سياسية
المهدي: الثورات العربية تلهم الشعب السوداني
وقال المهدي، أمس الإثنين في العاصمة القطرية الدوحة، حيث يشارك في منتدى الدوحة الثاني عشر: «إن فشل السلطة في إدارة الحكم إضافة إلى رياح الربيع العربي وتقاليد السودان الخاصة في الثورات، سوف تلهم الشعب السوداني إلى الانتفاضة وإسقاط نظام الحكم.
وأضاف أن هذا أمر وارد وأن السلطة تعد نفسها لمواجهة هذه الثورات وفق النماذج العربية التي أعقبت الثورة المصرية.
وتابع :»الأوضاع الاقتصادية في السودان سيئة للغاية وتنذر بالويل والثبور وعظائم الأمور».
وفيما يتعلق بعلاقة الخرطوم مع جوبا ، قال المهدي إن «السلطة في الخرطوم تتعامل مع جنوب السودان الحديثة من منطلق أقرب إلى الجانب العدائي». [/JUSTIFY]
الصحافة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
بالويل والثبور وعظائم الأمور…………………. ههههههههههههههههه راحت عليك يا هلم جرا بقيت تفتش فيها عند الشعب المسكين ؟ شوف ليك حاجه غير كده واعلن صراحة فشلك في قيادة حزبك نحو الافضل بعد ان اصبح حزبك متشرزم وكل واحد من اولاد المهدي عندو فرع …………. باي باي بابا الصادق ..
اقسم باالله العظيم ان الشعب السودانى واعى ودارى كل ما يدور من حوله ٠ ولا يلتفت الى هذه الهرطقات الخاويه
وان دلت فإنما تدل على الحقد والحسد على النظام الذى جذب معظم السودانيين بذكائهم٠ وعن قولك ان السودان يتعامل اقرب
للعداء مع الجنوب يا رجل اختشى على طولك وعرضك اختشى يا الامام بالله عليك دا كلام ر وح الله لا قز فيك بركه
طول ما عايش
يالصادق نسيت ولاشنو ياعمك لما قبضو عليك متنكر ونسيت لما هربت عن طريق الشرق ونسيت ايام الجمعية التاسيسة ونسيت مشروع التاكسي التعاوني بتاع المدام ياخي مافي حد غيرك انت والترابي نسيبك دمرو البلد ماتروحو ياخي مافي واحد بيموت ولا يروح في ستين داهية تاخدكم
السلطة في الخرطوم تتعامل مع جنوب السودان الحديثة من منطلق أقرب إلى الجانب العدائي — يازول ما تخاف الله في كلامك دا ؟ انت يا زول خليك واضح انت بتخاطب المجتمع الدولي وبتعمل تحريض علي الحكومة في سبيل الوصول للسلطة ولكن الشعب السوداني ما بقتنع بكلامك دا وقد تجاوز الذين لا يملكون موقف من قضايا الامة والناس .. ونحن اصلا ما بنصدق كلامك لكن بافتراض ان كلامك صحيح وانت الريس هل تتعامل مع الجنوب وفقا لذلك ؟ حينها انتظر سلفا غازيا علي بوابة بيت المهدي زي ما كان قرنق في عهدك كل يوم يحتل مدينة جديدة … وكان الحكاية رجعت ليكم حانودع بلد اسمو السودان في الخريطة
نحن لسنا من أنصار الحكومة الحالية و لكنها لو لم تأتي هذه الحكومة لكان رئيس السودان الآن سلفاكير. و لكنا نحن الآن في الأدغال نحاربه و ذلك بسبب ضعف الاحزاب ونظرتها للمنفعة الشخصية للسودان. نعرف ان البعض من هذه الحكومة قد اكتسب أموالا غير مشروعة ولكننا لا ننكر ان ما قامت به الحكومة من سلام و تنمية حكم وآتي لكل الأقاليم و لولا خيانة الحركة الشعبية لكان الجنوب و الشمال يعيشان في امن و أمان. لو نزل الصادق المهدي لوحده بالانتخابات فسوف لن يجد الا 5٪ من الأصوات و هي أصوات أهله و عشيرته. اما العقوبات على السودان و النهب المسلح الذي تحول لحركات تمرد فقد ورثتها هذه الحكومة من حكومة الصادق المهدي و هو ورث العقوبات و لم يستطيع ان يلغيها عن السودان بالرغم من انه جاء بالانتخاب الحر. و سبب ذهابه هو اشتداد التمرد بالجنوب المدعوم بالغرب.
انا اقول ليك الشعب السوداني حيطلع متين
لما يصحى الصباح لا يسمع بي شخصية اسمها الصادق المهدي ولا الترابي ولا كل الوجوه الشايفنها لينا اربعين سنة
وقتها ممكن الشعب يطلع عشان يفتش بديل احسن
لكن بي الضيق الحاصل للناس المسكينة دي صاااااابرة عشان عارفه انه الحكومة الرمة دي والقاعدين زي بعض
في زول يبدل كباية شاي بلبن بي شاي سادة وكمان بدون سكر ؟؟؟؟
الواحد كان يتمنى من السيد الصادق انه يكون علي الحق ومع الجماعه, ويترفع عن مصالح الدنيا الفانية وان لا يتبع اهواءها ومغرياتها ,وان يلتزم جانب الحكمه في اقواله وافعاله, وان لا يشق عصي الجماعه بتصريحاته التي لا تصب الا في مصلحة الاعداء والحاقدين علي هذا البلد وشعبه المسلم..اغرب تصاريح اسمعهاسبحان الله . من رجل من المفترض ان يحرص علي وحدة الصف والجماعه..سبحان الله الجنوبيون افضل حالاً ووطنية حتى لو كانت حكومتهم علي خطأ ومعتدية.
انا كسوداني وعشت ايام حكم الصادق المهدي في الـ86 الى 89 اتمنى من الله ان لا يعود تلك الايام السوداء ابدا نحن يا لصادق المهدي في ايام حكمك كان السودان بلد جائع وكان الشعب يحمل القروش في جيبه لكن لا يجد شي لا خبز ولا كهرباء ولا تلفونات ولا امن ولا تنمية بل كان جون قرنق يحتل المدن بالجملة في الجنوب وانت تلقى في المزيد من المحاضرات في الجامعات انا صراحة بسمع اسم الصادق المهدي بشعر الغثيان