• ×

10:16 مساءً , السبت 28 فبراير 2015


وفاة زوج ندى القلعة بالسعودية  

زيادة حجم الخط مسح إنقاص حجم الخط
 غيب الموت أمس السيد احمد محمد احمد الفكي زوج الفنانة ندى القلعة بالاراضي المقدسة إثر علة لم تمهله طويلاً حيث أصيب بـ(جلطة) دخل على أثرها الانعاش منذ يوم الخميس الماضي ، وتوافد عدد كبير من اهل الفن والاعلام واصدقاء واقارب اسرة ندى القلعة لتقديم واجب العزاء للفنانة التي دخلت في نوبة بكاء هيستيرية ، في الوقت الذي يقام فيه العزاء بمنزل اسرة الفقيد بالمناقل ، وقالت ندى القلعة والدموع تبلل خديها وتنهمر من مقلتيها مدرارا انها مؤمنة بقضاء الله وقدره وعافية ليهو دنيا واخره . وطالبت كل من يستمع لها او يحبها والذين يعرفونها واؤلئك الذين لايعرفونها برفع اكفهم بالدعاء لزوجها سائلين المولى عز وجل ان يتغمده بواسع الرحمة والمغفرة ، وأضافت ندى بان الفقيد كان يعاني من ضغط في الدم وطلبت منه العودة للسودان الا انه كان يرد عليها بقوله : (انا عايز اموت جنب النبي عليه الصلاة والسلام وعاوز اجاور ياندى) وختمت ندى حديثها الباكي لصحيفة فنون بان الموت إبتلاء وامتحان وهي راضية بقضاء الله وقدره .
بواسطة : admin
 35  7  40.0K

التعليقات ( 35 )

الترتيب بـ
الأحدث
الأقدم
الملائم
  • #1
    12-22-2009 11:44 صباحًا nana :
    ربنا يرحمه ويغفر ليهو , واحسن الله عزاكم يا ندى
    • #1 - 1
      12-22-2009 06:11 مساءً Boko USA :
      له الرحمة والمغفرة واتمنى ان لاتكون رحلات نيجيريا هى السبب.
  • #2
    12-22-2009 11:56 صباحًا الدنقلاوي الخطر :

    اللهم اغفر له و ارحمه و أحسن متقبله و مثواه و اجعله يا كريم من أصحاب اليمين

    و ألهم آله و ذويه الصبر و حسن العزاء

    إنا لله و إنا إليه راجعون



    نصيحة: نأمل من الفنانة ندى الابتعاد عن الغناء لمدة 4شهور و10أيام تقديراً لفراق زوجها من باب الوفاء والعبرة والعظة.
  • #3
    12-22-2009 12:02 مساءً Sudanese Man :
    للفقيد الرحمة ولأهله الصبر والسلوان.....
    وإنشاء الله يا ندى دموعك دي تكون بالجد ما تكون دموع تماسيح.
  • #4
    12-22-2009 04:10 مساءً قرشى :
    البركه فيكم
  • #5
    12-22-2009 05:51 مساءً eman :
    rabana yir7amo...bas ya tra nada 7at\'7ali al\'3ona???
  • #6
    12-22-2009 05:55 مساءً ميسو :
    انا لله وانا اليه لراجعون وانشاءالله آخر الاحزان ياندي
  • #7
    12-22-2009 07:13 مساءً alrashdi :
    اسال الله له المغفره واتمنى من الفنانه بالتوبه الى الله وترك الغناء والتعرى فى اللبس وبان تكون قدوه للسودانيات وليس بالغناء لانه حرااااااااااااااااام
    • #7 - 1
      01-02-2010 09:35 صباحًا omer abbas :
      احسن تعليق وافضل نصيحه يا اخت ندى احسن تعليق وافضل نصيحه يا اخت ندى احسن تعليق وافضل نصيحه يا اخت ندى احسن تعليق وافضل نصيحه يا اخت ندى
  • #8
    12-22-2009 08:02 مساءً ابو سامر :
    للفقيد الرحمة والمغفرة والتعازي لاهله
    المرة الوحيدة السمعنا بي اسم زوج ندى كان خبر وفاته
  • #9
    12-22-2009 08:31 مساءً محلل رياضي :
    تصدقوا .. أنا قريت العنوان وفاة ندى القلعة ! قلت معقول الفنانات بيموتوا بس لمن قريت الخبر قلت الحمد لله طلع زوجها (محمد أحمد الفكي) ربنا يرحمه ويرحم جميع موتي المسلمين
  • #10
    12-22-2009 09:40 مساءً ابزرك :
    الله يرحمو .. ويغفرلو

