الخضر يقرُّ بأن تغيير مواقف المواصلات أرهق المواطنين

كلام وحكي فاضي وكل شئ يتم بعشوائية مبالغ فيها وبدون أي دراسة جدوي وبدون أ يتخطيط “خبط عشواء” ياحليل زمن أبو جنزير وميدان الأمم المتحدة وزمن سوق الخضار ” رجعوا المواقف لهذه الأماكن لأنها في قلب الخرطوم وراحة للمواطن والمجهود الذي تم في موقف كركر والإستاد وشروني كان يمكن أن يجعل من أبوجنزير وميدان الأمم المتحدة مواقف بعدة طوابق “إثنين أو ثلاثة ” ولكن ” مخ مافي” وكان الله في عون السودان طالما أن ولاة الأمر بهذا الغباء وأحالوا حياة المواطن إلى جحيم لا يطاق والناس ماتت عديل كدي ” إتقوا الله في الشعب السوداني ياكيزان يافاسدين يامفسدين ” ذليتو الناس وكرهتوهم السودان “

يا خي الشعب مرتاح، كركر شروني الاستاد انشاء الله موقف بحري يودوه الرميلة ما فارقه طالما انتو مرتاحين. وكل المنتقدين من الطابور الخامس ديل ما عليكم بيهم، بالله ديل في شنو والناس في شنو. الولاية تستعد لتجريد مليشيا الدفاع عن الخرطوم
برا وبحرا وجوا زى ما قال المعتمد. والجيش طبعا حيكون في خدمة مليشيا الكيزان لانه غير موثوق فيه زى ما كان في غزوة امدرمان وما تنسوا تفكوا لينا اخواننا من حرامية الاقطان والاوقاف زى خالد سليمان اللى سرق الاوقاف في مكة والمدينة وحكمت علية محكمة غبيانة بعشرة سنوات سجن، حتى لا يفوتهم شرف الجهاد والدفاع عن عاصمة مثلث حمدي الخرطوم. أما اسرائيل فكلما تضربنا فنقول ليهم انبوبة، مرة لحام ومرة اوكسجين ومرة ستلين واذا كان زيادات وزير المالية صدقت والناس طلعت الشارع احتجاجا على الغلاء نقول ليهم دي من تدبير اسرائيل والصهيونية العالمية .. شفت الموضوع بسيط كيف كله كذب في كذب وبرضو واحد يقول الحلو مات والتاني يقول ما مات .. وكلو لراحة المواطن انها سياسة الانقاذ السرمدية والتي تضطرد ولا تتخلف. تتخيل من سنة تسعين منتظرين “نأكل مما نزرع …” ولسه بنسورد الثوم من دولة الالحاد الصينية .. في أحسن من كده.