توقعات بمشاركة (دبجو) في التشكيلة الوزارية المرتقبة
وكشف الناطق الرسمي باسم العدل والمساواة، الصادق يوسف، في تصريح لـ(المركز السوداني للخدمات الصحفية)، عن تكوين ثلاث لجان مشتركة بين الطرفين، هي اللجنة القانونية، واللجنة السياسية، واللجنة العسكرية، فيما لم يستبعد دخول رئيس الحركة بخيت دبجو، ضمن التشكيلة الوزارية المزمع إعلانها، في إطار مشاركة الحركة في السلطة على مستوى المركز والولايات، مشيراً إلى عقد اجتماع مشترك بين الحركة والحكومة، خُصص لبحث مسألة المشاركة المباشرة للحركة في السلطة التنفيذية، لجهة تحديد المقاعد الوزارية، والشخصيات التي تشغلها، بعد البدء في إنزال الاتفاقية إلى أرض الواقع، ووصول قادة الحركة إلى الخرطوم.
وأكد يوسف أن إجراءات الدمج والتسريح للقوات العسكرية للحركة، ستتم مناقشتها بين الطرفين، ضمن مباحثات بروتوكول الترتيبات الأمنية، المُضمّنة في الاتفاقية الموقعة بينهما بالدوحة.
صحيفة السوداني
ع.ش
انهيار وراء انهيار
ودة بكون وزير شنو انشاء الله .
اسمعو الكلام النجيض دبجو ادوهو وزارة الزراعة . الزول دا حيكون احسن من المتعافي لانو بعرف الخلا والحواشات والمتعافي كان شغال في جزارة بتاع طايوق وبس .
كم بقى من العدل والمساواه….لم يدخل فى اتفاقية الدوحة…وكم بقى من حركات دار فور الاخرى خارج هذه الاتفاقية ….على الحكومة ان تنتظر حتى يكتمل الشمل وتعود كل الطيور المهاجرة ومن ثم تفسم المكافاءات (اقصد الوزرات) وسنرى عند تقسيم المكافآت كما جديدا من الحركات التى ستعلن عن تاسيسها لمواصلة الكفاح والسافيه لسه مدوره
تاااااني
وقاعدين نسمع انو الحكومه الجديده ستكون من اهل الاختصاص وسوف تحارب فيها كل انواع الحزبيه والطائفيه وسوف تكون حكومة اصلاح وصلاح وما عارف ايه. وبالكلام ده تااااني هنرجع للمربع الاول. ونبقى زي يأجوج ومأجوج كل يوم بهدموا الهدمو امبارح……..
والله مهزلة هو الزول ده عربي ما بعرفه يعمل شنو في القصر ؟ إلا يقعدوه دلول ساكت كما فعلوا بمناوي لمن كرهوه الخرطوم ” بس أهم حاجة تجردوا كل جماعته من السلاح الذي معهم ولا سكين ما تخلوها ليهم وتوزعوهم على مختلف الوحدات العسكرية “واحد في الشرق وخمسة في الجنوب وسبعة في الشمال ” بحيث إنه لا يلتقوا أبدا إلا بالتلفون والتلفون ذاته يكون مراقب ” ودي أصله حال قادة الحركات الواحد لمن يضيقوا عليه ويشبع في القتل والسلب والنهب والإغتصاب لبنات أهله يقرر التفاوض ويجي القصر مستشار ” خلوه يمش السلطة الإقليمية ويجلس في الفاشر هناك محل أهله البقعده في الخرطوم شنو وهو قال يدافع عن حقوق أهله في دارفور ” كلام فارغ ومهازل شديدة ” وربنا يرحمك ياجدنا الزبير باشا ما ريحتنا من أمثال هؤلاء الخونة والمجرمين والقتلة وسفاكي الدماء ومغتصبي الحرائر.
هذا زمانك يا مهازل فأمرحي!!!
[B][SIZE=6]يعني قضيتو كانت الكرسي
و كسب القضية[/SIZE] [/B]
[SIZE=5][SIZE=5]مبروووووووووك يستاهل طيب هل اهل الاصلاح قنعوا من عشم وزارة وطالبوا بالاصلاح الصف كبير يالبشير تعين منو تخلي منو الله يعينك على اهل المناصب في ناس يبست كل يوم يطلع من البيت يامراة اليوم ممكن اعين وزير [/SIZE][/SIZE]
وزير ترمس كبكبي والله السودان اصبح فوضي ولعب افصلوهم غير الهم والغم لا نعرف ليهم شئ هؤلاء عالة علي السودان
اوقفوا هذا العبث فورا
بالامس كان هذا مجرم مطلوب القبض عليه وقد اقترف جريمة قتل جنود الجيش السوداني والمواطنين وسرق ونهب وهدد امن البلاد
طالما ان الحكومة تتعامل هكذا مع المتمردين فمن المؤكد ان التمرد اصبح هو المؤهل الوحيد لنيل وظيفة وزير او والي
اوقفوا هذا العبث فورا
وقدموا هذا للمحاكمة فورا
هل رفع الدعم لايجاد موارد لصرف رواتب ومخصصات وحوافز ومراح سيارات لهؤلاء
هل بذلك انهيتم التمرد ام شجعتم مزيد من التمرد
شكيناكم لله
[B][SIZE=5]والله قربت استفرغ من قرف الحكومة الضغيفة دي كل واحد يعمل معاها شكلة يبقى وزير حاجة تتطرش عديل [/SIZE][/B]