    بس اول مرة نسمع انو المرة دي عندها ولي

    بس انشالله تتعظ .. وتنسى الفارغة والمقدودة والمشي لي نيجيريا

    لاحول ولاقوة الا بالله

    ياربي الفنانات بحدو .. ولا الحكاية اكل عيش
  • #11
    12-22-2009 11:49 مساءً ممو :
    الموت علينا حق .... ربنا يتغمدو برحمته ويجعلو من اصحاب اليمن ...وربنا يصبرك يااستاذه ندي ويعينك علي مصيبتك ............
    ومافي داعي ياجماعه الاسلام للتعليقات المافي محلها دي ..دا موت والموت مافيو شماته ودا حال كل مومن
    ربنا يغفر للجميع
    • #11 - 1
      12-26-2009 10:09 مساءً عمار ... :
      الدوام لله وربنا يجعلو من عباده الصالحين انشاءالله....
  • #12
    12-23-2009 02:28 صباحًا ابو على :
    البركة فيكم ياندى اها بس ختينا فى ترشيحات الزواج الجاى والعنوان نقدم ليك السيره الذاتية
  • #13
    12-23-2009 04:34 صباحًا خالد باشـــــــــــــري :
    الهم اغفر له وارحمه واجعل قبره رياض من رياض الجنه
  • #14
    12-23-2009 06:47 صباحًا محمد :
    عايرة و أدوها سوط.
    الله يرحمو ويرحمنا جميعا
  • #15
    12-23-2009 08:17 صباحًا سنسس :
    وااااااااااب عليك ياندويه تاني حفلات ليك مااااااااااااااااااااااااااااااااااااااااااااااااااااافي سجمك
  • #16
    12-23-2009 12:33 مساءً ابوالفضل :
    اللهم اغفر له وارحمه والهم اهله الصبر والسلوان
    الموت مصير كل انسان اما علاقة الموت بحياة الزوجة وطبيعة عملها ارى لا علاقة بذلك هناك فترة 4اشهر و10يوم بعدها ان ارادت ندى ان تتجه الى المديح والانشاد الدينى قبل ان تلتحق بالرفيق الاعلى احسب ان ذلك خير لها
  • #17
    12-23-2009 12:41 مساءً shakoor :
    ارجو أن تتعظي من فقدانك لزوجك وتتركي الجري وراء الغناء ونيجيريا.
    له الرحمة والمغفرة
  • #18
    12-23-2009 12:49 مساءً زبيدة :
    كلامكم دا دعية ولا جد ؟
    خالص الاعلام ما جاب سيره
    واليوم قرات عندكم انها من ضمن قايمة النوايا الحسنة
  • #19
    12-23-2009 06:20 مساءً المحسى :
    البركة فيكم ياندوية

    هكذا حال الدنيا... كل من عليها فان ريبقي وجه ربك ذو الجلال والاكرام...


    ياندوية ما تسمعى كلام الناس البكتبوا فى الكلام الفاضى دا ...........




    • #19 - 1
      12-25-2009 10:17 صباحًا السيد كورى :
      اللهم ارحمة واغفر له واسكنة فسيح جناتك
      اااااااااااااااااااااااااااامين
  • #20
    12-23-2009 07:42 مساءً مؤسسه الالياف الماسيه :
    الله يرحمه . لاكن هو مات في ودفن في الرياض وليس في المدينه المنوره . للتوضيح وعليه دين كبير ما سدده لناس في الرياض وجده
  • #21
    12-23-2009 09:03 مساءً الجزولي :
    اللهم ارحمة وارحم موتانا له الرحمة ونسال العلي القدير ان يلهم اهلهوزوجتة وابناؤه الصبر الجميل انا لله وانا اليه راجعون
  • #22
    12-24-2009 06:37 صباحًا هناء من دبي :
    اولا إنا لله وإنا إليه راجعون

