سياسية
الجاز : الحكومة تدعم اسطوانه الغاز الواحدة بـ (60) جنيهاً
وأكد الجاز خلال افتتاحه امس عدداً من مستودعات ومراكز توزيع الغاز لشركة النيل للبترول بولاية نهر النيل ، سعي وزارته لتوفير الغاز لكل المواطنين في الولايات المختلفة ، وكشف عن اتجاه لاستحداث خدمة الغاز المنزلي بتوصيلها عبر انابيب في السنوات المقبلة ، وتعهد بتوفير الغاز للمستهلك بالسعر الرسمي لمحاربة مضاربات التجار .
صحيفة الرأي العام
ع.ش
ما قالو زول و ما اظن يقولو و راك بشر .
يعني اسطوانة الغاز سعرها 81/5.5 = 14 دولار اتقي الله يا راجل و الله مافي دوله في العالم تبيع بهذا السعر و سعر الطن لا يصل لذلك.
فحسبا الله فيكم.
أذا كان فعلا أسطواتة الغاز بتكلف كده فعلي الوزير قفل أبار النفط و استيراد الغاز من دول الخليج لان ذلك من شأنه أن يجعل السعر أقل مما يباع به الآن ولكن الوزير يكذب و لا يقول الحقيقة وهي أن الدولة بدلا عن ان تخدم المواطن نجدها تتاجر فيه و بأغلي ثمن.
طبعاً دا تمهيد لرفع الدعم(المزعوم) .. من الغاز … الله يقرفكم ….
كلامك سليم يا سعادة الوزير بس في المقابل :-
1. ضرائب على المواطنين تمثل كثير في الموازنة العامة .
2. جمارك مبالغ فيها تعتمد عليها الدولة في تسير البلاد.
3. رفع دعم عن التعليم الذي أصبحنا من الدول المتأخرة .
4. تردى الوضع الصحي بالبلاد.
5. تردى الوضع البيئه.
6. تفشى الفساد بصورة جعلت سمعة البلاد في الحضيض بالرغم من الدول تنفق على رفع كفاءة الموظفين .
ايها الشعب السوداني الفضل … يجب ان تحمد الله صباح مساء علي نعمة الانقاذ والمؤتمر الوطني … كل يوم يصبح تبوس يدك وش وضهر ورجليك بعد الوضؤ وتدعو لكل الوزراء بطول الاجل ولرئيس الجمهورية بكل آيات الحب والحمد لله علي انه رئيسنا وعوض الجاز وزير بترولنا والتاني داك بتاع زراعتنا وحمودي بتاع ماليتنا وبكل من هب ودب وتقلد اي منصب من اصغر محلية الي اكبر شركة اقطان واوقاف بالبلد …. فهم يبذلون الغالي فقط من اجل رفاهيتنا ولولاهم لكنا الان ماسكين قرعتنا ومن بيت جيران لآخر نشحد …. ايها الشعب العظيم اللئيم … ماتمسك العصاية من النص بل تمسك ( بالشريعة والشرعية)من ثورة الانقاذ ومؤتمرك الهندي اقصد الوطني وكفاية ياخ كفاية عليك انهم رضوا بأن يكونوا لك حكومة وتنازلوا بأن يمثلوك امام الدول والعالم ولولاهم لما اوقدت في بيت حلة ( رشوشة) ولأشتهينا اللقيمات والكمونية …. فلا ترفسوا النعمة … جددوا لهم واقنعوهم بأن يكونوا لكم اولياء نعمة …. فأنتم بدونهم لاتسوون شُرّاب معفن مقدود …. وكفاية انو ابو الجاز بدعمنا بي 60 جنيه لأسطوانة سعرها 15 جينة … ودي وحياتكم في السويد ومن ملكها البليد ماحصلت … احمدوا ربكم واشكروه يزدكم وغير كده يفشفش مصرانكم ..
الحل الوحيد خروج الانغاذ وسياسة الانغاذ من الحكم
البلد كنا بنقول ماشة لي وراء اسي بقت مامعروفة ماشة وين ..
هو دعم ام انخفاض فى قيمة الجنية الحكومة بتحسب بالدولار وكل ما انبطح الجنية امام الدولار الحكومة عايزة حقها الحكومة لا اقول بذكا لكن بخبث قلبت المعادلة وحملت المواطن جمايل دفعها لفرق الدولار اى ان المواطن كل يصبح هو مدان لوزارة المالية لانه بدفع بى عملة ماعندها قيمة والمسؤول هو المواطن لكن المسطول ما عارفه منو
عليك الله ياسيادة الوزير تجاوبني بكل صراحة .. إنت قاعد تشتري غاز لبيتكم ولا بجيبو ليك مجاني ؟ ولو بتشترية بنفس السعر البشتري بيه المواطن ماهو نسبة سعر انبوبة الغاز لدخلك الشهري ؟ وماهو بالمقابل سعر أنبوبة الغاز لدخل المواطن العادي ؟؟ قاعد تعالج أولادك بفلوس ولا مجاني .. ووين ؟؟ قاعد تعلم أولادك بفلوس ولا مجاني .. ووين ؟؟. عارف وجبة الغداء عندك وأمثالك من المسئولين .. بتكلف كم ؟؟ وصحن العدس للمواطن المسكين بكلف كم ؟؟ وقضايا إختلاس المال العام بالكوم ولحدي الآن ماسمعنا الحكومة مسكت واحد مسئول حرامي وورونا اسمه منو ؟ وسرق كم؟؟ السودان ده فيه خير كتير … لكن بمشي وين … الله أعلم .
[COLOR=undefined][SIZE=4]لاحولاولاقوةالابالله اختشى ياخى ومعروف انو الغاز ارخص المنتجات وشى يعتبر من من المخلفات البتتحرق فى الهواءالطلق يعنى مجانى عديل واكيد كلام الفك المفترس دا تمهيد لزيادة الغاز وسد فرق العجز منو [/SIZE][/COLOR]
اتق الله يا الجاز
الهى تولع بجاز يا الجاز انت وحلفك المعاك
بس ليكم يوم …. حتى لو بقى يوم القيامه يومكم راجيكم
ياجماعة انا بدفع كرباء وموية وغاز عبر المواسير شهريا 75 دولار مع العلم سخان البيت فى الشتاء شغال بالغاز يعنى اريعة شهور شغال يومى
ولا مدعوم ولا مغروم والسعر شامل الضرايب وترحيل الغاز من المنبع الى المستهلك