صحف ومواقع عربية … تنشر فيديو لوزير الدفاع ( بعد هجوم ‘اليرموك’.. وزير الدفاع السوداني: ‘أنوار الطيارة كانت طافية !’ )
كتبت – نوريهان سيف الدين:
‘كيف لم تستطع الرادارات معرفة الهجوم الجوي على الخرطوم ؟’.. هكذا كان السؤال الذى جاءت إجابته بكل ثقة: ‘نعمل شنو.. الطيارة طافية الأنوار في الظلام !’ .
هذه ليست “أخر نكتة” يقولها “زول سوداني” بجلبابه الأبيض وعمامته الكبيرة والابتسامة على وجهه البريء، بل هو “تصريح” لوزير الدفاع السوداني الفريق أول ركن “عبد الرحيم محمد حسين” على شاشة التليفزيون.
وزير الدفاع السوداني: أنوار الطيارة كانت طافية
منذ أقل من أسبوع، شن الطيران الإسرائيلي هجوم خاطف على “مجمع اليرموك الحربي” جنوب العاصمة السودانية “الخرطوم”، منتصف ليل الثلاثاء 25 أكتوبر الماضي، وصرحت “الخرطوم” أن لديها أدلة على صحة الاتهام وأنها ستتوجه بشكوى لمجلس الأمن الدولي ضد إسرائيل.
وبعد طول انتظار، يظهر “الفريق الركن عبد الرحيم” على شاشة التليفزيون السوداني عبر برنامج “حتى تكتمل الصورة”، ليبرر إخفاق “رادارات” المجمع الحربي ويقول: “الطائرات بدون إضاءة.. والهجوم تم ليلًا “بعد العشا”.. وكانت الأنوار “طافية”.. ألم تكتمل الصورة لكم الآن ؟!” .
في نفس الوقت، نشرت صحيفة “صنداي تايمز” الأمريكية تحقيقًا حول “قصف الخرطوم”، أشارت فيه إلى استهداف مصانع سلاح يزعم تمويلها من “إيران”، فضلًا عن خرائط مرور الطائرات عبر البحر الأحمر، ومرورها بالمجال الجوي المصري دون شعور المراقبة الجوية المصرية بها أيضا.
النيلين – موقع مصراوي[/SIZE][/JUSTIFY]
انوار الطيارة كانت مطفية رد من وزير دفاع السودان وحليلك يا الكلية الحربية السودانية القائدة اغبى وزير دفاع مر على السودان
يا جماعة الزول ده كفاهو كرهتو السودان والدول المجاورة
الناس دي كلها بتغلط اشمعنا هو
الناس دي كلها بتخاف وبتتلعثم لما تظهر في التلفزيون وقدامك برنامج افراح افراح اشمعنا هو
هسي لو عرفكم بتتكلموا عنو بالطريقة دي يقول عليكم شنو
في زول عارفو حيقول شنو؟
طبعا حيقول ديل عالم طير ساكت لو ما طير انا بي حالتي دي قاعد وزير كم وعشرين سنة
بعدين انتو بالطريقة دي بتخلوا العالم يلاجظ لينا ويقول اذا كان مستوي وزير الدفاع كدة وبعد ده كلو ما غيرو اكيد ده احسن واحد فيهم يعني باقي العالم ديل طير ورجرجة
بعدين ياجماعة في معلومة انتو ما عافنها الزول ده : فريق واول وركن ومهندس
اها عندكم كلام في دي كمان؟
لكن المحرقني انا في ضربة اليرموك انو الجماعة اعترفوا علي الملاء وكل العالم سامع وقالو البلد قاعدةفي السهلة والتكنلوجيا الاستخدمتها اسرائيل انحنا ما عندنا يعني يا اسرائيل ولا غيرك بكرة لو عايزة تضربينا برضو ما عندنا ليك حاجة
اها ( نعمل شنو.. الطيارة طافية الأنوار في الظلام !’ ). دي مش احسن من كلام الجماعة الاخير
[FONT=Simplified Arabic][SIZE=7]يا ناس بلغوا وزير الدفاع دا انو فى شئ اسمه لادارات بحرية للرصد والمراقبة
نظر شنو فى عصر التكلنوجيا !!
قرفتنا اللة يقرفك[/FONT][/SIZE]
وانا اسا له لو كان مطاطا بضوء من المقدمة والمؤخرة ا كنتم تسقطونها
ثانيا كل دول العالم راداتهها بتكشف الهدف ولو فى الظلام ومهما حاول الهدف تجنب الرادارات ولا صنعت رادارات خاصة للسودان بحيث لا تكشف الاهداف فى الظلام
على كل حال انت لست فى الموقع المناسب فقط ما نفهمه ان البشير متمسك بك وزيرا للدفاع لثقته بك انك ستحاظ على بقاء الحكومة وهذا صحيح والنتيجة
ابقى يا حكومة وخرررررررة على الشعب وممتلكاته ول وابيدوا عن بكرة ابيهم
والسلام على من اتبع الهدى
[SIZE=4]والله ليهم حق يضحكو علينا طالما واحد دلاهة زي دا يبقوهو وزير دفاع وكمان شنو قال دايرين يرشحوهو يبقى الرئيس الجاي[/SIZE]
كلام جميل من وزير الدفاع ….من هنا نحن نطالب الاسرائليين ان يكون الهجوم القادم (لا قدر الله) بالنهار ….و اذا كان هم مصريين بان يكون هجومهم القادم بالليل …نرجوهم ان لا يطفؤا الانوار….رايك شنو يا وزيرنا……و الله عذر اقل ما يقال عنه انه استهتار و استخفاف بعقول هذا الشعب الذي به كثيرا من المجاهدين و الابطال الذين باستطاعتهم الوصول الى مبتغاهم بكل صدق و شجاعة و عقلانية …..الله يسامح كل من يعترف بذنبه و تقصيره…..
