• ×

12:01 صباحًا , الأحد 1 فبراير 2015


المذيعة تسابيح خاطر من المرور الي النظام العام

زيادة حجم الخط مسح إنقاص حجم الخط
 أدى حادث سير تسببت فيه سيارة المذيعة تسابيح مبارك خاطر التي كان يقودها شقيقها محمد الي إقتيادتها لشرطة النظام العام بالخرطوم . وكانت السيارة قد اصطدمت بسيارتين اخرتين في الخرطوم بحري ما ادى لتدخل شرطة المرور ، واثناء التحري إتضح ان السيارة مسجلة بإسم شقيقته تسابيح فتم إستدعائها كمتهم ثان في البلاغ . وأثناء مثولها للتحري وتكملة إجراءات البلاغ ، قدر أحد الضباط ان ملابس المذيعة تسابيح (غير لائقة ) ووجه احد رجاله بأخذها لشرطة امن المجتمع ببحري التي رأت الاكتفاء بتوجيه النصح لها . من جهتها قالت المذيعة تسابيح فان شقيقها كان يقود سيارتها بدون رخصة قيادة حين وقع له حادث سير ببحري في الثالثة من فجر أمس . واوضحت ان الشرطة اتصلت بها عقب الحادث واخبرتها ان شقيقها أصيب في حادث سير وطلبت منها الحضور لانها مالكة السيارة . وقالت تسابيح : ( انهرت تماما ولم اعرف كيف اتصرف ، فكرت في ايقاظ والدتي ، لكني خشيت عليهما من وقع الصدمة ، كيف سأقول لها ان ولدها الوحيد وقع له حادث سير )؟. واضافت تسابيح تحركت دون وعي للشرطة لأطمئن علي شقيقي آملة أن تكون اصابته (طفيفة) معزية نفسي بهذا الامل طوال الطريق ، وفي قسم الشرطة وجدت شقيقي الذي طمأنني بأنه بخير، فقط اصيبت العربة باضرار بالغة ، حمدت الله عندها كثيراً . وواصلت أثناء متابعة إجراءات البلاغ وبخني بعض الحضور علي اهمالي وسماحي لأخي بقيادة سيارتي دون رخصة قيادة فرددت انه في الحادية والعشرين من عمره ، فكيف أوجهة ؟ وهنا ثار البعض في وجهي ، ووبخوني علي ما كنت ارتديه من ملابس وصفوها بـ(غير اللائق) في مركز للشرطة . وبررت تسابيح تصاعد الاحداث بقولها : ( كنت منهارة تماما فاعترضت علي توبيخهم لي ، واوضحت لهم باني عدت من ( التصوير) في وقت متأخر من الليل ، ولم افكر وانا اهم بمغادرة المنزل بعد ساعات من وصولي متوجهة لمركز الشرطة سوى في شقيقي) . وأوضحت تسابيح ان الملابس التي كانت ترتديها هي ملابس التصوير ،(بنطلون ، تونك، وطرحة صغيرة) وأنها ذات الملابس التي قدمت بها أولى حلقات برنامجها ( مساء جديد) بقناة النيل الازرق . وقالت ان الشرطة إكتفت بلفت نظرها وتوقيعها علي تعهد بعدم تكرار ذلك ، وبحسب صحيفة حكايات خرجت من قسم الشرطة وهي تحمد الله علي سلامة شقيقها ، مؤكدة تمسكها بالقيم واحترام الزي السوداني .
بواسطة : admin
 13  4  23.3K

التعليقات ( 13 )

الترتيب بـ
الأحدث
الأقدم
الملائم
  • #1
    02-12-2009 01:40 مساءً محمد طيفور :
    شنو يا جماعة تسابيح تسابيح تسابيح
    البلد دي ما فيها غير تسابيح خاطر
    البلد دي فيها تماسيح شوفوا لينا قصصهم هم
    • #1 - 1
      03-15-2009 12:30 صباحًا البرينسييسه :
      انتو يالسودانين اذا مسكتو في حاجه بتمسخوها عديييييييييييييييييييييييل وانتو يالرجاله المغفلين اول ماكانت عاجبكم ندى القلعه هسع قبلتو على تسابيح الله يعين نسوانكم شوفو ليكم شغلة رجاله احسن امشو حلو مشكلة دارفور ولامشكلة فلسطين المجتمع العربي محتاجليكم بدل
  • #2
    02-12-2009 02:15 مساءً ابو محمد :
    ياناس النيلين وجريدة الدار وحكايات وهلم جرا البنات الغير محترمات كثيرات في مجتمعكم الان وخصوصا مجتمع الفن وغيره , ونحن علينا بالاصلاح ان اردنا ولكن النشر لايصلح هذه الامور فما تتوقع من بنات اباءهم وامهاتهم غضبانين عليهم ولفظوهم من حياتهم 0فالرجاء العمل بالامر بالمعروف والنهي عن المنكر بالطرق الشرعيه الصحيحه الغير مشوهة واختيار الضباط والافراد المؤهلين لذلك ومنع المحسوبيه في مرحلة القبض والتحري والمحاكمه وربنا يهديكم ويهدي الاباء والامهات والابناء للطريق السليم 0 والعمل للموت والحساب فانه اتي لا محاله



