السعودية توقف وكالات السفر السودانية من أعمال العمرة

احسن

أحسن .. أحسن .. أحسن

هو الناس بي اقاماتا مالاقين شغل لمن الناس تكسر

بعدين الحكومة لازم تشوف ناس العمرة والحج الجايين ديل قروشهم البدفعوها للوكالات ولي وزارة الحج دي بتمشي وين ؟

بالمناسبة الحج للسودانيين مكلف جداً وبيدفعوا قروش كثيرة جداً ولما يحضروا هنا تعال شوف الخدمات التي تقدم لهم .. مافيش وجبات .. ما فيش براح في السكن .. السكن وسخ جداً يفتقد لأبسط الضروريات ومكيفات لا تعمل و100 حاج في غرفة واحدة .. يعني خدمات سيئة جداً جداً ..

البعثات الأخرى ( وأنا عملت مقارنة ) تدفع أقل مما يدفع السودانيين ولكنهم يجدون تنظيم وخدمات وراحة أفضل .. ياخي حتى الهنود والآسيويين أفضل مننا ؟؟؟

طبعاً السبب الرئيس حا إكون التماسيح .. ده يشيل حبة والتاني حبتين إلين ما يصل الحاج للمشاعر إكون ما بقى شيء …

سبحان الله .. وين قنصليتنا .. وين بعثتنا .. ولا هم التماسيح ذاته ؟؟؟!!!!!!

السودانيين من شدة ما قلبهم مات صاروا يأكلوا مال الحجاج ؟؟!؟!؟!؟!

الناس دي نست الله ونست الحساب ونست القبور ونست القيامة .. ياحكوووووومة

ياخي مظهر حجاجنا هنا ما بشبه منظر الناس الآخرين .. ياخي فضحونا ( وأقصد هنا من سوء الخدمة وسوء التنظيم ) ..

كلام ابو قرجة صحيح ميه في الميه بس فيهو مبالغة شوية لكن الحجاج السودانيين فعلا بدفعوا اكثر من باقي شعوب العالم وفعلا الخدمات المقدمة لهم في المشاعر المقدسة شبه معدومة وان وجدت لا مقارنه بينها وبين الخدمات التي تقدم لحجاج الدول الاخري الذين ربما يكلفهم الحج ربع او عشر ما يكلف الحاج السوداني وكل الحجاج من كل انحاء العالم منظمين الا حجاج السودان سبحان الله دائما في كل موسم حجاج يعانوا ما يعانوا والسبب المسؤولين من بعثات الحج عمرهم ما سمعوا بحاجه اسمها تفويج او تنظيم افواج الحج وما حدث العام الماضي اصدق دليل ناهيك عن ما حدث في الاعوام السابقه والبيان بالعمل اي واحد ممكن يشوف الحجاج السودانيين اثناء الحج تلقاهم تايهين وما معاهم حتى رقم تلفون للمسؤول عن الفوج عفوا اقصد امير الفوج والمعسكر ابسط الخدمات ما متوفره فيهو والسيد امير الفوج سادي دي بطينه ودي بي عجينه كما يقول المثل . والموسم الجاي تعالوا اتفرجوا عشان تشوفوا بعيونكم .
:lool: :lool: :lool:

يا حسن عبداللطيف أنا ما بصطاد في الماء العكر ..

إنت بتقول كدة إمكن لأنك شغال معاهم وبتلقى ليك وظيفة أيام الحج تزيد دخلك ؟!؟!

أنا قلت في الغرفة 100 فرد .. هذا للمبالغة وطبعاً الرقم مش هو لكن كل الغرف مزدحمة .. وأزيدك غرف الرجال قريبة من غرف النساء .. نعم الناس جاية بنية الحج ولكن ليس هذا ما أمر به الله ورسوله ..

الوضع اسوأ مما أنا ذكرته .. الوضع مخجل .. بالذات عندما تنظر للمبلغ الذي دفعه الحاج لكي يأتي لبيت الله ؟؟!!!

شوف نوعية الفرش .. وترامس المياه .. والموقع نفسه .. وطريقة تقفيل الخيام وتوزيع الغرف فيها .. والتبريد .. هذا في منى فقط ..

شوف غرف الفندق ومقاسها وعدد الأسرة جاهزية أجهزة التكييف وبرادات المياه .. في الفنادق بمكة والمدينة ..

شوف نوعية الباصات التي تنقلهم .. كثيرة التعطيل .. بطيئة .. غير مكيفة .. الخ ..

البعثات الأخرى تدفع أقل وتتوفر لها وجبات .. البعثة السودانية لا .. شوف مظهر الحجاج أوقات الوجبات .. كل واحد واخد أكله شكل والناس صحونها في يدها هي داخلة وهي خارجة .. مع العلم الأكل التجاري أو الخارجي أيام الحج غالي ومكلف وغير جيد .. والحجاج يدفعون مبالغ كبيرة عشان يأكلوا ..

هناك شياب وعجائز لا يستطيعون الخروج والطلوع والنزول عشان يحضروا لأكثر من مرة خلال اليوم .. وليس هناك مكان مخصص للأكل ولا لحفظه .. تعال شوف شكل الغرف والأرضيات ؟؟!!!!

أما المصاعد .. فحدث ولا حرج .. ضيقة وقليلة وليس بها أي تنظيم ولا إحترام ولا تقدير للنساء وكبار السن .. ولا حتى خصوصية للنساء .. منتهى الفوضي .. أحياناً المرأة تنتظر ساعات لكي تقطع المسافة من بهو الفندق لغرفتها .. أما النظامة والحمامات .. كأننا في منتزه عام أو سينما ؟؟!!

هذا أورده لك مع الإعتبار المبلغ الذي يدفعه الحاج السوداني والآخرين ؟؟؟!!!!!!!!!

نعرف أن هناك حج سياحي .. وذلك موضوع آخر لفئة أخرى ربما غير السودانييين ؟؟؟

لكننا نتحدث عن الحاج السوداني الذي يدفع كذا مليون ويأتي مع فوج وأمير ورئيس بعثة .. الخ . 100 مسئول بالحج ربما نصف البعثة دون فائدة سوى إستغلال الفرصة وربما أكثر ؟؟؟!!!!!!

وأكتفي بهذا …