سياسية
القيادي بالمؤتمر الشعبي كمال عمر يشتم ويرمي بالطوب في قارعة الطريق !!
فقد نشر الناشط بصفحة السائحون عمرو كباشي يسن موقف حدث له مساء اليوم مع د . كمال عمر علق عليه الناشط بأنه ينم على سوء الاخلاق والاستبداد والتعالى واحتقار الناس ونتانة وزفارة اللسان كلها مجتمعة في هذا الشخص!!! وقد حكى قائلاً :
في حوالى الساعة الرابعة عصر اليوم كنت ماري بشارع النخيل ( الطائف) في التقاطع, فجاء دخلت عربة صالون باتجاهي داخلة على شارع النخيل, بطبيعة الحال وفقت العربية بعد الخلعة لانها كانت ببساطة حا تضربني لولا لطف الله سبحانه وتعالى, ونزلت من العربية ووقف صاحب العربية التانية على بعد امتار مني بالاتجاه المعاكس, وسالته فيما معناه (تقطع كده ليه ) فكان رده فيما معناه بالاصرار وواصل بعدها بالاساءة يا تافه يا , يا .. الخ, وما ختا اي اعتبار للنسوان المعاه, المهم رديت ليه بنفس الفاظه ( انت التافه , انت ال .. الخ) , ووطوالى اتحرك بالعربية قبل ما اتم كلامي, المهم بطبيعة الحال راجل يغلط عليك وينبذك عيانك يا تاجر ويمشي كده سااااي!؟
ابدا والله, لحقته بالعربية وقام لفة بشارع فرعي, في اللحظة ديك انا وقفته مع الشارع, فتح باب العربية وطوالى لسانه فلت منه وبداء النبذ, انا كانت نازل اعرف ليه بينبذ فيني وقلته ليه (انت غلطان وبتنبذ؟؟!) طبعا صاحبكم واصل في النبذ وكان ردي ليه بنفس النبذ والقوة وفي اللحظة ديك اتاكدته من انه كمال عمر بعد ما نزل من العربية وجاي على , فقلته ليه (انت كمال عمر ودي الاخلاق العلمك ليها الترابي), , المهم واصل في النبذ بتاعه وجرى شال ((طوبة)) وعايز يضربني بيها لكن كان في اتنين من الشباب وقفو بعربيتهم ونزلو يحجزو, المهم مع التهديد والوعيد الشديد سالني عن اسمي وقلته ليه اسمي وردده وهددني بانه ما حا يخيليني بالفاظ مختلفة من التهديدات وبس يعرف مكاني وين, .. الخ , المهم الشباب ركبوني العربية وركبوه.
سوداناس
[SIZE=4]شمارات نسوان[/SIZE]
قطع شك بعملها كمال…….
يا أخي هذا الكميل(الغير مكتمل) روحه مكركره وناس الإنقاذ ديل عملوا ليهو لوث في عقله وبقي يجعجع ساكت.
كمال عمر راجل منفوخ اجوف وفارغ كالطبل بمعنى الكلمة انظر الى وجهه الا يبدو لك ان وجه إبليس ( اسمح ) من وجهه هذا ( الشلضوم ) سوء الخلق من اعراض ضيق الصدر ( وهم من اراد الله ان يضلهم ) فلا عليك دعه يحرق نفسه فأمثاله يموتون ( صارين وشهم ) عليهم من الله ما يستحقون
[B]إنت بتحكي الكلام ليه … ما إنت كمان نبذته بنفس النبذ وقدام حريمك .. كان تسامح بيه ربك … بدل تلحقه وتعترض على نبذه كان تقول ليه الله يسامحك وتمشي .. فعلاً .. شمارات نسوان … كلامك كل الناس حا تقيف ضده سواء كان مع الترابي أو دكتور في النهاية بشر … الله المستعان . [/B]
ونحن مالنا ومالكم تنبذو بعض ولا ان شاء الله تقتلو بعض
للاسف خرف بقا زي معلمو
[SIZE=4]تصرف غريب بالمقارنة لعمر كمال عمر و مكانته السياسية وان كان معارضآ يظن به أن يكون غير ذلك بكثير فهذه أخلاق شواريعيين لا تليق بمثله.[/SIZE]
القيادي بالمؤتمر الشعبي كمال عمر يشتم ويرمي بالطوب في قارعة الطريق !!
