Follow us Youtube Rss Twitter Facebook
قديم 08-05-2003, 02:21 PM   #1
النجمة الانيقة
Guest
 
المشاركات: n/a
مقادير الكيكه البسيطه

ثلاث بيضات
فانيليا حسب الرغبة
1كاس حليب
1كاس زيت
ملعقتان شاي صغيرتان BB او باكنج باودر
2كاس دقيق
1كاس سكر
واكيد انتو عارفين طريقة العمل
وبصراحه كدا انا كتبتها ليكم عشان انا محترفة في عملها!
  رد مع اقتباس
قديم 08-21-2003, 12:53 PM   #2
Copy_Paste
عضو جيّد جداً
 
الصورة الرمزية Copy_Paste
 
تاريخ التسجيل: Jun 2003
المشاركات: 1,922
Cool

[COLOR=dark red]إن شاء الله نجربها ونشوف [/COLOR]
التوقيع
Copy_Paste غير متصل   رد مع اقتباس
قديم 08-22-2003, 09:19 AM   #3
المبروك
Guest
 
المشاركات: n/a
تشكري يا غالية بس يهيأ الي انو 3 بيضات كتيرة يمكن تخلي طعمها
فيهو شوية زفارة صحيح الفانيليا ممكن ما تظهرها لكن اعتقد بتظهر فيها رغم كدة .


مرحبا كوبي شكلك كدة أكيل وبتحب الرمرمة الله يديك العافية
  رد مع اقتباس
قديم 09-08-2003, 05:39 PM   #4
سولا
Guest
 
المشاركات: n/a
المبروووووك

لك التحيه طبعاً دايره اقول ليك الكيكه البيض فيها اهم حاجه شكلك كده حنكوش ومابتدخل المطبخ كمان طبعاً فى واحدين اتعودوا يجيبوا ليهم الاكل جاهز انت من هولاء ياترى ام لا ؟؟؟؟؟؟؟؟؟؟؟؟؟؟؟؟؟ظ
  رد مع اقتباس
قديم 09-09-2003, 02:12 PM   #5
المبروك
Guest
 
المشاركات: n/a
سولا

مرحب بيك وحبابك ألف
تعرفي نفسي أبقى ذي الحناكيش ديل وأحس احساسهم وأتكلم
كلامهم وأضوق البيضوقوه لكن ما كل ما يتمناه المرء يدركه وصعبة
جدا لأنو ذي ما بيقول المثل بعد ما شاب ودوه الكتاب .
أعلمي انني درست بالاسكندرية 4 سنوات هناك اتعصرنا فيها من
الجوع والغسيل والطبيخ وخلافو .
وذي ما شايفة بفتي في موضوع الكيك يعني خبير في المطبخ ولو
عايزة تتعلمي اي طبخة انا موجود ذي اسامة السيد ههههههههها

تسلمي كل الود لك
  رد مع اقتباس
قديم 09-10-2003, 03:03 PM   #6
سولا
Guest
 
المشاركات: n/a
تحياتى (المبروك)

المبروك
لك التحايا ودمت طيب
الحناكيش مالك معاهم عليك الله دايربيهم شنو
وهم اتوصلوا لشنو حتى الان والبضوقوا دا امكن حاجه كعبه هههههههه
تعمل ليك تسسسسسسم ساهى ونبقى فى الجرى تسلم انشأ الله مايحصل
احسن تبعد بعيد
لكن مادام انت زول ماهر فى الطبيخ يبقى احسن نتعلم كل يوم اكله
طبعاً البعد شاب دخلوا الكتاب اكيد بتكون عنده حاجه مدنكله ولا موهيك يالمصرى


تسلم المبروك
مع خلص التحايا
  رد مع اقتباس
قديم 09-10-2003, 03:29 PM   #7
النجمة الانيقة
Guest
 
المشاركات: n/a
على فكرة ثلاث بيضات ماكتيرة في الكيكة لانو الفنيليا بتروح اي زفارة
وانا في الكيكه دي ماهرة جدا!!!!!!!!
  رد مع اقتباس
قديم 09-11-2003, 11:15 AM   #8
Copy_Paste
عضو جيّد جداً
 
الصورة الرمزية Copy_Paste
 
تاريخ التسجيل: Jun 2003
المشاركات: 1,922
Cool

تشكري يا نجمة تاني وأتفق معاكي إنو الفانيليا بتروّح الزفارة

طيب يا مبروك طالما إنتَ ماهر كدة سوي لينا حلة
التوقيع
Copy_Paste غير متصل   رد مع اقتباس
قديم 09-11-2003, 04:21 PM   #9
سولا
Guest
 
المشاركات: n/a
سلام

المبرووووووووووووووووك
لك كل الود والتحايا
كيف حالك انا طبعا منتظرة الوصفات والاكلات اللذيذة
انشأ الله خير