م[B]ن اليوم يااهل السياسه والصحافه السودانيه دعونا من مصر ومن استخدام وترديد كلمة الامن والعمق الاسترتيجي في البيانات والتصريحات السياسيه والمقالات الصحفيه واحمدوا الله بان الهدف كان مبني عسكري وليس الانسان السوداني وعلينا اعادة النظر في استراتيجيتنا الامنيه طالما مصر مرتبطه باتفاقية سلام مع اسرائيل[/B]
هو الجيش لا الوزير فاضيين مترفين ونايمين فى العسل ح يحسوا كيف فى طائرة غريبة اخترقت الاجواء ماخدين 70% من ميزانية البلد ونايمين فى العسل
أذا كان الغراب دليل قوم
المؤسف يا أخوان أن يكون هذا الرجل هو ممثل الجيش في الحكومة
المؤسف أن رئيس هيئة الأركان المشتركة و ر . هـ . أ القوات الجوية
و الدفاع الجوي مازالوا يمارسون مهامهم و واجباتهم كأن شيأ
لم يحدث . مجموعة من الجبناء هي التي علي قمة الجيش الأن
و هذا الأهبل ألا يدري نظرية عمل الرادار .. ألم يسمع بالموجات
الكهرومغناطيسية … أليس هو بمهندس نعم قد يكون كهربائي أو
ميكانيكي .. حتي هؤلاء يعرفون بصورة أو باخري أن الأضاءة لا
علاقة لها بكشف الرادار للأجسام
كان الجدر بك ان يقول تم التشويش عليها … و كان عليك أن
توفر لقواتك الوسائل الألكترونية المضادة للتششويش و تدريبهم و
و عمل الأجراءات اللأزمة لحماية هذه المنشئات التي أنشأت بأموال
هذا الشعب المقهور .. لأنها ما من جيوبكم و لا تعبانين فيها
مثلكم كمثل الذي يبني قصرا فاخرا و يؤثثه بافخر الأثاث و أغلاه
و يترك هذا القصر بدون أبواب و بدون خفير .. هل تري يا أهبل
سيترك اللصوص هذا القصر .. أم سيكون العذر أن الحرامي جاء
بالليل و الكهرباء كانت قاطعة .. الله يقطع رقابكم كلكم
و المجلس الوطني .. لن نحاسب و زير الدفاع و لكن سنستفسره عن
كيفية الرد .. الطيور علي أشكالها تقع .. منكم و فيكم .. أي
أجابة ستكون مقنعة لكم ..
لماذا لا تقوموا بعمل تحقيق شامل يكون علي رأسه كوادر القوات
المسلحة المتقاعدين المشهود لهم بالكفاءة و النزاهة من الذين
لا لون سياسي لهم عسي ان تجدوا الدواء عندهم
أسأل الله أن يحفظ بلدنا و أن يبدلنا خير منكم
الله يطفيء انوارك وانوار العينك يا يسجم
لو كان جاب واحد شماسى من الشارع كان اتكلم احسن منو
الانوار كانت طافيه
يعنى عايز يعمل ليك كونتاك ويضرب ليك بورى و يقول ليك خلى بتاع الفول التحت دا يقفل عشان عايز اضرب
والله انا زعلت من كلامو اكتر من المصنع نفسه
تخلف
العباطة دة مطلوبة يعني حنقول رادارنا قديم ولا نقول شنو أجوائنا فاضية تعال يا اسرائيل اضربنا تاني ما أكد حيقول كلام زي ده عشان ما نكشف المستور والمستخبي
ولكن تبين لدينا جميعاَأيها الوزير البطل أننا امفكوووووووو عديل أجواء واراضي ام درمان كما حدث من المتمردين ودخلوا امدرمان لا بد من تطوير نظام الرادارات وتكون حديثة آخر ما توصلت إليه التكنولوجيا وتكون حبذا ثلاثة أنظمة عشان الواحد لو ما لقط يلقط الثاني والاهم الاستعداد لأن لو لقط ما مستعدين نضرب أي طائرة نكون كانك يا أبوزيد ما غزيت ونقول ياريت اللي جرى ما كان
و الله وزير مسخرة
قوووول ولعوها؟
عبد الرحيم محمد حسين غير جدير بأن يكون مدير دعك عن وزير ، لا طموح لديه، وقدراته متواضعة،، البشير يريده لذلك حتى لا ينقلب عليه ،، فهو من جهة صديقه ومن جهة أخرى لم يصدق ان يكون وزيرا، يفعل البشير ذلك على حساب كرامة وعزة الوطن… كفاية علينا،،، البشير وصحبه،،، لم يحتاج محاضير لكل هذا الوقت لكي يصنع من ماليزيا دولة علم،،، وانتم تبدأون من الصفر بعد 26 عاما،،، فعلا صدق الله ان السلطة انما تنزع نزعا و لا يمكن ان تتنازلوا عنها ( بأخوي وأخوك)..
يا وزير الهنا والسرور ،،، مش كان قلت راداراتنا طراز قديم مش كان أفضل من الأنوار طافية ….
تطفوا إن شاء الله في مصارف الصحة بتاعت الحاج يوسف
قيل ان الطايرات الاسرائيلية ضربت الخرطوم والشمس نص النهار وسحابة
مافى يعنى كلو واضح وسالو وزير الدفاع اه كيف فى الشمس قال ليهم
الطيارة كانت مولعة انوارها وعاكسة مع الشمس افتكرناو مذنب هالى حسب
كلام الاهالى بى لسانك العريض ده بى بصغة تجيب الطيارة واقعة وتف عليهم باقى الصعوط