    وجزاكم الله خيرا/ ابنك المخلص
  • #3
    02-12-2009 02:39 مساءً ابراهيم الامين الصديق :
    البلد فيها ناس حاقدين عديل كدة وعايزين ليهم موضوع اتكلموا فيهو بس وانا بقول ليهم اتقوا الله يجعل لكم مخرجا ومن ستر مسلم ستره الله يوم القيامة وخلوا المسكينة في حالها عليكم الله ياناس وسائل التكنلوجيا الحديثة
  • #4
    02-12-2009 02:52 مساءً أبو عبدالله :

    سمعنا قالوا تسابيح عربيتا همر

    واشمعنا مذيعاتنا الغبش عربياتهم هنتر

    ولا دا بس عشان حسنك أمر وخلاك أحلى من القمر

    لمن تفك الشعر وتمشي الهويني وتتبختر

    مرة بنطلون تونك ومرة بلوزة بدون كم

    الصبر يا الغبش الدرب السمح زولو ما بندم

  • #5
    02-12-2009 03:44 مساءً محمد التجاني بشرى - السعودية :
    هسي البت دي زنبها شنو بس..........؟
    خليكم واقعيين
  • #6
    02-12-2009 05:05 مساءً ايفان الرهيب :
    السودان بلد المتناقضات ...لكن الحقيقة تقال بوليس السودان ما يزال بخير انا عشت في اوزبكستان 8 سنوات ...البوليس هناك زي البوليس السوداني
  • #7
    02-12-2009 06:07 مساءً Habar :
    البلد دي فيها تماسيح شوفوا لينا حكياتهم هم وخلونا من الخجلعة والكلام الفاضى زى ماقال اخونا محمد طيفور والدرب العديل يا مسلمين
  • #8
    02-12-2009 07:07 مساءً mohammed :
    الشرطه بقت تأديب وفضايح بعد ماكان في خدمة الشعب ياخ محمد ده وكت كويس منادين البت في نص الليل لي عشان تشوفو ملابسه وله عشان عرفتوها تسابيح
  • #9
    02-12-2009 07:11 مساءً مراقب دولي :
    يا ناس النيلين بقيتو زي جريدة حكايات وجريدة حكايات بقت زي بعض القنوات التلفزيونية العربية وأنا (المراقب الدولي) قاعد متمحن بيناتكم شنو يعني تسابيح لابسة ولا ما لابسة شنو يعني لو عربتها عملت حادث أول حادث واللا آخر تسابيح
  • #10
    03-08-2009 02:58 مساءً سامي درويش :
    يا جماعة عيب عليكم تصدقو الاشاعات في بنات الناس تانيا انا عندي اول تسجيل لتسابيح في اول حلقة في برنامج مساء جديد وكانت لابسة بدلة رمادية ومعاها رشا الرشيد لابسة فستان ابيض فحرام عليكم تدنسو اعراض الناس واتزكؤو انو برضو عندكم اخوات وخلو الخلق للخالق
  • #11
    03-12-2009 12:17 صباحًا ريما :
    انشالله تمشي من غير هدوم كمان مالكم ومالها سيبو البت في حالها ....
    تسابيح دي صحبتي وزولة عسسسسسسسسسسل عديل بطلو تفترو عليها
    والكلام كلو مفبرك عليها .... وم عندو اي اساس من الصحة والله يهديكم بس وتشوفو الاهم

    والمابتلحقوووووووو جدعوووووووووو
    • #11 - 1
      03-13-2009 10:53 صباحًا فخر الدين :
      في الاو ل اقول للاخت رمو كلنا نحباها
      وكلنا نحب الذي الزي الوداني المحتشم الجميل
      ولكن من المحال ان يكون هذا الكلام افتراء علي
      صديقتك المذيعةومن المستحسن ان تدافعي عنها
      بطريقة وباسلوب اجمل من هذا الاسلوب
      ادام الله الحب بينكم
  • #12
    03-12-2009 01:31 مساءً ناعمه :
    خافوا الله فى عروض الناس و خافوا على بناتكم ربنا يستر على الكل و حمد الله على سلامة اخوها و ربنا ما يورى زول مكروه فى عزيز.
  • #13
    03-14-2009 08:35 صباحًا عبدالرحمن حامد :
    ياناس خليكم من تسابيح وشوفو البسو فيهم بناتكم وأخواتكم في الشارع دا صاح