——-
ههههههه يرمي بالطوب في قارعة الطريق ؟ طيب مين الكان واقف ؟ بس كدا والشارع فاضي ؟ ولا كانت في غمرية تنقر في الإسفلت ؟ ولا كديسة كانت تشمشم ماتبقي من فضلات راس السنة ؟ هههههههه والله قصة أنا طبعاً ماعندي مزاج أقري الموضوع بس وقفت عند العنوان ورجعت .!
[SIZE=4]على إفتراض صدق ما تكتب فانت لا تقل عنه إنحطاطا(وكان ردي ليه بنفس النبذ والقوة )
لماذا لم تقاضيه و هو الأسلوب الحضاري يا هذا؟
ما هذا الدرك السحيق الذي سقطنا فيه و الحقد و الكيد الأعمى السياسي و الإجتماعي الذي نكابده
اللهم ألزمنا الصبر الجميل [/SIZE]
والله انت غلطان ليه ما اديتو اسمك .. وكمان كنت تديهو اسمك خماسي مو رباعي عشان تسوف حيعمل ليك شنو ؟؟؟؟ هو ده قادر يعمل لي نفسو حاجه عشان ما يعمل ليك انت …
انت غلطان وستين غلطان … ارجع ليهو تاني واديهو اسمك سداسي عليك الله وورينا حيعمل ليك شنو ؟؟؟؟؟؟؟؟؟؟؟
كمال نفخو ده كمان داير يعمل لينا فيها ابوعرام … سبحان الله…
لكن انت بيني وبينك كنت تمسكوا تكفتوا ليه خليتوا يمش كده ساي…
[COLOR=#FF7B00][SIZE=5]دقست زى دى بيوثقوها صوت وصورة[/SIZE][/COLOR]
لا تضحكوا على عقول الناس للأسباب التالية :
1- المشكلة بين طرفين . طرف معروف للناس ( كمال عمر ) والطرف الاخر وهو صاحب الخبر لا يريد الناس ان يعرفوه لماذا ؟؟؟؟
2- كيف نتأكد من صحة الخبر ؟؟؟؟
3- وهل مستبعد في زماننا هذا ان تكون هذه القصة مفبركة الغرض منها تشويه سمعة كمال عمر ؟؟؟؟
4- ماذا لو ذكر كمال عمر نفيه لهذا الخبر جملة وتفصيلاً .
نحن لا ندافع عن احد الطرفين ولكن نريد كلمة الحق وكشف الحقيقة .
ياخي أنتو في النهايه كيزان وكنت علي قلب رجل واحد ضد هذا الشعب السوداني لسنين عددا وكسر واعتقلتم وقتلتم كل من قال قولة حق وتمسك برايه والآن بعد ان تفرقت بكم السبل وانقسمتم فيما بينكم في اقتسام السلطة والثروه تريدون ان تنحاذوا للشعب الذي جرعتموه ويلات الاعتقال والبطش وإصلاحا له للصالح العام وبيوت اشباحكم يا سائحون ًًًًً…… لا. والف لا .
انتم يا سائحون ومجاهدون وغيركم من الإسلاميين عندنا كمثل الكفار والمشركين عند المولي عز وجل سواءا بسؤاء لا فرق بينكم عندنا فكلكم أعداء للشعب وعند الله تجتمع الخصوم….
علينا أن نقيّم الناس ليس بمن هم كشخوص ولا بمن يتبعون ولكن الذي يجب أن نركز عليه هو أن “الدين المعاملة” وإذا صحت الرواية فإن الرجل قد سقط