[JUSTIFY]
تداولت عدد من المواقع الإلكترونية وصفحات الشبكات الاجتماعية أنباء عن اعتقال شرطة دبي لابن وزير البترول السوداني د.عوض احمد الجاز وبحوزته حقيبة بداخلها مبلغ 10 ملايين دولار ، عقب وصوله إلى دبي قادماً من الخرطوم خوفاً من الاحتجاجات الأخيرة في البلاد ، وكان هذا الخبر قد انتشر خلال الأيام القليلة الماضية التي شهد فيها السودان اضطرابات امنيه بسبب الاحتجاجات على رفع الدعم عن المحروقات .ونفت المصادر الأمنية ما تردد عن احتجاز عمار عوض الجاز في دبي ، وقالت أن عمار كان يمر عبر دبي في رحلته وان الشرطة والأمن لم يجدوا أي شيء مريب معه .
النيلين – خليج تايمز
[/JUSTIFY]
الاسهل كان تجيبو عمار ذاتو لو صادقين
[B][SIZE=4]وانت منو عشان تنفي او تثبت الخبر؟؟ عايزين جهة اماراتية مختصة اواي مسؤول بمطار دبي ينفي ذلك وياحبذا لو كان الفريق ضاحي خلفان لانه بيكره الاخوان كراهية اكثر من اليهود..[/SIZE][/B]
طبخوهـــــــــــــــــا ماكان العشـــــــــم يادبي
[SIZE=4]كيف الامارات عرفت انو دا ابن عوض الجاز الظاهر قدم رشوى للاماراتيين عشان كده ما فتحو خشمهم[/SIZE]
نحن إذا إردنا حقيقة أن نتعرف على ما يملكه عمار عوض الجاز حقيقة والده يملك عشرات العشرات من أموال الشعب المقلوب على امره والمنهوب عبر 24 سنة .
أتقوا الله في انفسكم . خليك من عمار الذي يرجع والده إلى الجاز ومعروفة شركات عوض الجاز . نحن نعرف كيزان هلافيت في مناطقنا الأن اصبحوا يمتلكون ملايين الدولارات . واتحدى أي سوداني ما يكون معهم في قريتهم أو حيهم عدد من الكيذان الآن معهم ملايين الدولارات ( بليارات الجنيهات ). اللهم جنبنا الكيذان وشرذمتهم .
الراكوبة من يصدق الراكوبة يكون راكوبة هسع فطو اشاعة فى مصطفى عثمان
هذا التصريح اكد ان عمار فعلا تم القبض عليه والافراج عنه
نفي الخبر بما يشبه الاثبات ؟؟؟ كلام مبهم لا مصداقية فيه
وقالت أن عمار كان يمر عبر دبي في رحلته وان الشرطة والأمن لم يجدوا أي شيء مريب معه .
كده يادوب صدقنا انه الكلام صحيح ميه الميه وانه الحرامي قبضوه في دبي وعقبال مايقبضوا ابوه كمان…
ما قلت عايز دليل يا ريس
نفرض أنو الولد دا قبضوهو بي القروش القالوها دي .. طيب الممكن يرجعها لينا منو ؟؟
طيب ناس الامارات قبضوهو لي شنو ؟؟ دائرين يعملوا بالدولارات دي شنو ؟؟
كان الخبر دا صحيح كيف قدر يمرق بي مبلغ كبير زي دا من بوابة عبد القيوم .. كان راكب حمار ولا شنو ؟؟
يا أخوانا خبر زي دا (علم لا ينفع وجهالة لا تضر) والقروش الرائحة في حاجات تانية في البلد دي أكبر من كدا ؟؟ وكان ما مصدقين أسألوا وزير الـ
وعند الله تحتكم الخصوم
وضحوا اسم المسؤول الاماراتى علشان نصدق
الملايين من الدولارات ديه بتاعت أبوه وهي عبارة عن العمولات باليقبضها من الشركات الصينية تحت تحت ، ولما أبو شاف المظاهرات وفوران الشعب ، قال لولده بكرة تسافر لسويسرا وتشيل معاك الملايين ديه وتكون بأسم ولده عمار ، عشان لو الحكومة راحت في ستين دهيه ما يلاقوا الجاز عنده ملايين في البنوك السويسرية .
وولده عمار سافر سويسرا عن طريق الأمارآت ترانزيت .. وكشفوا عنده الملايين بمطار دبي ….
كذابين ولا يمكن لشرطة دبي أن تكذب ؟ وهو فعلا معه هذا المبلغ وهارب من السودان خوفا من الإحتجاجات الأخيرة لأنه تخيل بأن الجبهة الثورية سوف تأتي وتذبحه وأبوه وتعلقهم من عراقيبهم كما حدث في أبوكرشولا وهذه خطة لتهريب ثروتهم للخارج ليس أبو الجاز فقط بل كل المتنفذين وحتى أسرهم تم تسفيرها خارج السودان والميرغني هرب إلى لندن والكل كان طائرته مدورة للهرب ، ومش كدي وقبل فترة تم إعتقال أخيه الاكبر في دبي ومعه 150 مليون دولار نقدا ” ماذا يدل ذلك ” والله حكاية عجيبة يا أولاد ود الخالة ؟؟؟؟؟ ” أين كان عوض الجاز قبل مجئ الإنقاذ ؟ وكم كانت ثروته ؟ وهل كان لديه ممتلكات ” نرجو من أبناء منطقته الرد علينا لأنهم أكيد يعرفون تاريخه كويس ؟؟؟؟؟؟ غايتو أخوه كان ضابط مجلس في الحاج عبدالله وكان موظف عادي جدا جدا ولكن أكيد حسع بعد الإنقاذ صار شئ ثاني ؟؟؟؟؟؟؟؟؟؟؟؟؟؟؟؟؟
لا أدرى ان كانت هذه القصة حقيقية أم لا فقد كثرت الشائعات وأرجو من الاخوة تحرى الدقة فى أى خبر حتى لا يحسب لصالح الطرف الآخر .. ولكن دعونى أروى لكم قصة حقيقية كنت انا نفسى شاهدا عليها ..
فى بداية حياتى العملية عملت كمندوب مبيعات فى شركة ابوالعلاء الهندسية (( المرسيدس)) وفى أول اسبوع عمل كنت اطلع على الملفات لاتعرف على هوية السودانيين الذين كانوا يملكون سيارات مرسيدس موديل (( الشبح )) والتى كانت رائجة فى تلك الأيام وعلى ما اذكر ان الذين كانوا يملكون سيارة شبح فى ذلك الوقت كانوا يعدون باصابع اليد الواحدة ولكنى فوجئت وانا اطلع على وثائق ملكية السيارات الواردة أن رجل أعمال سودانى شهير كان السودان كله يتحدث عن سيارته الشبح لم يكن اسمه موجودا من ضمن الاشخاص الذين اشتروا سيارة شبح من الشركة ومما زاد من المفاجأة انى قرأت اسم عوض احمد الجاز كأحد مالكى السيارات !!! وعندما سألت رئيسى فى العمل قال لى بحسرة كلام فى ما معناه : (( دع هذا الموضوع .. فهذا اسمه اللعب مع الكبار … هذه السيارة دخلت البلد باسمه لأنه لديه اعفاء جمركى ومن ثم يتم تحويلها لملكية شخص آخر فبدلا من ان يدفع المالك الحقيقى مبلغ الجمارك كاملا للدولة .. يدفع نصف المبلغ للوزير ويمشى حاله)) ..
والله على ما أقول شهيد
حسبنا الله ونعم الوكيل