    الفنانة ندى ادعو الله لك بالصبر والثبات بعد المصيبة الكبيرة التي وقعت عليك وعلى أسرتك
    واذكرك ناس الدنيا بشمتوا وبيعلقوا على اي شي حتى الموت والموتى
    ارجو انك ما تهتمي لكل ذلك لان مصيبتك اكبر منه ، وأحسن الله عزاك
  • #23
    12-24-2009 02:27 مساءً المفتى :
    نحن فى انتظار فتوى من مجلس الافتاء الشرعى هل حايجوزو الغناء لندى بخصوص حفلات راس السنة والكرسمس ذى ما فطرو لعيبة الكورة وافتو فى تشجيع مصر والجزائر حظكم جاكم شغل حلك لمن اجى رمضان
  • #24
    12-24-2009 03:17 مساءً لوزة :
    علي قول واحد كدا.. تاني حنة وقشرات مافي..
    غايتو الا تعملل عذر انو هي البتصرف علي البيت وطاقيها الفلس عشان تقطع العدة
  • #25
    12-24-2009 08:19 مساءً سودانى :
    انا لله وانا اليه راجعون..حقيقى ماتت أخلاق ومروءة السودانيين وبقوا يشمتوا فى الموت..لا حول ولا قوة الا بالله
  • #26
    12-25-2009 02:10 مساءً ابو عصاية :
    الله يرحمو
    مسكين كسرت عينو بين الرجال بي عمايلها لمن جاو ضغط
    اكيد مقاطع اليوتوب وتعليقاتها سبب الضغط والسكري بتاعو
    وتخيل هروبه من نظرات الناس
    ربنا يرحمه ويجعل عمايل مرته كفارة
  • #27
    12-25-2009 10:38 مساءً ابوبكر :
    البركة فيكم
    ربنا يرحموا ويغفر ليهو ويغفر ليكي
    وخالتي جابيه ليكي شوال سكر
  • #28
    12-26-2009 03:48 صباحًا امدر درر :
    اولا البركه فيكم وتانى حاجه عيب منكم ىاسودانين دى ماشيمنا واخلاقنا وانا مابشكر ليكم ندى لكنننننننننننننننن زى ما ندى غلطت مافى انسان معصوم من الغلط وانتو كمان غلطو فيها ابسط حاجه تعالقكم فى وفاه زوجها وكلاكم المافى نوع من الادب ولا الشهامه ولا الرجوله(والكلام دى للفئه الماتحاسب فى تعلقاته)
  • #29
    12-28-2009 09:37 صباحًا محمدعبدالله امدرمان :
    الهم ارحمهو واغفر له والزم ذويه الصبر الهم اسكنه الجنه وادخله الجنه مع المؤمنين الصابرين والشهداء .
    الهم ان كان محسن فذيد في إحسانه وان كان مسئ فتجاوز عن سيأته .
    الهم ارزقه ابناء خيرا من ابنائه وزوج خير منزوجه ودار خير من داره .
    الهم صبر زوجته واينائه واهله.

    : ياندي انشاء الله البركه فيك وفي اولادك الله يصبركم

    محمد عبدالله امدرمان
  • #30
    01-03-2010 08:17 صباحًا مجدي محمود محمد :
    إنا لله وإنا إليه راجعون .. أسأل الله سبحانه تعالى أن يتغمده بالرحمه ..
    وأذكر الأخوة السودانيين (ولا تنابذوا بالالقاب بئس الاسم الفسوق)
  • #31
    01-04-2010 12:17 مساءً ميار :
    والله ربنا الهمك الصبر والثبات واقدرك على الحبس ومنتظرين النيو لوك الجديد من غير حناء ريحتى النسوان شوية من حنت ندى القلعة وطقم ندى القلعة
  • #32
    01-09-2010 07:28 صباحًا عبدالمطلب بدوي- السعودية :
    اللهم ثبته اللهم احسن اليه انا لله ولنل اليه راجعون
  • #33
    01-11-2010 02:05 صباحًا ودانيه اصيله :
    السلام عليكم ورحمة الله وبركاته
    اولا . البركه فيكم ياندى وربنا يرحم موتانا وموتى جميع المسلمين
    تانيا. ياجماعه اي زول يخت نفسه مكان ندى يموت ليه اخ, اخت , ابو , ام ويرسلو ليه تعاليق زي الرسلتوها حيحس بي شنو بغض النظر هو شنو او هي شنو احنا مابنحاسبها ليها رب بيحاسبها وماتنسو ممكن تكون عملت عمل خير واحد بس في حياتها وربنا بيه يمسح ليها كل ذنوبها فاحنا مانقوم نشمت ولا نتكلم لانو اي حسنه نكون عملناها بتمشي ليها صدقوني الشماته حاره وربنا بيردها للشامت في الدنيا قبل الاخره فما تشمتو في الموت او في اي شي ممكن اي زول شمت يصبح بكره يلقى ليه عزيز عليه ميت الله يغفر لينا ويسامحنا عن اي ذنب ارتكبناه في الدنيا الفانيه
    وانا اول زول لو شمت في اي زول في الدنيا بطلب ربنا يسامحني وماينتقم مني \" كما تدين تدان \"\" ماتنسوا ماتشمتوا انتو مابتحاسبو زول في الدنيا ولا في الاخره ربنا وحده هو البيحاسب ياجماعة

    سودانيه اصيله
  • #34
    01-15-2010 12:17 صباحًا عبدالله :
    اللهم اغفر له وارحمه واجل الجنه مسواه
  • #35
    02-02-2010 02:21 مساءً ود العيلفون :
    الله يرحمه ويحسن اليه ويسكنه في فسيح جناته يا رب العالمين .....

    بس بنسأل كم من أمام ومؤذن وخطيب توفوا لرحمة مولاهم ولم تلمحه الصحف لمحة أو دعاء نسأل الله العافية ويرحم أموات المسلمين