• ×

12:09 صباحًا , السبت 28 فبراير 2015


شركة الطاقة الأثيوبية تصدر الكهرباء للسودان قريباً  

زيادة حجم الخط مسح إنقاص حجم الخط
 
أكدت شركة الطاقة الكهربائية الأثيوبية أنها ستفي باتفاقياتها لتصدير الكهرباء إلى السودان في المستقبل القريب. وقال رئيس إدارة العلاقات العامة بالشركة ميسيكر نجاش في تصريحات للصحفيين بأديس أبابا أمس إن مشروع نقل الطاقة بين السودان وأثيوبيا والذي يمتد طوله إلى 230 كيلو متراً سيكلف الشركة 41 مليون دولار مشيراً إلى أنه رغم أن هذه الإمدادات ستكون تجريبية وعرضة لتغيرات إلا أن السودان يتوقع أن يحصل على إمدادات من الطاقة تبلغ 100 ميقاواط، وذلك حسبما ذكرت وكالة الأنباء المصرية «أ.ش.أ»، وأوضح رئيس إدارة العلاقات العامة بالشركة أن خط نقل الطاقة الأثيوبية إلى السودان يتضمن إنشاء ثلاثة أجزاء داخل أثيوبيا وهي بحر دار، جوندار وسهيدي وأن الجزء الأخير سوف يرتبط بشبكة لنقل الطاقة إلى داخل السودان.


اخر لحظة
بواسطة : admin
 8  0  2.4K

التعليقات ( 8 )

الترتيب بـ
الأحدث
الأقدم
الملائم
  • #1
    09-24-2012 12:29 مساءً زهجان منك :
    وين السدود العملتوها الفترة الماضية ؟!! والاكتافاء الذاتي من الكهرباء


    وصلنا لهذه الدرجة استيراد كهرباء من أثيوبيا ؟؟ صراحة كنت اتوقع العكس
  • #2
    09-24-2012 02:10 مساءً خروف :
    كده الكلام ولابلاش شوفتو الحبش فايدتهم كبيرة كيف ما زي المصريين القاعدين ياكلو لحمنا ويرمونا عضم عشان كده مفروض علاقتنا تقتصر فقط على اثيوبيا ونقطع اي علاقة بمصر ونلقي الاتفاقية بتاعت النيل المع مصر الوقعوها سنة 1929 ونوقعها مع اثيوبيا عشان يكون ليها النصيب الاكبر في المياه
  • #3
    09-24-2012 02:45 مساءً ابو العريف :
    ههههههههههههههههه
    وين كهرباء السد ؟
    ام هي فقط لمصر واسرائيل
    هههههه
    دي حركة تعملوها تمقلبو الناس كدة والرد بالسد الى اخره
    وكمان تمهزلوهم وتخلوهم يطلعوا الشارع يهتفوا الرد والسد وفي النهاية تستوردوا الكهارب من الحبشة
    هههههههه
  • #4
    09-24-2012 03:06 مساءً صابر :
    الرد....الرد كباري وسد......ويييييين سد مروي ولا برضو طلع اشاعة ساااااااي......كنا بنتوقع انو نحن ح نصدر الكهرباء لدول الجوار......؟؟؟؟؟
  • #5
    09-24-2012 03:23 مساءً الضحك على الدقون :
    الله
    يا جماعة الخير
    مش ريسنا عمر البشير
    قدل ورقص
    يوم إفتتاح سد مروي
    وقال خلاص نحن إكتفينا من الكهرباء
    وح نصدر الفايض لدول الجوار
    طيب الحصل شنو
    عشان نستورد الكهرباء من اثيوبيا
    أكيد طبعا الكهرباء ما ممكن الواحد يختلسها
    طيب مشت وين كهرباء سد مروي
    • #5 - 1
      09-25-2012 12:16 صباحًا ابو العريف :
      دا انت بسأل اسئلة صعبة قوي
      عموما يمكن بغشو في رئيس اثيوبيا الجديد عشان يقطعوا مع سلفا ناشف
      وطبعا كثير من المناطق في السودان ما زالت مظلمة ليلا الا من الفوانيس وابلمبة
  • #6
    09-24-2012 09:00 مساءً الطائر الاسود :

    بعد الطفره الهائله في الصناعه والاستهلاك المتنامي لابد من زيادة الانتاج من الكهرباء ويتم سد العجز من استيرادها من اثيوبيا وهذا افضل الحلول لرخصتها .... افضل ان نستوردها من اثيوبيا بدل مصر من نواحي عديده اهمها ان الاثيوبين ليس لديهم استهلاك كبير من الكهرباء ولديهم فائض كبير ...
    • #6 - 1
      09-26-2012 11:24 مساءً مغترب مكتوي من الحكومة السجم :
      بالله عليك ما تقطع مصارينا بالضحك عجز شنو ياخي ديل هم زاتم معجزين ، وإنت مالك ما تصدر لي اثيوبيا بدل ما هي تصدر ليك كهرباء ، وبعدين إنت طوالي في حوجة للدول .
      ياخي دي حجج واهية وضحك على دقون الشعب السوداني المسكين .
  • #7
    09-25-2012 03:07 صباحًا الحلفاوي :
    يا جماعة انتو عارفين انه حكومتنا تفتيحة وان الكهرباء المنتجة من السدود السودانية من النوع الغالي عشان كده حكومتنا الرشيدة بتصدر كهربتنا الغالية بالعملة الصعبةبالدولار وبيشتروا كهرباء رخيصة من اثيوبيابـ (البر الاثيوبي).
    والله غالب
  • #8
    09-25-2012 10:55 صباحًا مدحت محمد عوض :
    الكلام موجه للوزير اسامة وين سدمروي وين سد سنا وين سد الرصيرص وين كلامكم الاكتفاء الذاتى من الكهرباء والتصدير وووووييييين وين نحن