توقيعات لبرلمانيين وحملات للضغط على البشير للترشح للرئاسة

ربع قرنٍ من الزمان .. يكفِي القول .. هذا زمانك يا مهازل فأمرحي .. كأنما السودان لم يلد.

يا ريس لا تنظر لهم انها نظرة ضيقة ونظرة الحزب الواحد ونظرة المصلحة والتملك، السودان خلاص ضاع وكل الشباب والمتعلمين هاجروا والبقية تأتي وما بقي غير المؤتمرجية والمصلحجية، ولو انت فعلاً سوداني وبتحب السودان نرجو منك ألا ترشح نفسك مرة أخرى، كشخص والله حقيقة بنحبك ونحترمك لأنك شخص نزيه وشريف ورجل اغبش مثل بقية السودانيين وقلبك على السودان، لكن السياسة والشعب تعبوا من الطابور الطوييييييييييل خلفك، لو حقيقة بتحبنا لا تترشح وسوف نجمع لك ملايين التوقيعات لو عايزين كدا.. وأمسك دا واحد وجاري كما برفع في يده.. ومين كمان؟! عايزين اصوات سودانية خالصة حبها وعشقها لهذا البلد.. وعايزين نرجع خلاص كفاية تشرد وغربة.. والله أكبر والعزة للسودان.

هذا كلام عجيب
واقرار بهشاشة الوضع القائم فى البلاد وفشل التجربة برمتها
هل تماسك البلاد يضمنها الافراد ام المؤسسية؟
اذا حدث مكروه للرئيس كيف يكون الوضع؟
ايها البرلمانيون انتم الحلقة الاضعف فى النظام القائم وانتم لاتخافون على البلاد بل تخافون على انفسكم من التيتم
لنا الله

نعم هو الضمانه الوحيده ل استمرار مخصصاتكم المهوبه من عظام الشعب الصابر و الصاامد و ديمومه تعاطي الرشاوي يا برلمانيي الغفله ليكم رب هسي و بعدين

كفايه كفايه كفايه …. 25 سنه خلوه يرتاح والعباد ترتاح الرحمه في التغيييير

تمسككم بترشيح البشير لشىء فى نفس يعقوب ؟
بالنظر الى مصلحة الوطن و المواطن و ما أل اليه من صراع و فرقه و شتات و تشريد و حرب ضروس وعنصريه و تشرزم الوطن و انفصال الجنوب بموجب اتفاقية السلام و ما زال الخصام و الجيوش مرابطه فى مواقعها تتأهب للحرب و التى سوف تكون مختلفه عن فترة التمرد لفئة من مواطنى الدوله خرجوا عن النظام الحاكم ؟
نشكو و نحن فى الغربه الذى اصاب ابناء الوطن الواحد و كان فى السابق السكن يجمع كل قبائل السودان و على مائده و احده يتناولون طعامهم و الهم واحد و الكل سودانى دون قبليه او اثنيه او حزبيه ؟
اليوم اصبحنا جماعات جلابى و غرابى و كردفانى و نوباوى و هذا الذى ادخله علينا النظام الحاكم و أمير المؤمنين الذى سعى للتفريق بين المواطنبن بالقبيله و اللون و الانتماء ؟
عدم الترشح و هو املنا فى أن يكون سببا فى اعادة اللحمه الوطنيه و التمسك بالجنسيه السودانية و نبذ العنصريه .
ونحتاج الى ثلاث عقود من الزمان لاصلاح ما دمر و اعادة المشردين فى دول الجوار و داخل الوطن الى ديارهم و رفع المعاناة عن الفرد و لم الشمل وتوحيد الجماعات فى ظل الوطن الواحد الموحد و المساواة فى الحقوق و نشر ثقافة التكافل و حفظ حقوق الاقليات بالعدل .
ومن يطالب ببقاء البشير فأنه ينظر الى مصلحته الشخصيه و متناسيا مصيبة الوطن و المواطن .

كلام ممتاز وكلام جميل ولاكن لمتي لازم يكون في تغير لتحقيق الدكقراطية الحقيقية

انا توقعت ان اقرا خبر زى دا بس ما بالسرعه دى – تكتيكات سياسيه ومناورات وجس نبض مستحيل يمشو باخوى واخوك كدا السلطه حلوه جدا جدا ليهم وانا عاوزهم يقعدوا عشان ذنوبهم تكتر وعذاب القبر قريب – ازهرى عبود نميرى وين هم هسه؟؟؟؟؟ اطروا ان هناك موت حق وسؤال وعذاب وجهنم لكل ظالم فكروا فقط لمدة خمسه دقائق يا انقاذ ان حا يجي يوم تموتوا واذا انتم فاسدون وظلمه حا يحصل عذاب وعذاب عظيم جدا من اول نزولكم القبر – فكروا واتخيلوا الحته دى لو بتفكروا فيها ما بتتمسكوا بالسلطه للدرجه دى واخشي انكم تقروا كلامى دا وتضحكوا لانكم فى غياب عقلي وما بتعرفوا شي غير الدنيا الحلوه والسلطه واجاه والعظمه

وووووووووووووب حي ووووووووووووووووووووب حي

الكارثة أمثالكم أيها البرلمانيون .. فلتذهبوا معه بلا رجعة .. .. اللهم ولي أمورنا خيارنا .. ولا تولي أمورنا شرارنا .. اللهم ولي علينا من يخافك فينا و يرحمنا .. ولا تولى علينا من لا يخافك فينا ولا يرحمنا .. يـــارب .. اللهم أحفظ سوداننا من كل سوء ومكروه .. اللهم أجعل هذا البلد آمنا ..