والي الخرطوم يوجه بالبدء في نظافة الولاية

( وجه والي الخرطوم بالإنابة المهندس صديق محمد علي الشيخ، مجلس شؤون البيئة وجهاز الإنذار المبكر وإدارة الأزمات، بالبدء الفوري في نظافة الولاية بجمع ونقل ومعالجة النفايات ) … وإنتو من زمان قاعدين تعملو شنو ؟؟؟!!! وبعدين إيه حكاية الإنذار المبكر وإدارة الأزمات دي ؟؟؟!!! والله اليسمع الكلام دا يقول نحن في سويسرا …!!! بالله عليكم اللله بلا فهلوة وبلا فلسفة وجعجعة على الفاضي … !!! النظافة وصحة البيئة هذه من أبسط واجبات السلطات المحلية التي يجب أن توفرها للسكان … حكومة ولائية ومجلس تشريعي ومعتمدين ومستشارين .. وما عارف إيه … جيش جراااار من الدستوريين والمسؤولين وبمخصصات مليارية والعاصمة عفنة ووسخانة … والخرطوم تعتبر من أوسخ وأعفن مدن العالم . !!!

اول مره نعرف ان للنظافه موعد للبدايه و النهايه

النظافه دي مفروض تكون مدوره طوالي ما دام ف حياه و بشر و سيارات وووووو
طيب برضو كويس ح تبدو
اهم حاجه الحفر الكتيره الفي شوارع الزلط كبو فيها
حصحاص او تراب احمر او تراب بمبي لانها بتمسك
وساخه و بتخرب بيوت ناس
اعملو ف الاسواق و الشوارع درابزين فواصل و ان لم تجدو حق الحديد
ابنو طوب او اسمنت او بلوكات للفواصل بين الشوارع فهي مساعده لقدام ف النظافه و سرعه المرور

“فاصل بين الناس و الشارع و فاصل بين السيارات”