مع تحياتى
  رد مع اقتباس
قديم 09-12-2003, 06:26 AM   #10
المبروك
Guest
 
المشاركات: n/a
العزيزة نجمتنا الأنيقة ست الكيكة الخطيرة والبوست الأنيق
العزيزة سولا ست الدبابيس الحارة وراجمات الصواريخ
عزيزي كوبي الغالي

خالص ودي واحترامي لكم جميعا وأقترح عليكم قبل ما نبدأ
نتعلم أي طبخة كدة ندخل كلنا بالسلامة المطبخ دة ونبدأ نعمل لينا
حلة ( تعارف ) مسبكة وبعدين نبدأ شغل الحلل والبصل .
ايه رأيكم . طبعا يا شباب معلومات عامة الدراسة وين ... شغالين
وألا لسة طلبة وين موجودين يعني حاجات عامة .

كل الود لكم .
  رد مع اقتباس
قديم 09-15-2003, 10:59 AM   #11
سولا
Guest
 
المشاركات: n/a
سلااااااااااااام

المبروك
لك التحايا الخاصه
كيف حالك انقطعت مالك شكلك لسه حنكوش ************انه المطبخ مابتنفع معاك مامشكله ننظم المطبخ كويس وننظف البوتجاز وانت عليك غسيل العده
بعد داك نشيل الوصفات ونعمل الاكل

ام عنى انا زوله لسه طالبه بالسنه الثالثه دراسات حاسوب
موجودة بالخرطوم


لك تحياتىىىىىىىىى
  رد مع اقتباس
قديم 09-15-2003, 04:20 PM   #12
Copy_Paste
عضو جيّد جداً
 
الصورة الرمزية Copy_Paste
 
تاريخ التسجيل: Jun 2003
المشاركات: 1,922
Cool

فكرة طيبة يا مبروك . أما عني فطالب لسة
التوقيع
Copy_Paste غير متصل   رد مع اقتباس
قديم 09-15-2003, 09:06 PM   #13
المبروك
Guest
 
المشاركات: n/a
قلتي لي دراسات حاسوب ؟ يعني يكونن صوابعك ديل ناااااااعمين ومربربين يادوب
التكة على الكي بورد وخلاص … وتقولي لي مطبخ وغسيل وعدة وطبيخ ومسح ؟ علي أنا برضو …
ده احنا الرقصنا الصارقيل … وضربنا للنملة روج … هههههههههههههههههههها

عموما مرحبتين بلدنا حبابا وحباب النيل حباب الغابا
- وكدة برضو قولي لي ( الباسم ) بيتعمل كيف وممكن نعمل منو كم أكلــــــــــــــــــــــة
- حاجة ثانية سمعتي بالسرقة في الأكل ؟ بالك ما يمشي للسرقة العادية لأ .. أنا قاصد
لما يجيكي ضيوف مثلا على العشاء وما يكون عندك حاجة في البيت تدخلي المطبخ وبالفهلوة كدا تعملي صنفين تلاتة من شئ بسيط جداً لو عملوه لطفل صغير ياكلو ويقول عايز تاني . والضيوف يتعشو ويشبعو ويكونو مبسوطين . ( على فكرة دا ما لغز ) .

مرحبا كوبي ما قلت نوع الدراسة وانت وين ويا ريت ايميلك لو تسمح .. تحياتي
[email protected]

خريج تجارة – جامعة اسكندرية 96م –موجود بالسعودية … خالص ودي
  رد مع اقتباس
قديم 09-16-2003, 02:59 PM   #14
سولا
Guest
 
المشاركات: n/a
المبروك سلامات

كيف حالك ياخى
طبعا الدراسه شئ والصفات شئ آخر انا زوله ماحنكوشه زى مانت متخيل بدخل عااااااااااااااادى المطبخ وبعمل اى حاجه من طبيخ - غسيل عدة -ومسح كمان
وبعمل ( باسم كمان ) لكن باسم مقطع لكل عين براها وكل اذن براها وباقى الحاجات كل حاجه لوحدها وتعمل بصله الشربه العاديه وترمى فيها قطع الباسم والملح بعد ذلك اضافة الفلافل والبهارات وكدا بعد فتره على النار بكون جاهز وبالهناااااااااااااااااااااااااا
لكن سرقة الاكل دى ماسمت بيها خالص عموما لو جونا ضيوف فى البيت حاتصرف بدون اى مشكله وحايشبعو كمان ويكونو مبسوطييييييين

برضو لكن ماديتنا من وصفاتك الغذايئه
نحن لسه منتظرين


مع السلالالالالالامه
  رد مع اقتباس
قديم 09-16-2003, 03:08 PM   #15
المبروك
Guest
 
