كوش نيوز .. أخبار السودان بين يديك

حركة التحرير بقيادة مناوي توافق علي الحوار مع الحكومة وتحدد مطلوبات التفاوض



شارك الموضوع :

[JUSTIFY]أعلن نائب رئيس حركة تحرير السودان بقيادة مني أركو مناوي، عبد العزيز أبو نموشة استعداد الحركة للحوار مع الحكومة، واشترط إدراج كافة المشكلات التي تواجه السودان في تلك المفاوضات ومشاركة القوي السياسية فيها.

وأبان أبو نموشة في تصريح لـ(القرار) أمس، أن هدفهم يتمثل في تحقيق السلام، وإنجاز التحول الديمقراطي، وقال (إذا قبلت الحكومة التفاوض علي أساس تناول القضايا كحزمة واحدة، لن يكون هناك رفض من بقية الحركات والفصائل المسلحة)، وأكد قناعة حركة تحرير السودان بأن الحرب ليست الطريق الأمثل للتغيير والسلام، وقطع بضرورة أن يكون هناك حلا سياسياً لقضايا الوطن بدلاً عن التقسيم والجهويات التي ذكر أنها تهدد السودان.

صحيفة القرار[/JUSTIFY]

شارك الموضوع :

17 التعليقات

إنتقل إلى نموذج التعليقات

      1. 1

        يجب سحقهم وقطع ألسنتهم وصلبهم من خلاف لما ارتكبوه من قتل للأطفال والنساء والشيخ وطلاب الخلاوي الذين ذبحوهم ذبحا وألقوا بهم في (التكابة)، هؤلاء مجرمين وقتلة وسفاكي دماء وقطاع طرق على القوات المسلحة ألا تتوقف لحظة عن مطاردتهم في كل مكان حتى لو دخلوا جحر ضب فليصبوا عليهم حمم نيران بنادقهم .

        الرد
      2. 2

        [B][SIZE=5][FONT=Arial Black]هوي يا ناس الحكومة
        لا يلدغ المؤمن من جحر مرتين
        مع انكم مستعدين تتلدغوا مائة مرة
        لكن الواحد بيقول ليكم
        ما تصدقوا البشرية دي
        ديل عايزين تاني يدخلوا الحكومة
        ولحدي ما جيشهم يقوى تاني
        ولحدي ما ينهبوا ليهم كم مليار كدا
        ويرجعوا تاني للتمرد
        وبكرة تقولوا بتاع كلو قال[/FONT][/SIZE][/B]

        الرد
      3. 3

        ده تبادل ادوار .. يضربوا .. ينهبوا يكتلوا يغتصبوا .. يدمروا يستنزفوا البلد .. ثم مفاوضات وهدنة وشوية شويه يقوم جناح تاني كان عدل ومساواة ولا عبد الواحد او حلو او عقار يضرب وينهب ويستنزف وتاني يقولوا مفاوضات وهكذا حتي لاتقوم للسودان قايمة ……

        حسبنا الله ونعم الوكيل وربنا يرحم شهداء ابوكرشولة وكل ضحايا هؤلاء الاوباش الابرياء العزل ولا حول ولاقوة الا بالله وربنا يورينا فيكم ليه في الدنيا دي انشالله .هو القهار المتين وهو صاحب العذاب الشديد وان بطش ربك لشديد ……

        الرد
      4. 4

        بعد ماتم سحقكم وهزيمتكم وتشتيت شملكم – الان تطلبو السلام- ماكنت يامناوي مساعد الرئس وجالس في القصر الجمهوري واخر ترطيبة الخلاك تتمرد شنو – انت ماعارف ان قواتنا المسلحة مابتلعب بتجيبو حي وتاكلو نيييييييييييي

        الرد
      5. 5

        [SIZE=5]بالله عليكم دينكم وإيمانكم فكونا من كل يوم مفاوضات وعبس ولعب على الشعب المسكين خلوها دواس على طول ونشوف منو البملا شبكتوا قرفنا خلاص من الكلام الفارغ دة كل واحد حايم مع الغنم فى الغابة تانى يوم يلبس بدلة ويقعد فى افخم الفنادق ويقول ليك بنتفاوض ستة وسبعة شهور لمن عيونوا ماتظهر من الجدوم المنتفخة لازم يكون فى تغير فى التعامل مع البشر المتعطلة دى ويضربوا بيد من حديدوالله يرحم ايامك ياأبو عاج[/SIZE]

        الرد
      6. 6

        لعنة لله على كل ظالم وقاتل وغادر…ورجاء ان يتعد السياسيون والمرجفون ويتركوا القوات المسلحة تثخن في العدو وتجيب الثار…الموت ولا العار ولا صوت يعلو الان فوق صوت البندقية فلنتحد خلف مقاتلينا البواسل ولا عدوان الا على الظالمين….والله اكبر

