنا شرورهم