المشاركات: n/a
مرحبا

يعني شنو ؟ باسم مسلوق ؟

وتاني ممكن يتعمل منو شنو أكلة

تحياتي
  رد مع اقتباس
قديم 09-16-2003, 08:13 PM   #16
المبروك
Guest
 
المشاركات: n/a
الأخت سولا

التحايا العطرة لك وللجميع

طريقة عمل ( الباسم )

المقادير : 1 راس خروف 1 كاس زيت ملعقتين صلصة بصلتين فلفل وهبهان وملح
1 بيضة

توضع راس الخروف في حلة بها ماء ويا ريت لو كانت حلة بريستو عشان ما تاخد نــــــار كتير
وتقطع كل بصلة على أربعة قطع وتوضع في الحلة مع الفلفل والهبهان والملح ونقفل الحلة جيداً
وبعد حوالى من 30 – 40 دقيقة ننشل راس الخروف من الشوربة ونتركه مدة كافية حتى ينشف من الشوربة ويبرد وبعد داك نقوم بتقطيع اللحم من الراس وكذلك اللسان الى قطع صغيرة .
نجيب صينية الفرن بتاعة البوتجاز العادية وندهنها بشوية زيت ونوضع فيهو لحمة الراس بصورة متراصة ثم نمسح عليها من فوق الصلصة مع شوية ملح وفلفل وندخلها في الفرن مدة من 10 – 15 دقيقة وبعدها بالهنا والشفا مع شطة وليمون .

الشئ الثاني الممكن يتعمل من باقي الراس :
نشق راس الخروف ونطلع المخ وطبعا بيكون نجيض لأنو مسلوق ونقطعو دوائر صغير ثم نفتح
البيضة في صحن ونكب كاس الزيت في الطوة وبعد الزيت ما يقدح نشيل دوائر المخ ونغمسها في البيض ومن ثم الى الطوة وبعد ما يتحمر تطلعيهو في صحن و بالهنا والشفاء .
وبكدة تكوني عملتي صنفيــــن من راس الخروف ( باسم ومخ بالبيض ) ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،

نجي لموضوع السرقة في المطبخ

مثلاً : ما عندك في المطبخ غير بيضة واحدة وعايزة تعملي 3 ساندوتشات بيض لأخوانك كيف تتصرفي وكل العندك بيضة واحدة بس ؟
تفقعي البيضة في صحن وتضعي عليها الملح والفلفل + ( باكنج بودر ) وتضربيهم كويس في الصحن وبعد داك كبيها في الطوة ( طبعاً بيكون الزيت قادح ) .
البيحصل إنو الباكنج بودر بينفخ البيض وبيكون مالي الطوة وبكدة تقدري تسوي أكثر من 3 ساندوتشات بيض من البيضة الواحدة دي والكل ياكل وهو مبسوط . دي السرقة الأنا قاصدها .
تحياتي وبالهنا .
  رد مع اقتباس
قديم 09-17-2003, 11:08 AM   #17
Copy_Paste
عضو جيّد جداً
 
الصورة الرمزية Copy_Paste
 
تاريخ التسجيل: Jun 2003
المشاركات: 1,922
Cool

لكن يا مبروك لقيتك
التوقيع
Copy_Paste غير متصل   رد مع اقتباس
قديم 09-17-2003, 12:33 PM   #18
سولا
Guest
 
المشاركات: n/a
سلامااااااااات

السلام عليكم ياالمبروك ان شاء الله طيب
طبخة الباسم ماعجبتك ولاشنو ؟

تانى ماعارفة بعملوا منو ايه

والشى الثالث وين الوصفات

مع السلامه يامبروك
  رد مع اقتباس
قديم 09-17-2003, 12:46 PM   #19
سولا
Guest
 
المشاركات: n/a
المبرووووووووووك

والله انت زول تمام تمام الله يديك العافيه
والله فزت علينا عددددددديل كدة

طبعا انا شبعت خلاص من الباسم
وبالمناسبه مخ الباسم دة اول مرة اعرف انو بتعمل بى الطريقه دى
انا الشى البعرفوا بتكسر راس الخروف ويقطع والمخ يلقى بعيدا ولايستفاد منه لكن حاجربها واشوفها
لكن يامبروك دى اكله سودانيه والا مصريه

اخيرا اقول ليك ربنا يديك العافيه ولا تبخل علينا بوصفاتك الرائعه

مع تحياتى
  رد مع اقتباس
قديم 09-17-2003, 09:04 PM   #20
المبروك
Guest
 
المشاركات: n/a
عزيزي كوبي

التحيات العطرات لك وللجميع وأشكرك كثيرا … بس حبيت أسأل الناس ديل عاملين
معاك كدة ليه وإسمك بالبنط العريض في مقدمة البوستات في المنتدى العـــــــــــام ( كلو صغيرة وكبيرة ) ؟
شكلك مريخابي من بوستك الكلو أحمر داك .
تحياتي يا غالي ..

سولا

خالص الأمنيات … قلتي لي ( المخ بالبيض ) أكلة مصرية ؟ طيب الكشري يكون شنو؟
طيب يا كوبي رد على البنية دي وقول ليها إنت ..
لو دخلتي معظم الكفتريات حتلقي سندوتشات المخ بالبيض ودا من زمان ما حاجة جديدة .
على فكرة لو ما أكلت المخ بالبيض مش نص عمرك بس الضايع عمرك كلو ضايع.
ما علقتي على موضوع السرقة في الأكل .. تسلمي

اها يا أخوانا أدونا وصفات لذيذات من عندكم .
خالص التحايا للجميع ودمتم في رعاية الله .،،،،،،،،،،،
  رد مع اقتباس
قديم 09-19-2003, 11:37 AM   #21
النجمة الانيقة
Guest
 
المشاركات: n/a
الف مرحبا

مالكم ياشباب دخلتوا موضوع الكيكة باكلات تانيه الله يهدينا كلنا
المهم انا لسة طالبة ثانويه لسة ما جربنا اجواء الجامعات الله يسهل الامور
لكن صراحه ردودكم حلوة شديد
اشكركم جميعا اختي سولا واخي المبروك واخي كوبي

اختكم النجمة الانيقة.
  رد مع اقتباس
قديم 09-19-2003, 09:34 PM   #22
المبروك
Guest
 
المشاركات: n/a
الاخت الغالية نجمتنا الأنيقة

كل الود والإحترام لك وحقيقي أنا آسف لأننا فعلاً زودناها شديد

ودخلنا فيها شمال بدل كيكة بقت لحمة راس ومخ وممكن تبقى

بعد شوية كوارع ... بس لأننا عارفين أصحاب البيت السوداني

بطبعه كريم إتصرفنا بعفوية ... آمل أن تقبلي إعتزاري ..

أتمنى إنك تكوني مجتهدة خاصة إنو المدارس هنا فتحت عشان

تمشي تشوفي الجامعة وجو الجامعة وتتعرفي على ناس كتير

وتشوفي حاجات حلوة حقيقي أجمل أيام العمر هي مرحلة الجامعة

دي .. ربنا يوفقك ومرحب بيك أخت بيننا .
  رد مع اقتباس
قديم 09-24-2003, 03:41 PM   #23
النجمة الانيقة
Guest
 
المشاركات: n/a
انا مازعلت ضيفوا زي ما انتو عايزين!!!!

مرحب بيك اخي المبروك
انا صراحة بتمنى اني امشي الجامعة لكن ما في ابدا احلى من ايام المرحلة المتوسطة
اها انشاء اللة تكون جربت الكيكة وعجبتك!!!!
وسلام!
  رد مع اقتباس
قديم 09-25-2003, 08:34 AM   #24
سولا
Guest
 
المشاركات: n/a
سلاااااااااام

السلام عليكم اهلنا بالمنتدى
نجمتنا الانيقه صاحبه فكرة الكيكه البسيطه اتمنى لك النجاح والتوفيق فى مشروعك الدراسى وعليك الله مازعلى مننا اذا اتغير البوست من حلويات الى املاح ومحدقات فالتوازن مطلوب مش كدة
كوبى بست
احوالك النجم الساطع فى جميع المنتديات
اتمنى لك التوفيق

المبررررروك المبارك

البارع الذى استفدنا منه كثيرا ونحن لسه فى انتظار المذيد
من وصفات لذيذه
انا طبعا ماعارفة انو عمرى كله ضاع عشان ماكلت المخ بالبيض وشكلى كدة ضعت فى الكزوزة ولا موهيك يامبروك
احتمال لانى مابدخل كافتريات وكدة
لكن ماقلته لى يالمبروك الكمشرى دة بيعملو كيف
وموضوع السرقه فى الاكل دائما بحاول اتحاشاه بتخيله سرقه جد جد
اخيرا ربنا يديك العافيه

سولا
  رد مع اقتباس
قديم 09-25-2003, 11:24 PM   #25
النجمة الانيقة
Guest
 
المشاركات: n/a
مرحبا بيكم اعزائي سولا والمبروك وكوبي!
كيف حالكم؟
مافي اي مشكله خلينا نضيف مالح على حلو ونسوي حفله حلوه
وطبعا طالبين من المبروك يكتب لينا كيف نعمل الكشري مالو نتعلم
بدل مانحن قاعدين ساكت كده!
اتمنى لكم التوفيق!!





اختكم: النجمة الانيقة!!!!
  رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:52 AM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
Protected by CBACK.de CrackerTracker