        الرد
      7. 7

        المفاوضات يكون مقرها

        امروابه وأبو كرشولا
        ويحضرها اهالي الشهداء

        الرد
      8. 8

        [B]حسبنا الله ونعم الوكيل

        وهل تلد الحية فأراَ ؟

        كرهتونا حياتنا بعدد حركاتكم التي بعدد نجزم السماء [/B]

        الرد
      9. 9

        بعد تنظف تلاليشك المغبشات ديل من شراب المريسة والبنقو بعدين تعال اتفاوض مع الحكومة

        الرد
      10. 10

        سلام عليكم
        أهلا وسهلا… نحن المسلمون نعلم أن المفاوضات والحوارات هي من مراحل الحرب، فلا مانع من ذلك..ولكن الغير معلوم وغير مفهوم هل يوجد في العالم اليوم عدة حركات مسلحة متمردة في بلد واحد وترمي إلى هدف واحد؟
        أقصد لماذا لا تتحد حركات دارفور مع بعضها أولا؟ ولماذا تنقسم كل يوم الحركة إلى حركات؟ والمشكلة باسم واحد ( تحرير السودان).
        سؤال: هل أعلنت حكومة الجنوب أنها قد حذفت كلمة (تحرير السودان) من ذيل الحركة الشعبية؟

        الرد
      11. 11

        بعد ماشبعوا من القتل والدمار والخراب ومص الدماء إعترفوا أخيرا بأن الحرب ليست الطريق الأنسب للتغيير والسلام ، وكل شئ جائز في عهد حكومة الإنقاذ “الدمار والخراب” التى ضاعت في عهدها هيبة وسلطان الدولة وأصبحت دولة الإستسلام والإنكسار والذل والهوان والإنبطاح والإنبراش الذي لم يحدث على مر التاريخ ، وأركوي حايأتي مرة أخري مساعد للرئيس”مساعد حلة ” بعد أن ضاقت به السبل وشبع تقتيل وحرق ودمار ، وكل شئ جائز في عهد الإنقاذ وسوف تجدون كل متمردي دارفور في يوم الأيام داخل القصر وهذا ماشجعتهم عليه أمريكا واسرائيل بالعمل من داخل الحكومة لتنفيذ أجندتهم بعد أن ثبت لهم بالدليل القاطع بأنه لا يمكن تحقيق أس شئ بالحرب مع قوة الجيش السوداني والهزائم المتكررة لعملائهم والحذر الحذر من هؤلاء الخونة المجرمين وعدم التفاوض مع أي مجرم قاتل مطلوب بالأنتربول .

        الرد
      12. 12

        اول حاجة يتم محاكمة هذا المجرم واعتباره مجرم حرب لانه كان السبب الرئيسي في مقتل الاف الابرياء .. واذا الحكومة قبلت ان تفاوض فاننا نطالب بكل من قتل قريب له ان لن يرضي باي تفاوض مع اي مجرم ونطالب بالقصاص منهم

        الرد
      13. 13

        دمك خفيف يا ابو ناموشه

        الرد
      14. 14

        اها والمرة دي مناوي عايز ياتو منصب .. والله يا ناس دارفور بعد شوية نقعد نتفرج فيكم والنار حتاكلكم كلكم لانه مافي واحد فيكم راضي بالتاني وكل واحد او عشيرة او قبيلة يعتقد انه هو الاحق بحكم السودان وليس دارفور
        ودا ما حصل الا تساهل الحكومة وعدم الحسم العسكري..

        الرد
      15. 15

        [SIZE=3]ماذا عن امروابة وابوكرشولا دم اهلنا لن يضيع هدر حتى لوحصل سلام باين عليكم نسيتو المثل البقول . كردافه والحارة مابنخفا ورا كم وزمن طويل .وصوان العزاء موجود حتى ناخز بثاءرنا.[/SIZE]

        الرد
      16. 16

        قصة جمال: قصة حقيقية للمواطن جمال الهسة قاعد في سجن كوبر.. جمال لقى تلفون كبر والي دارفور واتصل عليهو قال ليهو نحنا كتيبة مسلحة وفترنا من الحرب وعايزين ننضم للمفاوضات..كبر داير يطير من الفرح وجمال بس طلب 20 مليون عشان الممثلين يسافراوكبر رسلا ليهو وسالوا من موقع الكتيبة قام اداهو القائد اتكلم معاهو ووصفوا ليهم موقع الكتيبة..الجماعة مشوا وما لقوا حاجه وتابعوا الرقم واكتشفوا انو جمال دة بتاع طبلية في طريق الخرطوم مدني جنب المسيد والقائد دة بتاع الطبلية التانيه الجمبو…يعني مناوي ده ممكن بكون بتاع الورنيش الجنب الطبليه

        الرد
      17. 17

        علي السلطه الحاكمه الا ترضخ لمثل هذه الاشياء انها استراحه محارب للحركه حتي تتسلح من اموال الشعب السوداني(الفضل) وبعد ذلك يهربو للغابه -هل يعقل بانسان دخل القصر الجمهورى ويخرج من للخلا والصي

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس